GST: జీఎస్టీ పరిధిలోకి పెట్రోలియం ఉత్పత్తులు!

దేశంలో రోజురోజుకు పెట్రోలియం ఉత్పత్తుల ధరలు పెరుగుతూనే ఉన్నాయి. అయితే ధరలను కట్టడి చేయడానికి ప్రభుత్వం అన్ని రకాల ప్రత్యామ్నాయాలను యోచిస్తోందని కేంద్ర పెట్రోలియం శాఖ మంత్రి ధర్మేంద్ర ప్రదాన్‌ ఎట్టకేలకు సోమవారం (మే 28) తెలిపారు. అంతర్జాతీయంగా ముడి చమురు ధరలు పెరగడం, డాలర్‌తో రూపాయి మారకం విలువ క్షీణిస్తుండటం, ఇతర పన్నులు కూడా పెట్రోల్‌, డీజిల్‌ ధరలు పెరగడానికి ప్రధాన కారణాలని ఆయన అన్నారు.

ఈ సమస్య పరిష్కారానికి పెట్రోలియం ఉత్పత్తులను జీఎస్టీ పరిధిలోకి తేవడం కూడా ఒక పరిష్కారంగా ఉందని ఆయన సూచించారు. దీంతో ధరల అదుపుకు శాశ్వత పరిష్కారం దొరికే అవకాశముంటుందని ఆయన అన్నారు. ఇదిలా ఉండగా.. మరోపక్క సోమవారం అంతర్జాతీయ మార్కెట్‌లో చమురు ధర తగ్గు ముఖం పట్టినప్పటికీ, భారత్‌లో వరుసగా 15వ రోజు కూడా పెట్రోల్‌, డీజిల్‌ ధరలు పెరగటం విశేషం.