2050 నాటికి 70% ఎక్కువ ఆహారం కావాలి

" />

ఉత్పాదకతలో తగ్గుదల, భూముల విస్తీర్ణం తగ్గడం, వాతావరణ మార్పులు, వ్యవసాయం చేస్తున్న వారి సంఖ్య తగ్గడం వంటి అంశాలు రానున్న కాలంలో ఆహార భద్రతను ప్రభావితం చేయనున్నట్టు ఆయన చెప్పారు. ఈ నేపథ్యంలో తక్కువ నీటి వనరులను వినియోగించుకుని అధికంగా ఉత్పాదకత ఉండే వంగడాల అవసరం ఉందని, అంతేకాకుండా వ్యవసాయ ఉత్పత్తుల వృధాను తగ్గించాల్సి ఉందని ఆయన పేర్కొన్నారు. శుక్రవారంనాడిక్కడ ‘భవిష్యత్‌ సాగు’పై నిర్వహించిన ఒక సమావేశంలో ప్రేమ్‌ వారియర్‌ మాట్లాడారు. వినూత్న విధానాలను అనుసరించడం ద్వారా వ్యవసాయ రంగంలో ఎదురయ్యే సవాళ్లను అధిగమించవచ్చని బిఎఎస్‌ఎఫ్‌ ఇండియా చైర్మన్‌ రామన్‌ రామచంద్రన్‌ అన్నారు. వ్యవసాయ ఉత్పత్తులను నిల్వ చేసుకునేందుకు తగిన స్థాయిలో సదుపాయాలు లేకపోవడం వల్ల గత ఏడాదిలో 98 వేల కోట్ల రూపాయల విలువైన ఉత్పత్తులు వృథాగా మారినట్టు ఆయన చెప్పారు. ఈ నేపథ్యంలో నష్టాలను తగ్గించేందుకు వినూత్న విధానాలను అనుసరించాలని సూచించారు.