ఫ్లిప్‌కార్ట్ భారీ డిస్కౌంట్లు.. ఎప్పుడంటే..

​దేశీయ ఇ-కామర్స్ సైట్ ఫ్లిప్‌కార్ట్ ఆన్ లైన్ కస్టమర్ల కోసం ‘ది బిగ్ బిలియన్ డేస్’ను తీసుకురాబోతోంది. నాలుగో విడతగా ఈ ఆఫర్ ను తీసుకురాబోతున్నట్టుగా ప్రకటించింది. ఈ నెలలోనే, దసరా పండుగ ముందు ఫ్లిప్‌కార్ట్ నాలుగు రోజుల పాటు ఈ ఆఫర్ ను అందుబాటులో ఉంచనుంది. సెప్టెంబర్ 20 తేదీ నుంచి 24 వ తేదీ వరకూ బిగ్ బిలియన్ డేస్ ఆఫర్స్ అందుబాటులో ఉంటాయని ఈ ఇ-కామర్స్ సంస్థ ప్రకటించింది.

గరిష్టంగా కొన్ని ఉత్పత్తులపై 90 శాతం వరకూ డిస్కౌంట్ ఉంటుందని ఫ్లిప్‌కార్ట్ ప్రకటించడం విశేషం. కొన్ని దిగ్గజ బ్రాండ్స్ తో ఒప్పందాలు చేసుకున్నామని.. వాటి ఉత్పత్తులను తమ సైట్లో అందుబాటులో ఉంచుతామని, భారీ డిస్కౌంట్లు ఉంటాయని ఫ్లిఫ్ కార్ట్ ఊరిస్తోంది.

ఇప్పటి వరకూ మూడు సార్లు ఇలాంటి ఆఫర్స్ ను ప్రకటించామని.. ఇది నాలుగో ఎడిషన్ అని పేర్కొంది. అన్ని కేటగిరిల్లోని ఉత్పత్తులపై కూడా డిస్కౌంట్లు ఉంటాయని, మునుపెన్నడూ ఎరగని స్థాయి ఆఫర్లుంటాయని తెలిపింది.
ఈ సంస్థతో పాటు.. అమేజాన్, పేటియం, ఇతర ఇ-కామర్స్ సైట్లు కూడా సెప్టెంబర్లో భారీ ఆఫర్లతో సిద్ధం అవుతున్నాయి.