బ్యాంకులకు సెలవు : 14 రోజుల్లో 6 రోజులు హాలిడేస్, ఎప్పుడెప్పుడు మూతపడతాయో తెలుసా?

బ్యాంకులకు వెళ్లే వారికి అలర్ట్. జనవరి నెలలో మిగిలి ఉన్న మరో 14 రోజుల్లో ఆరు రోజులు బ్యాంకులు సెలవులు పాటించనున్నాయి. ఈ సెలవు రోజుల్లో పలు బ్యాంకు బ్రాంచులు మూతపడనున్నాయి. బ్యాంకు బ్రాంచులు మూతపడుతున్నప్పటికీ.. ఆన్‌లైన్ బ్యాంకింగ్ కార్యకలాపాలు యథాతథంగా కొనసాగనున్నాయి. ఆన్‌లైన్ బ్యాంకింగ్ లావాదేవీలపై ఎలాంటి ప్రభావం ఉండదు. అయితే ఈ ఆరు రోజుల సెలవులు అన్ని రాష్ట్రాలలో, ప్రాంతాలలో ఒకేవిధంగా ఉండవు. రాష్ట్రాల వారీగా ఈ సెలవులున్నాయి. ఉదాహరణకు తైపూసం పండగ కారణంగా చెన్నైలో బ్యాంకులు సెలవును పాటిస్తుండగా.. అస్సాంలో సెలవు లేదు. ఇలా ఒక్కో రాష్ట్రంలో ఒక్కో విధంగా బ్యాంకులకు సెలవులున్నాయి. బ్యాంకులకు వెళ్లే కస్టమర్లు ఈ సెలవులను తెలుసుకుని, బ్రాంచ్‌లకు రావాలని అధికారులు సూచిస్తున్నారు.

మిగిలిన ఉన్న జనవరి నెలలో బ్యాంకులు సెలవు పాటించే రోజులు..

• జనవరి 18... తైపూసం(చెన్నైలో సెలవు)
• జనవరి 22... నాలుగో శనివారం
• జనవరి 23.. నేతాజి సుభాష్ చంద్రబోష్ జయంతి, ఆదివారం కావడంతో దేశమంతా బ్యాంకులు సెలవును పాటిస్తున్నాయి
• జనవరి 25.. హిమాచల్ ప్రదేశ్ రాష్ట్ర అవతరణ దినోత్సవం
• జనవరి 26.. గణతంత్ర దినోత్సవం కావడంతో దేశమంతా బ్యాంకులకు సెలవు
• జనవరి 31.. అస్సాంలో హాలిడే

Also Read : వారు కట్టే 1 శాతం పన్నుతోనే ప్రపంచంలోనే అతిపెద్ద హెల్త్ స్కీమ్‌ను నడపొచ్చుమూడు కేటగిరీల కింద రిజర్వ్ బ్యాంకు ఆఫ్ ఇండియా బ్యాంకులకు సెలవులను ఇస్తోంది. నెగోషియబుల్ ఇన్‌స్ట్రుమెంట్స్ యాక్ట్ కింద హాలిడే, రియల్ టైమ్ గ్రాస్ సెటిల్‌మెంట్ హాలిడే, బ్యాంకు అకౌంట్స్ క్లోజింగ్ సందర్భంగా ఆర్‌బీఐ బ్యాంకులకు సెలవులను ఇస్తోంది. రాష్ట్రాలలో పలు పండగలను ఆధారంగా చేసుకుని బ్యాంకులు హాలిడేలను పాటిస్తాయి. ఆ రాష్ట్రాలకు ప్రత్యేక సందర్భాలలో ఆర్‌బీఐ నోటిఫికేషన్ జారీ చేస్తుంది. రాష్ట్రాలను బట్టి బ్యాంకుల హాలిడేలో మార్పులు ఉంటుందని ఆర్‌బీఐ క్యాలండర్‌లో తెలిపింది.

20కి పైగా రంగాల గురించి సమగ్రమైన సమాచారం తెలుసుకునేందుకు, ఎక్స్‌క్లూజివ్ ఎకనమిక్ టైమ్స్ కథనాల కోసం ఎకనమిక్ టైమ్స్ ప్రైమ్‌ను సబ్‌స్క్రయిబ్ చేసుకోగలరు.

Also Read : ఆర్థిక మంత్రి అతిపెద్ద ప్రకటన? బడ్జెట్‌లో ప్రజల ముందుకు రాబోతుంది..