Contagion Risks: చిక్కుల సుడిగుండంలో అదానీ.. మరో రెండు కంపెనీలకు పెద్ద ముప్పు.. అదే కారణమా?

Contagion Risks: అమెరికాకు చెందిన హిండెన్‌బర్గ్ రీసెర్చ్ కంపెనీ విడుదల చేసిన రిపోర్ట్‌తో అదానీ గ్రూప్ ఛైర్మన్ గౌతమ్ అదానీ పరిస్థితి తలకిందులైన విషయం తెలిసిందే. ప్రపంచ కుబేరుల లిస్ట్‌లో ఒక దశలో రెండో స్థానంలో ఉన్న ఆయన తర్వాత 35 స్థానం దాటి వెళ్లారు. అదానీ గ్రూప్.. మార్కెట్లలో అవకతవకలకు పాల్పడిందన్న ఆరోపణలతో గ్రూప్ షేర్లు కుప్పకూలాయి. ఇక ఇటీవల కోలుకుంటున్నట్లు కనిపించినా.. మళ్లీ ఇప్పుడు అదే పరిస్థితికి చేరేలా ఉంది. దీనికి కారణం తాజాగా అదానీ గ్రూప్‌కు చెందిన 2 కంపెనీల్లో పాలనాపరమైన లోపాలు ఉన్నట్లు హెచ్చరించింది ఫిచ్ రేటింగ్స్. దీంతో ఆ కంపెనీల ఆర్థిక సౌలభ్యానికి ప్రమాదం పొంచి ఉందని వెల్లడించింది. ఈ మేరకు అదానీ గ్రూప్‌లోని రెండు కంపెనీలపై రేటింగ్ ఏజెన్సీ ఫిచ్ కీలక నివేదిక విడుదల చేసింది.

అదానీ గ్రూప్‌లోని అదానీ ట్రాన్స్‌మిషన్, అదానీ పోర్ట్స్ కంపెనీల ఆర్థిక సౌలభ్యం ముప్పులో ఉన్నట్లు పేర్కొంది. ఇక ఈ కంపెనీలు, అనుబంధ సంస్థల్లో పాలనాపర బలహీనతలు ఉన్నట్లు స్పష్టం చేసింది. అయితే కంపెనీలకు గతంలో ఇచ్చిన రేటింగ్స్ 'BBB-' లో మాత్రం ఏ మార్పూ చేయలేదు. ఇదే సమయంలో రేటింగ్‌ను ఇక్కడే పరిమితం చేయబోమని.. క్రెడిట్ క్వాలిటీ మెరుగుపడేందుకు దోహదపర్చే ఇతర అంశాల్లో పురోగతి కనిపిస్తే.. రేటింగ్స్‌లో సానుకూల మార్పు ఉండొచ్చని వెల్లడించింది. ప్రస్తుతానికి అదానీ పోర్ట్స్, ట్రాన్స్‌మిషన్ కంపెనీల క్రెడిట్ ప్రొఫైల్ బలంగానే ఉందని, అదనపు అప్పులపై పరిమితులు, నిర్దిష్ట నిధుల ప్రవాహ వనరుల వల్ల ఇది సాధ్యమైందని చెప్పుకొచ్చింది.

Gautam Adani: అదానీ అప్పులు చెల్లించలేదా? వివరణ కోరిన స్టాక్ ఎక్స్చేంజీలు.. ఖండించిన అదానీ.. అసలేం జరుగుతోంది?

Medicine Prices: సామాన్యులకు కేంద్రం షాక్.. మెడిసిన్ల ధరలు భారీగా పెంపు.. జ్వరం గోళీల నుంచి Antibiotics వరకు..
దీనికి తోడు.. రెండు రోజుల కింద అదానీ గ్రూప్‌పై ది కెన్ రిపోర్ట్ సంచలన నివేదిక విడుదల చేసింది. షేర్లను తనఖా పెట్టి తీసుకున్న లోన్లను అదానీ గ్రూప్ చెల్లించిందా? అనేదానిపై అనుమానం వ్యక్తం చేసింది. మార్చి 31 వరకు గడువు ఉంటే అంతకుముందే 2.1 బిలియన్ డాలర్ల రుణాలను తిరిగి చెల్లించినట్లు అదానీ గ్రూప్ ఈ నెల ప్రారంభంలో చెప్పింది. అయితే.. ఇప్పుడు దీనిపై కెన్ ఆరోపణలు చేసింది. కేవలం అదానీ పోర్ట్స్ షేర్లు మాత్రమే ప్రమోటర్లకు విడుదలయ్యాయని, అదానీ ట్రాన్స్‌మిషన్, అదానీ గ్రీన్ ఎనర్జీ తనఖా షేర్లు మాత్రం ఇంకా బ్యాంకుల దగ్గరే ఉన్నాయని నివేదికలో తెలిపింది.

ఈ నేపథ్యంలో అదానీ గ్రూప్ నుంచి దీనికి సంబంధించి వివరణ కోరింది. ఇక అదానీ గ్రూప్.. ది కెన్ రిపోర్ట్‌ను ఖండించింది. ఆ నివేదిక నిరాధారమైనదని, దానిని నమ్మొద్దని చెప్పింది. ది కెన్ రిపోర్ట్ వచ్చిన క్రితం రోజు (మార్చి 28) సెషన్‌లో అదానీ గ్రూప్ షేర్లు అన్నీ నెగెటివ్‌లో ట్రేడయ్యాయి. చాలా వరకు లోయర్ సర్క్యూట్ కొట్టాయి. అయితే ఇవాళ అదానీ గ్రూప్ ఖండించిన తర్వాత.. మళ్లీ లాభపడ్డాయి. చాలా వరకు స్టాక్స్ అప్పర్‌సర్క్యూట్ కూడా కొట్టడం విశేషం.

Online Shopping: ఆన్‌లైన్ షాపింగ్‌లో ఎక్కువ ఖర్చు చేసేది మహిళలైతే కాదట.. షాకయ్యారా నిజమేనట! Gautam Adani: కుప్పకూలిన గ్రూప్ షేర్లు.. 10 స్టాక్స్ లోయర్ సర్క్యూటే.. రూ.32 వేల కోట్లు పతనం.. ఇంతలో ఏమైంది?

• Read Latest Business News and Telugu News