Jet Airways: రూ.400 కోట్లు ఇవ్వండి.. మా వాటాలు ఇచ్చేస్తాం!
జెట్ ఎయిర్వేస్ తీవ్ర ఆర్థిక ఇబ్బందుల్లో ఉన్న విషయం తెలిసిందే. కంపెనీ రుణ చెల్లింపుల్లో డిఫాల్ట్ అవుతూ వస్తోంది. చాలా వరకు విమానాలను నడపకుండా నిలిపివేసింది. వేతనాల చెల్లింపుల్లోనూ జాప్యం అవుతోంది.
Samayam Telugu 19 Mar 2019, 5:39 pm
ప్రధానాంశాలు:
- ఎస్బీఐకి ఎతిహాద్ ఎయిర్వేస్ ఆఫర్
- జెట్ ప్రివిలేజ్లో వాటా విక్రయానికి కూడా సిద్ధమైన కంపెనీ
ప్రముఖ విమానయాన సంస్థ జెట్ ఎయిర్వేస్ కష్టాలు గట్టెక్కడం లేదు. కంపెనీలో ప్రధాన వాటాదారైన ఎతిహాద్ ఎయిర్వేస్ కూడా జెట్ ఎయిర్వేస్ నుంచి తప్పుకోవాలని చూస్తోంది. ప్రభుత్వ రంగ దిగ్గజ బ్యాంక్ ఎస్బీఐకి ఈ మేరకు ఒక ఆఫర్ ఇచ్చింది. ‘రూ.400 కోట్లు ఇవ్వండి.. 24 శాతం వాటా తీసుకోండి’ అని ఎస్బీఐకి ఎతిహాద్ ఎయిర్వేస్ ఆఫర్ ఇచ్చింది. అంటే ఎతిహాద్ ఒక్కో జెట్ షేరుకు రూ.150 చొప్పున లెక్కగట్టింది. ఈ షేరు ధర ప్రకారం చూస్తే జెట్ ఎయిర్వేస్ విలువ రూ.1,800 కోట్లుగా ఉన్నట్లు అవుతుంది. షేరుకు రూ.150 అనుకున్నప్పటికీ తక్కువ ధర వచ్చిన కూడా జెట్ ఎయిర్వేస్ నుంచి తప్పుకునేందుకు ఎతిహాద్ సిద్ధంగా ఉందని సంబంధిత వర్గాలు తెలిపాయి.
అలాగే ఎతిహాద్ ఎయిర్వేస్ తనకు జెట్ ప్రివిలేజ్లో ఉన్న 50.1 శాతం వాటాను కూడా ఎస్బీఐకి విక్రయించేందుకు సిద్దమైంది. కంపెనీ ఈ ఆఫర్ను ఎస్బీఐ సహా ఇతర బ్యాంకులకు కూడా తెలియజేసింది. అలాగే హెచ్ఎస్బీసీ నుంచి జెట్ తీసుకున్న 140 మిలియన్ డాలర్ల రుణాలకు తాము పూచీకత్తు ఉంటామని ఎస్బీఐకి హామీ ఇచ్చింది.
కాగా జెట్ ఎయిర్వేస్ తీవ్ర ఆర్థిక ఇబ్బందుల్లో ఉన్న విషయం తెలిసిందే. కంపెనీ రుణ చెల్లింపుల్లో డిఫాల్ట్ అవుతూ వస్తోంది. చాలా వరకు విమానాలను నడపకుండా నిలిపివేసింది. వేతనాల చెల్లింపుల్లోనూ జాప్యం అవుతోంది. జెట్ ఎయిర్వేస్ నుంచి ఎతిహాద్ తప్పుకుంటే అప్పుడు కంపెనీ కొత్త భాగస్వామి కోసం వెత్తుకోవలసి ఉంటుంది.
అలాగే ఎతిహాద్ ఎయిర్వేస్ తనకు జెట్ ప్రివిలేజ్లో ఉన్న 50.1 శాతం వాటాను కూడా ఎస్బీఐకి విక్రయించేందుకు సిద్దమైంది. కంపెనీ ఈ ఆఫర్ను ఎస్బీఐ సహా ఇతర బ్యాంకులకు కూడా తెలియజేసింది. అలాగే హెచ్ఎస్బీసీ నుంచి జెట్ తీసుకున్న 140 మిలియన్ డాలర్ల రుణాలకు తాము పూచీకత్తు ఉంటామని ఎస్బీఐకి హామీ ఇచ్చింది.
కాగా జెట్ ఎయిర్వేస్ తీవ్ర ఆర్థిక ఇబ్బందుల్లో ఉన్న విషయం తెలిసిందే. కంపెనీ రుణ చెల్లింపుల్లో డిఫాల్ట్ అవుతూ వస్తోంది. చాలా వరకు విమానాలను నడపకుండా నిలిపివేసింది. వేతనాల చెల్లింపుల్లోనూ జాప్యం అవుతోంది. జెట్ ఎయిర్వేస్ నుంచి ఎతిహాద్ తప్పుకుంటే అప్పుడు కంపెనీ కొత్త భాగస్వామి కోసం వెత్తుకోవలసి ఉంటుంది.