Employee Fired: 7 ఏళ్లలో ఫస్ట్‌టైమ్ 20 నిమిషాలు లేట్‌గా వచ్చిన ఉద్యోగి.. జాబ్ పీకేసిన కంపెనీ

Employees: ప్రతి రోజూ ఆఫీస్‌కు కరెక్ట్ టైమ్‌కు రాలేకపోవచ్చు. కొన్ని సార్లు ఆలస్యం అవుతూ ఉంటుంది. ఎప్పుడో ఒకసారి ఆఫీస్‌కు కాస్త ఆలస్యంగా వచ్చినప్పుడు ఎవ్వరూ జాబ్‌లో నుంచి తీసేసి ఇంటికి పంపించరు. కానీ ఇక్కడ మాత్రం ఇందుకు రివర్స్‌లో జరిగింది. ఆఫీస్‌కు ఆలస్యంగా వచ్చాడని ఏకంగా ఉద్యోగంలో నుంచి పీకేశారు. సదురు ఉద్యోగి ఎప్పుడు ఆలస్యంగా రాలేదు. ఏడేళ్లలో తొలి సారిగా ఆఫీస్‌కు 20 నిమిషాలు లేట్‌గా వచ్చారు. అయినా కూడా జాబ్‌లో నుంచి తీసేశారు. ఇదేక్కడి అరాచకరంగా బాబూ అని అనుకుంటున్నారా? అయితే ఆలస్యంగా వచ్చాడని జాబ్ పోగొట్టుకున్న ఉద్యోగికి సహచర ఉద్యోగులు మద్దుతుగా నిలిచారు. ఆయనను మళ్లీ ఉద్యోగంలోకి తీసుకునేంత వరకు అందరూ ఆఫీస్‌కు లేట్‌గానే రావాలని నిర్ణయించుకున్నారు.

‘సహచర ఉద్యోగి ఏదేళ్లకు పైగా పని చేస్తున్నారు. ఎప్పుడూ ఆలస్యంగా రాలేదు. తొలిసారి ఆలస్యంగా వచ్చినందుకు ఉద్యోగంలో నుంచి తీసేశారు’ అని రెడిట్ యూజర్ తెలిపారు. ‘ఇది గత వారం జరిగింది. ఈరోజు సోమవారం ఈ విషయం తెలిసింది. 20 నిమిషాలు ఆలస్యంగా వచ్చారని జాబ్ నుంచి తీసేశారు. రేపటి నుంచి నేను, ఇతర ఉద్యోగులు అందరూ ఆలస్యంగానే వస్తాం. ఆయనను మళ్లీ వెనక్కి తీసుకునేంత వరకు లేట్‌గానే ఆఫీస్‌కు వస్తాం’ అని పోస్ట్ చేశారు.

ఈ పోస్ట్‌పై నెటిజన్లు భిన్నంగా స్పందిస్తున్నారు. వారి అభిప్రాయాలను వెల్లడిస్తున్నారు. వారికి ఎదరైన అనుభవాలను పంచుకున్నారు. ఒక్కొక్కరు ఒక్కోలా స్పందించారు. మా కంపెనీలో 30 నిమిషాలు గ్రేస్ పీరియడ్ ఉంటుందని, ఆలస్యం వచ్చినా ఏం కాదని ఒకరు చెబితే.. మరొకరు షిఫ్ట్ టైమ్‌కు వెళ్లాలనే తొందరలో నా సహచర ఉద్యోగి ప్రమాదానికి గురై మరణించారని ఇంకో ఉద్యోగి వెల్లడించారు. నేను అయితే భారీ వర్షాలు వస్తున్నప్పుడు ఉద్యోగులను ఇంటి వద్ద నుంచే పని చేయాలని చెబుతానని మరో వ్యక్తి తన అభిప్రాయాన్ని వెల్లడించారు. అలాగే మరో వ్యక్తి ఆఫీస్‌కు వచ్చేటప్పుడు లేట్ అవుతుందని తెలిస్తే ఆలస్యంగా వచ్చినా ఏమీ కాదని, ఈ విషయాన్ని ఫోన్ ద్వారా కాల్ చేసి లేదంటే మెసేజ్ చేసి చెప్పాల్సిన పని లేదని, తొందరగా రావాలనే ఆలోచనలో డ్రైవింగ్ చేస్తున్నప్పుడు ఫోన్ వాడటం వల్ల ఇబ్బందులు ఎదురు కావొచ్చని మరో నెటిజన్ స్పందించారు.

Also Read: undefined

Also Read: undefined