New Tax Rules April 1: ఏప్రిల్ 1 నుంచి కొత్త నిబంధనలు.. వీటికి వర్తింపు!

కొత్త ఆర్థిక సంవత్సరం దగ్గరకు వస్తోంది. 2019 ఏప్రిల్ 1 నుంచి చాలా అంశాలు మారబోతున్నాయి. పాన్ దగ్గరి నుంచి స్టాక్ మార్కెట్ షేర్ల వరకు కొత్త నిబంధనలు అమలులోకి రానున్నాయి. అవేంటో ఒకసారి చూద్దాం..✺ పాన్, ఆధార్ లింక్‌ను మార్చి 31లోగా పూర్తిచేసుకోవాలి. లేకపోతే పాన్ కార్డు పనిచేయకుండాపోయే ప్రమాదముంది. అలాగే పన్ను చెల్లింపుదారులు ఐటీఆర్ కూడా దాఖలు చేయలేరు.

✺ మ్యూచువల్ ఫండ్స్ విషయానికి వస్తే ఇన్వెస్టర్లు చెల్లాంచే టోటల్ ఎక్స్‌పెన్స్ రేషియో (టీఈఆర్) నిబంధనలు మారనున్నాయి. ఈక్విటీ స్కీమ్స్ మినహా ఇతర స్కీ్మ్స్‌కు టీఈఆర్ 1 శాతంగా ఉండనుంది. క్లోజ్ ఎండెడ్ స్కీమ్స్‌కు ఇది 2.25 శాతం ఉంటుంది. ఇతర స్కీమ్స్‌కు టీఈఆర్ 2.25 శాతంగా ఉండబోతోంది.

✺ ఫిజికల్ ఫామ్‌లో ఉన్న షేర్లను డీమెటీరియలైజ్ చేసుకోవాలి. ఏప్రిల్ 1 నుంచి షేర్లను కేవలం డీమ్యాట్ రూపంలోనే కలిగి ఉండాలి. డీమెటీరియలైజ్ అంటే సర్టిఫికెట్ల రూపంలో ఉన్న షేర్లను ఎలక్ట్రానిక్‌ రూపంలో మార్చుకోవడమే.

✺ అన్ని బ్యాంకులు రుణ రేట్లను ఎక్స్‌టర్నల్ బెంచ్‌మార్క్ రేట్లతో అనుసంధానం చేయాలి. ఎస్‌బీఐ ఇప్పటికే ఈ పని పూర్తి చేసింది. దీంతో కన్సూమర్లపై రుణ భారం కొంతమేర తగ్గనుంది.

✺ అందుబాటు గృహ విభాగంపై జీఎస్‌టీ రేటు 1 శాతానికి దిగిరానుంది. ఇతర విభాగాలకు ఇది 5 శాతంగా ఉంటుంది. ప్రస్తుతం వీటిపై జీఎస్‌టీ రేటు వరుసగా 8 శాతంగా, 12 శాతంగా ఉంది.

✺ ఉద్యోగం మారినప్పుడు ఈపీఎఫ్ ఖాతా బదిలీకి ప్రత్యేకంగా దరఖాస్తు చేసుకోవలసిన అవసరం లేదు. ఈపీఎఫ్ ట్రాన్స్‌ఫర్ ఆటోమేటిక్‌గా జరిగిపోతుంది.

✺ టూవీలర్లకు ఏబీఎస్, సీబీఎస్ నిబంధనలు ఏప్రిల్ 1 నుంచే అమలులోకి రానున్నాయి. 125 సీసీ, ఆపై ఇంజిన్ సామర్థ్యం ఉన్న బైక్స్‌కు ఏబీఎస్ తప్పనిసరి. ఇక 125 సీసీ సామర్థ్యంలోపు ఇంజిన్ కలిగిన బైక్స్‌కు సీబీఎస్ ఉండాల్సిందే.