భారీ లాభాల్లో స్టాక్ మార్కెట్లు..

స్టాక్ మార్కెట్లు భారీ లాభాలతో దూసుకెళుతున్నాయి. జీవిత కాలంలోనే గరిష్ట స్థాయి లాభాలకు చేరుకొని ‘సెన్సెక్స్’ కొత్త రికార్డు సృష్టించింది. ఏకంగా 346 పాయింట్లు జంప్‌ చేసి 31,706 వద్ద స్థిరపడింది. నిఫ్టీ కూడా అదే దూకుడు ప్రదర్శిస్తోంది. ఇది 116 పాయింట్లకు ఎగబాకి, 9772 వద్ద రికార్డ్‌ స్థాయికి చేరుకుంది. ఆ తర్వాత స్వల్పంగా వెనక్కి తగ్గింది. దాదాపుగా అన్ని రంగాలూ లాభాల దిశగానే కదులుతుండటం గమనార్హం. బ్యాంకింగ్‌ నిఫ్టీ, మెటల్‌, ఆటో సెక్టార్లు భారీ లాభాలను ఆర్జిస్తున్నాయి. అయితే మార్కెట్‌ ప్రారంభంలో ఎన్‌ఎస్‌ఈ రేట్లు అప్‌టేడ్‌ కావడంలో తలెత్తిన సాంకేతిక సమస్య కొంత గందరగోళానికి కారణమైంది.

అంతర్జాతీయ మార్కెట్ల సానుకూల ప్రభావంతో దేశీయ సూచీలు రికార్డు స్థాయిలో ప్రారంభమయ్యాయి. డాలర్‌తో రూపాయి మారకం విలువ రూ. 54.50గా ట్రేడ్‌ అవుతోంది. టీసీఎస్‌, టాటామోటార్స్‌, భారతీ ఎయిర్‌టెల్‌ షేర్లు లాభాల్లో దూసుకెళుతున్నాయి. వారం ఆరంభంలోనే స్టాక్‌మార్కెట్లు రికార్డ్‌ స్థాయిలను నమోదు చేయడంతో ముదుపర్లు ఆనందం వ్యక్తం చేస్తున్నారు.

ముఖ్యంగా ప్రభుత్వం రంగ బ్యాంకులు మార్కెట్లను లీడ్‌ చేస్తున్నాయి. ఐటీ కూడా లాభాల్లోనే ఉంది. లుపిన్‌, టాటా మోటార్స్‌, ఐటీసీ, టాటా స్టీల్‌, భారతీ ఎయిర్‌టెల్‌, రిలయన్స్‌, టీసీఎస్‌ భారీగా లాభపడుతుండగా.. బీపీసీఎల్‌, ఎంఅండ్‌ఎం నష్టాల్లో కొనసాగుతున్నాయి. మెగా మెర్జర్‌ను ప్రకటించిన ఐడీఎఫ్‌సీ, శ్రీరామ్‌ షేర్లు కూడా బలహీనంగా ట్రేడ్‌ అవుతున్నాయి.