భారీగా పతనమైన బంగారం ధర!!

గత కొన్ని రోజులుగా పడుతూ, లేస్తూ వస్తోన్న బంగారం ధర ఈ రోజు భారీగా ప‌తనమైంది. దేశ రాజధాని ఢిల్లీలో 10 గ్రాముల స్వచ్చమైన పసిడి ధర రూ.400 మేర తగ్గి మూడు వారాల క‌నిష్ఠానికి చేరుకుంది. రూ.400 తగ్గడంతో 10 గ్రాముల 24 క్యారెట్ల బంగారం ధర రూ. 29,500గా న‌మోదైంది. ఆభ‌ర‌ణాల త‌యారీదారుల నుంచి కొనుగోళ్లు మద్దతు తగ్గడంతో పసిడి ధర పడిపోయినట్లు మార్కెట్ విశ్లేష‌కులు పేర్కొంటున్నారు.

మరోవైపు వెండి ధరలు కూడా పసిడి బాటలో పయనించాయి. పరిశ్రమలు, నాణేల తయారీదారుల నుంచి మద్దతు లభించకపోవడంతో కిలో వెండి ధర రూ.490 తగ్గింది. ప్ర‌స్తుతం కిలో వెండి ధ‌ర‌ రూ.42,250గా ఉంది. అంతర్జాతీయ మార్కెట్‌లో సైతం పుత్తడి పతనం కొనసాగింది. ఔన్సు బంగారం ధర 0.42శాతం తగ్గి 1,222.70 అమెరికన్‌ డాలర్ల దగ్గర నిలకడగా ఉంది.

వెండి ధర కూడా 0.28శాతం తగ్గి 17.50 డాలర్లకు చేరుకుంది. నోట్ల రద్దు తర్వాత పసిడి విక్రయాలు క్షీణించినట్లు ఇటీవల వరల్డ్ గోల్డ్ కౌన్సిల్ నివేదిక వెల్లడించింది. 2015తో పోల్చుకుంటే 2016 నాటికి 21 శాతం క్షీణించినట్లు డబ్ల్యూజీసీ పేర్కొంది.