Google Facebook Layoffs: గూగుల్, ఫేస్‌బుక్ కంపెనీలు కీలక నిర్ణయం? ఉద్యోగులకు ఝలక్!

Google Facebook Layoffs: ప్రపంచవ్యాప్తంగా ఆర్థిక మాంద్యం భయాలు కమ్మేస్తున్నాయి. ఈ మాంద్యం ముప్పు నుంచి బయటపడేందుకు కంపెనీలు ముందుగానే సిద్ధమవుతున్నాయి. ఫేస్‌బుక్ పేమెంట్ కంపెనీ అయిన మెటా, సెర్చింజిన్ దిగ్గజమైన గూగుల్‌ కంపెనీలు తన ఉద్యోగులకు షాకిస్తున్నట్టు తెలుస్తోంది. ఖర్చులను తగ్గించుకునేందుకు ఈ రెండు సంస్థలు తమ ఉద్యోగులపై వేటు వేయడం ప్రారంభించాయి. రాబోయే నెలల్లో ఫేస్‌బుక్ పేరెంట్ కంపెనీ మెటా కనీసం 10 శాతం మేర ఖర్చులను తగ్గించుకోవాలని చూస్తోంది. ఈ ఖర్చులను తగ్గించుకోవడం కోసం ఉద్యోగులను కంపెనీ నుంచి బయటికి పంపించేస్తుందని వాల్‌స్ట్రీట్ జర్నల్ రిపోర్టు చేసింది. తన సంప్రదాయ విధానమైన ‘30 డే లిస్టు’లో తొలగించబడుతున్న ఉద్యోగులను ఉంచినట్టు తెలిపింది. మరోవైపు గూగుల్ పేరెంట్ సంస్థ అయిన ఆల్ఫాబెట్ కూడా ఇదే విధానాన్ని అనుసరిస్తున్నట్టు రిపోర్టులు వస్తున్నాయి. ఉద్యోగులకు 60 రోజుల సమయం ఇచ్చింది. వారికి సరిపోయే కొత్త ఉద్యోగానికి దరఖాస్తు చేసుకోవాలని తీసేయబోయే ఉద్యోగులకు చెబుతోంది. మెటా కంపెనీ ఈ 30 రోజుల లిస్టును ఎప్పటి నుంచో అనుసరిస్తోంది. నెల వ్యవధిలో ఇంటర్నల్‌గా కొత్త ఉద్యోగాన్ని వెతుకోకపోతే.. ఆ ఉద్యోగులను మెటా సంస్థ టర్మినేట్ చేయనుంది. మార్క్ జుకర్‌బర్గ్‌కు చెందిన మెటాలో ఈ ఆర్థిక సంవత్సరం రెండో క్వార్టర్ ముగిసే నాటికి 83,553 మంది ఉద్యోగులు పనిచేస్తున్నారు. అయితే గూగుల్ కంపెనీ మెటాతో పోలిస్తే మరో 30 రోజులు అదనపు సమయం కేటాయిస్తుంది. గూగుల్ తీసేసే ఉద్యోగులకు ఇంటర్నల్‌గా కొత్త ఉద్యోగం వెతుకునేందుకు 60 రోజుల సమయం ఇచ్చింది. ఈ లోపు కొత్త ఉద్యోగం దొరకకపోతే.. గూగుల్ నుంచి వైదొలగాల్సి ఉంటుంది.

గత నెలలో కూడా గూగుల్ సంస్థ 50 మందికి పైగా ఉద్యోగులపై వేటు వేసింది. కానీ వారికి కంపెనీలో అదనంగా మరో 30 రోజుల సమయం ఇవ్వడంతో.. 95 శాతం మంది ఉద్యోగులు నోటీసు పిరియడ్‌లోనే కొత్త విభాగాల్లో ఉద్యోగాలను వెతుకున్నారు. ఈ సెర్చింజిన్ దిగ్గజం ఇటీవల తన ఇన్-హౌస్ రీసెర్చ్ అండ్ డెవలప్‌మెంట్ డివిజిన్‌ ఏరియా 120 ప్రాజెక్టును క్యాన్సిల్ చేసింది. స్థూల ఆర్థిక పరిస్థితులను కంపెనీ అర్థం చేసుకునేందుకు ప్రయత్నిస్తుందని, కానీ ఆ పరిస్థితులు చాలా అనిశ్చితికరంగా ఉన్నాయని గత నెలలో జరిగిన కోడ్ కాన్ఫరెన్స్‌లో గూగుల్ సీఈవో సుందర్ పిచాయ్ చెప్పారు. ఈ పరిస్థితులకు అనుగుణంగానే ప్రకటన ఖర్చులు, వినియోగదారుల ఖర్చులను చేపట్టనుంది. గూగుల్ ప్రస్తుతం కొత్త ఉద్యోగులను నియమించుకోవడం ఆపివేసింది. ప్రస్తుత ఉద్యోగులను కూడా తమ పనితీరును మెరుగుపరుచుకోవాలని, లేదంటే కంపెనీ నుంచి బయటికి వెళ్లాల్సి వస్తుందని పేర్కొంది.

Also Read : ఉచితంగా 6 సార్లు బోనస్ షేర్లు.. లక్ష శాతం వరకు రిటర్న్స్, మీ దగ్గరుందా ఈ మల్టిబ్యాగర్ ఆటో స్టాక్?

Also Read : వావ్, ఆ కంపెనీ ఉద్యోగులకు ఎక్స్‌ట్రా శాలరీ, రూ.10 లక్షల రివార్డు, అయితే ఆ పనిచేయాలి!