కార్ల ధరలు పెరిగాయి, గమనించండి

కార్ల తయారికీ అవసరమైన స్టీలు, జింక్ వంటి ముడిసరుకు, విడిభాగాల ధరలు పెరగడంతో కంపెనీలు కార్ల ధరలు కూడా పెంచేశాయి.

టాటా మోటార్స్ ప్యాసింజర్ కార్లపై రూ.5వేల నుంచి 12వేల దాకా పెంచినట్లు టాటా మోటార్స్, వెహికిల్స్ బిజినెస్ యూనిట్ ప్రెసిడెంట్ మయాంక్ పారిక్ వెల్లడించారు.

‘కార్ల ధరల్లో ఒక్కశాతం మేర పెంచాం. ఇది కారు నుంచి కారు రూ.5000 నుంచి రూ.12000ల తేడాగా ఉంటుంది’ అని పారిక్ తెలిపారు.

నానో కారు నుంచి మొదలుకుంటే కొత్తగా కంపెనీ లాంఛ్ చేసిన హట్చ్ బ్యాక్ టియాగో, క్రాస్ ఓవర్ వెహికల్ అరియల ధరలు రూ. 2.15 లక్షల నుంచి రూ.16.3 (ఎక్స్ షోరూం ధర-డిల్లీ)గా ఉన్నాయి.

మహీంద్రా అండ్ మహీంద్రా వెహికిల్స్, ప్యాసింజర్, కమర్షియల్ వాహనాలు ధరలు సైతం ఒక్కశాతం మేర పెరిగాయి.

హుందాయ్ మోటార్స్ ఇండియా ఉత్పత్తులు కారు మోడల్ ను బట్టీ రూ.20000ల దాకా పెంచగా, మారుతీ సుజుకీ కూడా రూ,20000 మేర పెంచింది.