ఫెడరల్‌ రిజర్వ్‌ ఎఫెక్ట్: స్టాక్‌మార్కెట్లు కుదేలు!

గురువారం (జూన్ 14) నాటి స్టాక్‌మార్కెట్లు నష్టాలను చవిచూశాయి. అమెరికా ఫెడరల్‌ రిజర్వ్‌ తీసుకున్న నిర్ణయానికి ఆసియా మార్కెట్లతోపాటు.. దేశీయ మార్కెట్లు కూడా కుదేలయ్యాయి. వడ్డీరేట్లను పావుశాతం పెంచుతూ అమెరికా ఫెడరల్‌ రిజర్వ్‌ నిర్ణయం తీసుకోవడమే ఇందుకు ప్రధాన కారణం. అమ్మకాలు పెరగడంతో సూచీలు నష్టాలను చవిచూశాయి. ఉదయం నుంచే 100 పాయింట్ల నష్టం ప్రారంభమైన సెన్సెక్స్.. చివరి వరకు ఏమాత్రం కోలుకోలేకపోయింది.

ట్రేడింగ్ ముగింపు సమయానికి సెన్సెక్స్ 139.34 పాయింట్ల నష్టంతో 35,599 వద్ద, నిఫ్టీ చివరకు 48.65 పాయింట్ల నష్టంతో 10,808 వద్ద స్థిరపడింది. డాలర్‌తో రూపాయి మారకం విలువ రూ. 67.64గా కొనసాగుతోంది. బంగారం ధర 229 పాయింట్లు పెరిగి 31,372కి చేరింది.

ఎన్‌ఎస్‌ఈలో దివిస్ ల్యాబోరేటరీస్, అరబిందో ఫార్మా, లుపిన్‌, సన్‌ఫార్మా, హెచ్‌సీఎల్‌ టెక్నాలజీస్‌, అదానీ ఎంటర్‌ప్రైజెస్, టోరెంట్ ఫార్మా, సిప్లా, యస్‌బ్యాంక్‌ షేర్లు లాభపడ్డాయి. మరోవైపు.. ఒబెరాయ్ రియాల్టీ, మైండ్ ట్రీ, టెక్‌ మహీంద్రా, అదానీ పోర్ట్స్‌, టీసీఎస్‌, ఇండియాబుల్స్‌ హౌసింగ్‌ ఫైనాన్స్‌ లిమిటెడ్‌, ఇండియన్‌ ఆయిల్‌ కార్పొరేషన్‌ షేర్లు నష్టపోయాయి.