Epf Subscribers Alert! Epfo Transfer, Claim Process Gets Simpler
PF ఖాతాదారులు, ఉద్యోగులకు శుభవార్త.. కొత్త సర్వీసులు అందుబాటులోకి.. ఇక కంపెనీల చుట్టూ తిరగాల్సిన పని లేదు!
మీరు ఉద్యోగం చేస్తున్నారా? మీకు పీఎఫ్ అకౌంట్ ఉందా? అయితే మీకు అదిరిపోయే గుడ్ న్యూస్. ఎంప్లాయీస్ ప్రావిడెంట్ ఫండ్ ఆర్గనైజేషన్ తాజాగా తన సబ్స్క్రైబర్ల కోసం కొత్త సదుపాయాన్ని అందుబాటులోకి తీసుకువచ్చింది. దీంతో పీఎఫ్ బ్యాలెన్స్ ట్రాన్స్ఫర్, క్లెయిమ్ ప్రాసెస్ సులభంగానే పూర్తికానుంది. కంపెనీల చుట్టూ తిరగాల్సిన అవసరం ఉండదు.
Samayam Telugu23 Jan 2020, 7:29 pm
మీరు ఉద్యోగం చేస్తున్నారా? మీకు పీఎఫ్ అకౌంట్ ఉందా? అయితే మీకు అదిరిపోయే గుడ్ న్యూస్. ఎంప్లాయీస్ ప్రావిడెంట్ ఫండ్ ఆర్గనైజేషన్ తాజాగా తన సబ్స్క్రైబర్ల కోసం కొత్త సదుపాయాన్ని అందుబాటులోకి తీసుకువచ్చింది. దీంతో పీఎఫ్ బ్యాలెన్స్ ట్రాన్స్ఫర్, క్లెయిమ్ ప్రాసెస్ సులభంగానే పూర్తికానుంది. కంపెనీల చుట్టూ తిరగాల్సిన అవసరం ఉండదు.
కొత్త ఫెసిలిటీ ఇదే
ఈపీఎఫ్వో తాజాగా కొత్త ఆన్లైన్ ఫీచర్ను అందుబాటులోకి తీసుకువచ్చింది. దీంతో ఉద్యోగులు ఉద్యోగం మానేసిన తర్వాత ఎగ్జిట్ డేట్ను ఆన్లైన్లో పీఎఫ్ అకౌంట్లో అప్డేట్ చేసుకోవచ్చు. దీంతో ఉద్యోగులకు, పీఎఫ్ ఖాతాదారులకు ఎంతో ప్రయోజనం కలుగనుంది.
ఇప్పటి వరకు ఉద్యోగులు జాబ్ మానేస్తే.. పాత కంపెనీ నుంచి కొత్త కంపెనీకి పీఎఫ్ అకౌంట్ను ట్రాన్స్ఫర్ చేసుకోవాలని భావిస్తే.. అప్పుడు ఈపీఎఫ్ అకౌంట్లో ఎగ్జిట్ డేట్ (పాత కంపెనీలో ఉద్యోగం మానేసిన తేదీ) కచ్చితంగా ఎంటర్ చేసి ఉండాలి. ఒకవేళ ఈ డేట్ లేకపోతే అప్పుడు పీఎఫ్ అకౌంట్ ట్రాన్స్ఫర్ వీలు కాదు.
పీఎఫ్ అకౌంట్ ట్రాన్స్ఫర్ మాత్రమే కాకుండా పీఎఫ్ డబ్బుల్ని మొత్తంగా విత్డ్రా కూడా చేసుకోలేరు. అప్పుడు ఉద్యోగి మళ్లీ పాత కంపెనీ చుట్టూ తిరగాల్సి వస్తుంది. కంపెనీలు నోటీస్ పీరియడ్ చేయకపోతే ఇలాంటి పని చేస్తాయి. ఎగ్జిట్ డేట్ను ఎంటర్ చేయవు.
ఈపీఎఫ్వో ఇప్పుడు కొత్త ఫీచర్ ద్వారా ఉద్యోగులకు, పీఎఫ్ ఖాతాదారులకు ఈ బాధలు తప్పేలా చేసింది. ఇకపై ఎగ్జిట్ డేట్ను ఉద్యోగులే ఈపీఎఫ్ అకౌంట్లో అప్డేట్ చేసుకోవచ్చు. ఇదివరకు కేవలం కంపెనీలకు మాత్రమే ఈ ఆప్షన్ అందుబాటులో ఉండేది.
Twitter-Now Employee's can also update their Date of exit....
ఉద్యోగులకు ప్రయోజనం
ఈపీఎఫ్వో సర్వీసులు చాలా వరకు కంపెనీల మీదనే ఉంటూ వస్తున్నాయని ఈపీఎఫ్వో తెలిపింది. ఉద్యోగి జాబ్ మారినప్పుడు కంపెనీలు రెండు పనులు చేయాల్సి ఉంటుందని పేర్కొంది. ఈపీఎఫ్వో పోర్టల్లో ఉద్యోగి ఎగ్జిట్ డేట్ను అప్డేట్ చేయాల్సిన పని ఒకటని తెలిపింది. అలాగే కొత్త కంపెనీ జాయినింగ్ డేట్ను ఎంటర్ చేయడం రెండో పని అని పేర్కొంది. పాత కంపెనీ ఎగ్జిట్ డేట్ ఎంటర్ చేయకపోతే ఉద్యోగులకు సమస్యలు ఎదురవుతున్నాయని తెలిపింది. సమస్య పరిష్కారం కోసం ఈ ఫీచర్ అందుబాటులోకి తెచ్చామని పేర్కొంది.
పీఎఫ్ సబ్స్క్రైబర్లు, ఉద్యోగులు ఒక విషయం గుర్తు పెట్టుకోవాలి. కొత్త సదుపాయం అందుబాటులోకి వచ్చినా కూడా ఎగ్జిట్ డేట్ను జాబ్ వదిలేసిన రెండు నెలల తర్వాత మాత్రమే అప్డేట్ చేసుకోవడం వీలవుతుంది.
కాగా ఈపీఎఫ్వో కొత్త సదుపాయం అందరికీ అందుబాటులో ఉండదు. కేవలం పీఎఫ్ అకౌంట్తో ఆధార్ అనుసంధానం చేసుకున్న వారికి మాత్రమే ఈ ఎగ్జిట్ డేట్ అప్డేట్ ఫీచర్ అందుబాటులో ఉంటుంది. అలాగే ఆధార్ రిజిస్టర్డ్ మొబైల్ నెంబర్ కచ్చితంగా దగ్గరనే ఉండాలి.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.