Loan ఆఫర్ అదిరింది.. రూ.లక్షకు రూ.1,700 చెల్లిస్తే చాలు.. 6 నెలలు ఈఎంఐ కూడా కట్టక్కర్లేదు!

కొత్తగా కారు కొనుగోలు చేయాలని ప్లాన్ చేస్తున్నారా? అయితే మీకు తీపికబురు. అదిరిపోయే ఆఫర్ ఒకటి అందుబాటులో ఉంది. కార్ల తయారీ కంపెనీ ఫోర్డ్ ఇండియా కస్టమర్లకు అదిరిపోయే ఆఫర్ అందిస్తోంది. కోవిడ్ 19 ప్రతికూల పరిస్థితుల్లో కస్టమర్లను ఆకర్షించేందుకు ప్రత్యేక స్కీ్‌మ్‌ను తీసుకువచ్చింది. ఫోర్డ్ ఇండియా తాజాగా ఆరు నెలలు ఈఎంఐ చెల్లించక్కర్లేని ప్లాన్‌ను తీసుకువచ్చింది. ఈ స్కీమ్‌లో భాగంగా లోన్ తీసుకొని కారు కొనుగోలు చేసిన వారు తొలి ఆరు నెలలు ఈఎంఐ చెల్లించాల్సిన పని లేదు. అంటే ఏడో నెల నుంచి ఈఎంఐ కట్టాలి.

Also Read: undefined

ఫోర్డ్ ఎకో‌స్పోర్ట్స్ సహా పలు కార్ల కొనుగోలుకు మాత్రమే ఈ పథకం వర్తిస్తుంది. జూలై 31 వరకు ఈ ఆఫర్ అందుబాటులో ఉంటుంది. రుణంపై 8.99 శాతం వడ్డీ పడుతుంది. ఫోర్డ్ ఎకోస్పోర్ట్స్‌కు ఈ వడ్డీ వర్తిస్తుంది. అదే ఫోర్డ్ యాస్పైర్, ఫిగో లేదా ఫ్రీస్టైల్ వంటి మోడళ్లు కొనుగోలు చేస్తే వడ్డీ రేటు 9.5 శాతంగా ఉంది.

అంతేకాకుండా కారు కొనుగోలుదారులు స్టెప్ అప్ ప్లాన్ కూడా పొందొచ్చు. ఈ ఆప్షన్ ఎంచుకుంటే కస్టమర్లు తొలిగా తక్కువ ఈఎంఐ చెల్లించొచ్చు. తర్వాత క్రమంగా ఈఎంఐ పెరుగుతూ వెళ్తుంది. ఎకోస్పోర్ట్స్ కారు కొనుగోలుపై ఈఎంఐ రూ.1727 (రూ.లక్షకు) నుంచి ప్రారంభమౌతోంది. కారు రుణాన్ని ఐదేళ్లలోగా తిరిగి చెల్లించాల్సి ఉంటుంది.