Ram Charan సతీమణి Upasana మరో ఘనత.. ఆసియా మోస్ట్ ప్రామిసింగ్ బిజినెస్ లీడర్‌గా..!

Ram Charan Upasana: మెగా కోడలు, తెలుగు స్టార్ నటుడు రామ్‌చరణ్ సతీమణి ఉపాసన కామినేని కొణిదెలకు ఎకనామిక్ టైమ్స్ ప్రత్యేక గుర్తింపు ఇచ్చింది. 2022-23 సంవత్సరానికి గానూ Asia మోస్ట్ ప్రామిసింగ్ బిజినెస్ లీడర్స్‌లో ఒకరిగా ఉపాసనను గౌరవించింది. ఆమె చేసిన సేవలకుగానూ ఈ అవార్డు ఇచ్చినట్లు ఎకనామిక్ టైమ్స్ తెలిపింది. ఇందుకుగానూ.. ఉపాసన కొణిదెల Economic Times కు కృతజ్ఞతలు తెలుపుతూ ట్వీట్ కూడా చేశారు. ఇక దీనికి మెగా ఫ్యాన్స్ నుంచి, నెటిజన్ల నుంచి అభినందనలు వెల్లువెత్తుతున్నాయి. ప్రొఫెషనల్ లైఫ్‌ను, పర్సనల్ లైఫ్‌ను బ్యాలెన్స్ చేస్తున్న అత్యంత కొద్దిమందిలో ఉపాసన ఒకరంటూ పొగుడుతున్నారు. ఇక ఉపాసన ప్రస్తుతం గర్భిణీ. ఇంకొన్ని నెలల్లో ఉపాసన- రామ్‌చరణ్ దంపతులు తల్లిదండ్రులు కాబోతున్నారు. ఈ నేపథ్యంలో ఆరోగ్యం జాగ్రత్తగా చూసుకోండి అంటూ జాగ్రత్తలు చెబుతున్నారు నెటిజన్లు.

ఇక ఉపాసన గురించి ప్రత్యేకంగా చెప్పాల్సిన పని లేదు. రామ్‌చరణ్ భార్య అయినా.. మెగా ఇంటి కోడలు అయినా.. అది ఎక్కడా కనిపించకుండా సాధారణంగా జీవిస్తారు. అంతకుమించి అపోలో హాస్పిటల్స్ అధినేత ప్రతాప్ రెడ్డి మనవరాలు కూడా. ఇక సామాజిక కార్యక్రమాల్లో భాగస్వామ్యమవుతూ ఎంతో మందికి అండగా నిలుస్తూ ఎంతో పేరుప్రఖ్యాతులు గడించారు. ఉపాసన ప్రస్తుతం అపోలో ఛారిటీకి వైస్‌ ప్రెసిడెంట్‌గా వ్యవహరిస్తున్నారు. 'బి పాజిటివ్' అనే హెల్త్ మ్యాగజైన్‌కు ఎడిటర్‌గా కూడా ఉన్నారు.



Ram Charan: ఉపాసన కడుపులో ఐదున్నర నెలల బిడ్డ.. రామ్ చరణ్ కామెంట్స్‌తో ఆ రూమర్లకు చెక్!

శోభనా, అనిల్ కామినేని.. ఉపాసన తల్లిదండ్రులు. ఇక ఉపాసన చిన్న వయసు నుంచే వ్యాపార మెలకువలను నేర్చుకున్నారు. పదిహేనేళ్లకే.. యు ఎక్స్చేంజ్ అనే సేవా సంస్థ నెలకొల్పి పాత స్కూల్ పుస్తకాలు సేకరించి పేద పిల్లలకు ఇచ్చేవారు. మురికివాడల్లో అనారోగ్యంతో బాధపడే చిన్నారులకు కూడా అపోలో హెల్త్ సిటీలో చికిత్స చేయించేవారు. ఇక ఆమె వ్యక్తిగత జీవితానికి వస్తే.. 2012, జూన్ 14న మెగాస్టార్ చిరంజీవి- సురేఖ దంపతుల తనయుడు రామ్‌చరణ్‌తో వివాహం జరిగింది.


Upasana: డైమండ్ స్పూన్‌తో పుట్టినా.. నా పుట్టుకకు ఓ కారణం ఉంది: ఉపాసన
ఒకవైపు అపోలో హాస్పిటల్స్‌కు సంబంధించిన మేనేజ్‌మెంట్ పనులు చూసుకుంటూనే.. మరోవైపు మెగా ఇంటి కోడలిగా ఇంటి పనులు విజయవంతంగా చక్కబెడుతూ అందరి మనసులు గెలుచుకున్నారు. ఇక రామ్‌చరణ్ విషయానికి వస్తే.. రాజమౌళి దర్శకత్వంలో జూనియర్ ఎన్‌టీఆర్‌తో కలిసి నటించిన RRR విజయాన్ని ఇంకా ఆస్వాదిస్తూనే ఉన్నారు. ఇటీవల RRR సినిమాలోని నాటు నాటు పాటకు బెస్ట్ ఒరిజినల్ సాంగ్ కేటగిరీలో ఆస్కార్ అవార్డు దక్కిన విషయం తెలిసిందే. ఇది భారత సినీ పరిశ్రమ ఖ్యాతిని మరింత పెంచింది. ఆ పాటను రాసిన చంద్రబోస్, మ్యూజిక్ డైరెక్టర్ కీరవాణి.. ఆస్కార్ అవార్డును అందుకున్నారు. ఇక ఈ పాటను పాడిన రాహుల్ సిప్లిగంజ్, కాలభైరవ ఇద్దరూ ఆస్కార్ స్టేజీపై కూడా పాట పాడే గౌరవం సంపాదించుకున్నారు. ప్రస్తుతం రామ్‌చరణ్.. శంకర్ దర్శకత్వంలో వస్తున్న సినిమాలో నటిస్తున్నారు.

Ram Charan: బ్యాగులు మోస్తోన్న గ్లోబల్ స్టార్.. పెళ్లయితే మెగాపవర్ స్టారైనా అంతే..!

• Read Latest Business News and Telugu News