Do You Hold A Public Provident Fund Account Or Planning To Open One? Here Are Some Salient Features Of The Scheme
Bank లేదా పోస్టాఫీస్కు వెళ్లి ఈ అకౌంట్ తెరిస్తే ఎన్నో లాభాలు!
స్మాల్ సేవింగ్ ఇన్వెస్ట్మెంట్ స్కీమ్స్ చాలానే ఉన్నాయి. వీటిల్లో పబ్లిక్ ప్రావిడెంట్ ఫండ్ (పీపీఎఫ్) కూడా ఒకటి. తక్కువ ఇన్వెస్ట్మెంట్తోనే ఈ పథకంలో చేరొచ్చు. పన్ను ప్రయోజనాలు పొందొచ్చు. సెక్షన్ 80 సీ కింద డిపాజిట్ చేసిన మొత్తం, దీనిపై వచ్చిన వడ్డీ రేటు, విత్డ్రా చేసుకునే మొత్తంపై ఎలాంటి పన్ను ఉండదు.
Samayam Telugu26 Nov 2019, 3:39 pm
స్మాల్ సేవింగ్ ఇన్వెస్ట్మెంట్ స్కీమ్స్ చాలానే ఉన్నాయి. వీటిల్లో పబ్లిక్ ప్రావిడెంట్ ఫండ్ (పీపీఎఫ్) కూడా ఒకటి. తక్కువ ఇన్వెస్ట్మెంట్తోనే ఈ పథకంలో చేరొచ్చు. పన్ను ప్రయోజనాలు పొందొచ్చు. సెక్షన్ 80 సీ కింద డిపాజిట్ చేసిన మొత్తం, దీనిపై వచ్చిన వడ్డీ రేటు, విత్డ్రా చేసుకునే మొత్తంపై ఎలాంటి పన్ను ఉండదు.
కనీస డిపాజిట్ రూ.500
రూ.500 నుంచి డిపాజిట్ చేయవచ్చు. ఎవరైనా ప్రావిడెంట్ ఫండ్ అకౌంట్ను తెరవొచ్చు. పిల్లల పేరుపై కూడా పీపీఎఫ్ ఖాతా ఓపెన్ చేయవచ్చు. కనీసం రూ.500 ఇన్వెస్ట్ చేయాలి. గరిష్టంగా ఒక ఆర్థిక సంవత్సరంలో రూ.1.5 లక్షల వరకు డిపాజిట్ చేసుకోవచ్చు. అయితే ఇక్కడ ఒక విషయం గుర్తు పెట్టుకోవాలి. పీపీఎఫ్ అకౌంట్ను ఇద్దరు కలిసి జాయింట్గా ఓపెన్ చేయడానికి వీలులేదు.
ఒక పేరుపై ఒకే అకౌంట్
జనరల్ ప్రావిడెంట్ ఫండ్ లేదా ఎంప్లాయీస్ ప్రావిడెంట్ ఫండ్ (ఈపీఎఫ్) అకౌంట్ కలిగిన వారు కూడా పబ్లిక్ ప్రావిడెంట్ ఫండ్ ఖాతాను తెరవొచ్చు. ఒక వ్యక్తి ఒక అకౌంట్ను మాత్రమే కలిగి ఉండాలి. బ్యాంక్ లేదా పోస్టాఫీస్కు వెళ్లి పీపీఎఫ్ ఖాతాను తెరవొచ్చు.
ఎక్కువ వడ్డీ
పీపీఎఫ్ అకౌంట్పై ప్రస్తుతం 7.9 శాతం వడ్డీ రేట్లు లభిస్తోంది. వడ్డీ రేటు ప్రతి మూడు నెలలకు ఒకసారి మారుతూ ఉండొచ్చు. లేదంటే అలాగే కొనసాగొచ్చు. కేంద్ర ప్రభుత్వం మా్తరం ప్రతి మూడు నెలలకు ఒకసారి వడ్డీ రేట్లను సవరిస్తూ ఉంటుంది. అయితే పోయినసరి వడ్డీ రేట్లలో ఎలాంటి మార్పు చేయలేదు. రేట్లను స్థిరంగానే కొనసాగించింది.
మెచ్యూరిటీ కాలం 15 ఏళ్లు
పీపీఎఫ్ అకౌంట్ మెచ్యూరిటీ కాలం 15 ఏళ్లు. అంటే పబ్లిక్ ప్రావిడెంట్ ఫండ్ అకౌంట్లో డబ్బులు తీసుకోవాలంటే 15 ఏళ్లు ఆగాల్సిందే. ఒకవేళ మీరు 15 ఏళ్ల దాటిన తర్వాత కూడా ఖాతాను కొనసాగించాలని భావిస్తే.. మరో ఐదేళ్లపాటు పొడిగించుకోవచ్చు. దీనికి ఫామ్ హెచ్ అందించాల్సి ఉంటుంది.
లోన్ సౌకర్యం
పబ్లిక్ ప్రావిడెంట్ ఫండ్ ఖాతాపై లోన్ సదుపాయం కూడా ఉంది. ఎవరికైనా డబ్బులు అవసరం అనుకుంటు పీపీఎఫ్ అకౌట్పై లోన్ కూడా తీసుకోవచ్చు. అయితే ఇక్కడ మీరు ఒక విషయం గుర్తు పెట్టుకోవాలి. పబ్లిక్ ప్రావిడెంట్ ఫండ్ అకౌంట్ ప్రారంభించిన మూడేళ్ల తర్వాతనే లోన్ తీసుకోవడం వీలవుతుంది.
బ్యాంక్ ⇋ పోస్టాఫీస్కు అకౌంట్ ట్రాన్స్ఫర్
పబ్లిక్ ప్రావిడెంట్ ఫండ్ అకౌంట్ను ఒక పోస్టాఫీస్ నుంచి మరో పోస్టాఫీస్కు ట్రాన్స్ఫర్ చేసుకోవచ్చు. ఒకవేళ మీరు పోస్టాఫీస్లో కాకుండా బ్యాంక్లో పీపీఎఫ్ ఖాతాను ఓపెన్ చేసి ఉంటే.. అప్పుడుకూడా పీపీఎఫ్ అకౌంట్ను బ్యాంక్ నుంచి పోస్టాఫీస్కు బదిలీ చేసుకోవచ్చు. అలాగే పోస్టాఫీస్ నుంచి కూడా పీపీఎఫ్ అకౌంట్ను బ్యాంక్కు ట్రాన్స్ఫర్ చేసుకునే వెసులుబాటు ఉంది.
36 నెలలలోగా చెల్లించాలి
తీసుకున్న రుణాన్ని ఒకేసారి లేదా ఇన్స్టాల్మెంట్స్ రూపంలో తిరిగి చెల్లించాలి. అయితే ఇక్కడ మీరు తీసుకున్న రుణ మొత్తాన్ని 36 నెలలలోగా కచ్చితంగా తిరిగి కట్టేయాలి. తొలిసారి తీసుకున్న రుణాన్ని తిరిగి చెల్లించిన తర్వాత మళ్లీ రుణం తీసుకోవచ్చు. అందుకే మొదటిసారిగా తీసుకున్న రుణ మొత్తాన్ని నిర్దేశిత గడువులోగా తిగిరి చెల్లించేందుకు ప్రయత్నించండి.
డబ్బు ముందుగానే విత్డ్రా చేసుకోవచ్చా?
పీపీఎఫ్ అకౌంట్ మెచ్యూరిటీ కాలం సాధారణంగా 15 ఏళ్లు. అయితే పీపీఎఫ్ ఖాతాలోని డబ్బులను ముందుగా కూడా తీసుకోవచ్చు. అకౌంట్ ప్రారంభించి కనీసం ఐదేళ్లు అయితేనే ఈ ప్రయోజనం పొందొచ్చు. మొత్తం డబ్బును ఒకేసారి తీసుకోలేం. ముందు ఏడాది వరకు క్రెడిట్ అయిన డబ్బులో 50 శాతం విత్డ్రా చేసుకోవచ్చు.
ట్రాన్స్ఫర్ చేసుకోలేం
పబ్లిక్ ప్రావిడెంట్ ఫండ్ అకౌంట్ను ఒక వ్యక్తి పేరుపై నుంచి మరొకరి పేరుపైకి మార్చుకోవడానికి కుదరదు. పీపీఎఫ్ అకౌంట్ కలిగిన వ్యక్తి ఒకవేళ మరణిస్తే.. అప్పుడు కూడా ఇదే వర్తిస్తుంది. అంటే అకౌంట్ నామినీ పీపీఎఫ్ ఖాతాను కొనసాగించలేరు. మెచ్యూరిటీ వరకు పీపీఎఫ్ అకౌంట్లోని డబ్బులపై వడ్డీ వస్తూనే ఉంటుంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.