BYD Atto 3 : మార్కెట్లోకి కొత్త ఎలక్ట్రిక్ కారు.. కాస్ట్ చూస్తే కళ్లు తేలేయాల్సిందే, సింగిల్ ఛార్జ్‌తో 521 కి.మీలు దూసుకెళ్తుంది.. !

BYD Atto 3 : వారెన్ బఫెట్‌ పెట్టుబడులు పెట్టిన బీవైడీ కంపెనీ తన కొత్త ఎలక్ట్రిక్ ఎస్‌యూవీ అట్టో 3ను భారత మార్కెట్లోకి లాంచ్ చేసింది. ఈ ఎలక్ట్రిక్ కారు ధర భారత్‌లో ఎక్స్‌షోరూంలో రూ.33.99 లక్షలుగా ఉంది. గత నెలలోనే ఈ కారుని కంపెనీ ఆవిష్కరించింది. అక్టోబర్ 11 నుంచి ఈ కారు ప్రీ ఆర్డర్లను భారత్‌లో చేపట్టింది. రూ.50 వేలు చెల్లించి ఈ కారును బుక్ చేసుకోవచ్చని కంపెనీ చెప్పింది. ఇప్పటి వరకు ఈ కారుకి 1500 వరకు బుకింగ్స్ నమోదైనట్టు బీవైడీ కంపెనీ తెలిపింది. 2023 జనవరి నుంచి ఈ కారు డెలివరీ ప్రారంభమవుతుందని తెలిపింది. బీవైడీ(బిల్డ్ యువర్ డ్రీమ్స్) ఆటో కంపెనీ చైనాకు చెందినది. ఇండియాలో బీవైడీ లాంచ్ చేసిన రెండో వెహికిల్ ఇది.

బీవైడీ అట్టో 3 ఎలక్ట్రిక్ ఎస్‌యూవీ నాలుగు వేరియంట్లలో మార్కెట్లో అందుబాటులో ఉంది. బౌల్డర్ గ్రే, స్కి వైట్, సర్ఫ్ బ్లూ, పార్కౌర్ రెడ్ రంగుల్లో ఈ కారు మార్కెట్లోకి వచ్చింది. హ్యుండాయ్ కోనా, ఎంజీ జెడ్‌ఎస్ ఈవీలకు పోటీగా ఈ కొత్త ఎలక్ట్రిక్ ఎస్‌యూవీ లాంచైంది.

Also Read : ఎల్ఐసీ ఇన్వెస్టర్ల ఆశలు చిగురించాయి.. ఉవ్వెత్తున ఎగిసిన షేరు, కారణమేమిటంటే..!
బీవైడీ అట్టో 3 ఎలక్ట్రిక్ ఎస్‌యూవీ ఇంజిన్..

60.48 kWh బ్యాటరీతో ఈ వెహికిల్ రూపొందింది. సింగిల్ ఛార్జ్‌లో 521 కి.మీల వరకు ఈ ఎలక్ట్రిక్ కారు ప్రయాణించగలదు. 80 కేడబ్ల్యూ డీసీ ఫాస్ట్ ఛార్జర్‌తో ఇది రూపొందింది. 50 నిమిషాల్లో 0 నుంచి 80 శాతం వరకు ఈ కారు ఛార్జ్ కాగలదు. హోమ్ ఏసీ ఛార్జర్ అయితే ఈ ఈవీ ఛార్జ్ అయ్యేందుకు 10 గంటల వరకు సమయం పడుతుంది. 3.7 సెకన్లలోనే గంటకు 0 నుంచి 100 కి.మీల వరకు ఈ ఎలక్ట్రిక్ ఎస్‌యూవీ అందుకోగలదని కంపెనీ చెబుతోంది.

బీవైడీ అట్టో 3 ఎలక్ట్రిక్ ఎస్‌యూవీ ఫీచర్లు..

12.8 అంగుళాల రొటేటింగ్ ఇన్ఫోటైన్‌మెంట్ స్క్రీన్‌తో ఇది రూపొందింది. స్క్రీన్‌కు ఆండ్రాయిడ్ ఆటో, యాపిల్ కారు ప్లే సపోర్టు కూడా ఉంది. పానారోమిక్ సన్‌రూఫ్, ఎలక్ట్రానికల్లీ పవర్డ్ టెయిల్‌గేట్, పవర్డ్ ఫ్రెంట్ డ్రైవర్ సీట్స్, అడాప్టివ్ ఎల్ఈడీ హెడ్‌ల్యాంప్స్, కీలెస్ ఎంట్రీ వంటి ఫీచర్లు ఈ కారులో ఉన్నాయి.

Also Read : Gold Rates: ద్రవ్యోల్బణం దిగొస్తుంది.. బంగారం కొండెక్కుతోంది.. 3 నెలల గరిష్టానికి పసిడి!