Disney Layoffs: వినోద రంగానికీ తప్పట్లేదుగా.. దిగ్గజ కంపెనీలో వేలాది మందికి లేఆఫ్స్.. అంతా పొదుపు కోసమే!

Disney Layoffs: ఈ ఫిబ్రవరిలో సుమారు 7000 మంది ఉద్యోగులను తొలగించిన దిగ్గజ వినోద రంగ కంపెనీ డిస్నీ ఇప్పుడు మరోసారి కీలక ప్రకటన చేసింది. ఏప్రిల్‌లో దాదాపు 4 వేల మందిని తీసేయనున్నట్లు సమాచారం ఇచ్చింది. ఇప్పుడే వ్యయాల కోతకు సిద్ధమైంది. లేఆఫ్స్ ఇచ్చేందుకు అవకాశం ఉన్న, ఆ లిస్ట్‌లో ఉంటారని భావిస్తున్న వారి జాబితాలను సిద్ధం చేయాలని, రానున్న వారాలను పరిగణనలోకి తీసుకొని లిస్ట్ తయారు చేయాలని మేనేజర్లను డిస్నీ యాజమాన్యం ఆదేశించినట్లు వెల్లడించాయి సంబంధిత వర్గాలు. ఈ ఏప్రిల్‌లోనే కచ్చితంగా 4 వేల మందిని పీకేయనున్నట్లు న్యూయార్క్ కేంద్రంగా పనిచేస్తున్న బిజినెస్ ఇన్‌సైడర్ అనే వెబ్‌సైట్ పేర్కొంది. వచ్చే నెల 3న డిస్నీ యాన్యువల్ మీట్ (వార్షిక సమావేశం) జరగనుంది. అయితే దాని కంటే ముందే ఈ సారి వ్యయ నియంత్రణ చర్యలను ప్రకటించడం గమనార్హం.

ఇదే సమయంలో డిస్నీ పునర్‌వ్యవస్థీకరణ చర్యలకు కూడా పూనుకున్నట్లు తెలుస్తోంది. సాధారణ వినోధ కార్యక్రమాల్లో ప్రస్తుతంగా భాగంగా ఉన్న స్ట్రీమింగ్ సర్వీస్ అయినటువంటి హులూను ఏం చేయాలనే దానిని కూడా పరిశీలిస్తోంది. ఇక డిస్నీకి ఆ హులూలో మూడింట రెండొంతుల మేర వాటా ఉంది. కామ్‌కాస్ట్ కార్పొరేషన్‌కు ఒక భాగం వాటా ఉంది. ఖర్చులను తగ్గించుకునేందుకు.. కంటెంట్ తగ్గించడం, వేతనాల్లో కోతలు విధించడం లక్ష్యంగా పెట్టుకుంది. రానున్న కొన్ని సంవత్సరాల్లో ఆటలు సహా ఇతర విభాగాల్లో దాదాపు 3 బిలియన్ డాలర్ల మేర సేవింగ్స్ చేయాలని భావిస్తోంది డిస్నీ.

ఇక భారత ఐటీ దిగ్గజం విప్రో.. అమెరికా ఫ్లోరిడాలోని 120 మంది ఉద్యోగులను తొలగించింది. వ్యాపార మార్పుల కారణంగా ఈ లేఆఫ్స్ విధించినట్లు స్పష్టం చేసింది. కేవలం ఫ్లోరిడాలోని టాంపాలోనే ఈ ఉద్యోగాల కోత జరిగింది. వీరిలో 100 మంది ప్రాసెసింగ్ ఏజెంట్లు కాగా.. మిగిలినవారు టీమ్ మెంబర్స్, మేనేజర్ ఉన్నారు. ఈ లేఆఫ్స్ ఇతర విభాగాల సేవలపై ఎలాంటి ప్రభావం చూపించబోదని చెప్పింది విప్రో. భారత్‌లో పూర్తిస్థాయిలో ఉన్న విప్రో.. అమెరికా, కెనడా, బ్రెజిల్, మెక్సికో వంటి దేశాల్లో 20,500 మంది వరకు ఉద్యోగులున్నారు.

Rajalakshmi Vijay: జాగింగ్ చేస్తుండగా ఢీకొట్టిన కారు.. టెక్ కంపెనీ సీఈఓ దుర్మరణం.. ఎంత పనైంది! Mobile Payments: అలా పేమెంట్లు అస్సలు చేయకండి.. సరికొత్త మోసం తెరపైకి.. 81 మంది దగ్గర రూ. కోటి లాగారు.. PPF Account: ఈ ప్రభుత్వ పథకం కోటీశ్వరుల్ని చేస్తుంది.. వడ్డీతోనే రూ.కోటికిపైగా లాభం.. ఇన్వెస్ట్‌మెంట్ తక్కువే..!

• Read Latest Business News and Telugu News