3 నెలల కనిష్టానికి ఐషర్ మోటార్స్..

ప్రముఖ వాహన తయారీ కంపెనీ ఐషర్ మోటార్స్ షేరు ధర మళ్లీ పడిపోయింది. గురువారం ట్రేడింగ్ సమయంలో దాదాపు 3 శాతం క్షీణతతో రూ.20,564కు పడిపోయింది. ఇది మూడు నెలల కనిష్ట స్థాయి. చివరగా 2018 అక్టోబర్ 4న ఐషర్ మోటార్స్ షేరు ఈ స్థాయికి పడిపోయింది.

కంపెనీ డిసెంబర్ నెల వాహన విక్రయాలు నిరుత్సాహానికి గురిచేయడం ప్రతికూల ప్రభావం చూపింది. అలాగే కంపెనీ టూవీలర్ విభాగం రాయల్ ఎన్‌ఫీల్డ్ వాహన అమ్మకాలు కూడా బాగా తగ్గాయి. మొత్తం విక్రయాలు 13 శాతం క్షీణతతో 58,278 యూనిట్లకు పడిపోయాయి. 2017 డిసెంబర్‌లో రాయల్ ఎన్‌ఫీల్డ్ వాహన అమ్మకాలు 66,968 యూనిట్లుగా ఉన్నాయి.

11:28 సమయంలో ఐషర్ మోటార్స్ షేరు ధర 2.13 శాతం క్షీణతతో రూ.20,712 వద్ద ట్రేడయ్యింది. ఈ స్టాక్ రూ.20,681 వద్ద మద్దతు కోల్పోయిందని మార్కెట్ వర్గాలు పేర్కొటున్నాయి. రూ.19,858 వద్ద మరో కీలక మద్దతు స్థాయి ఉందని తెలిపారు.

గత నెల కాలంలో ఐషర్ మోటార్స్ షేరు ధర ఏకంగా 10 శాతం మేర పతనమైంది. అదే సమయంలో ఎన్ఎస్ఈ కేవలం 0.77 శాతం మాత్రమే తగ్గింది.