రికార్డు స్థాయిలో విదేశీ కరెన్సీ నిల్వలు!!

దేశంలో విదేశీ మారకపు నిల్వలు 375.71 బిలియన్ డాలర్లకు చేరుకున్నట్లు రిజర్వ్ బ్యాంక్ ఆఫ్ ఇండియా ప్రకటించింది. వారం రోజుల వ్యవధిలోనే సుమారు 3 బిలియన్ డాలర్లు పెరిగినట్లు ఆర్బీఐ తెలిపింది. భారత్‌లో విదేశీ కరెన్సీ నిల్వలు 1.94 బిలియన్ డాలర్ల నుంచి 372.73 బిలియన్ డాలర్లకు పెరిగినట్లు ఆర్బీఐ గతవారం ప్రకటించింది. కిందటి వారం కూడా 2.474 బిలియన్ డాలర్లు విదేశీ కరెన్సీ వచ్చినట్లు ఆర్బీఐ తెలియజేసింది. అమెరికా డాలర్ నిబంధనలలో మార్పులు చోటు చేసుకోవడంతో ఇతర కరెన్సీలైన యూరో, పౌండ్, రియాద్‌పై ప్రభావం చూపింది.

ఇండియాకు వచ్చే విదేశీ యాత్రికులకు నిబంధనల ప్రకారం రూ.1.76 లక్షలు మార్చుకునే వీలుంది. గత కొద్ది వారాల నుంచి స్థిరంగా ఉన్న బంగారం నిల్వలు కూడా 569.9 మిలియన్ డాలర్ల నుంచి 20.438 బిలియన్ డాలర్లకు చేరాయి. మరోవైపు అంతర్జాతీయ ద్రవ్య సంస్థ ప్రత్యేక రాయితీలు 0.4 మిలియన్ డాలర్లు తగ్గి 1.459 బిలియన్ డాలర్లకు చేరింది. దేశీయ నిల్వలు కూడా 58. 4 మిలియన్ డాలర్లు తగ్గి 2.88 బిలియన్లకు చేరినట్లు రిజర్వ్ బ్యాంక్ ఆఫ్ ఇండియా వెల్లడించింది.