Gold Rates: దిగొచ్చిన బంగారం ధరలు..!

నాలుగు రోజులపాటు జోరు కొనసాగించిన బంగారం ధరల పెరుగుదలకు ఎట్టకేలకు అడ్డు కట్టపడింది. బంగారం ధర శనివారం (మే 26) ఒక్కసారిగా దిగొచ్చింది. అంతర్జాతీయ బలహీన సంకేతాలతో 105 రూపాయల మేర తగ్గిన బంగారం ధర చివరకు రూ.32,370 (10 గ్రాములు) వద్ద స్థిరపడింది. బంగారంతో పాటు వెండి ధరలు కూడా తగ్గాయి. పారిశ్రామిక వర్గాలు, నాణేల తయారీదారుల నుంచి కొనుగోళ్లు లేకపోవడంతో కిలో రూ.350 తగ్గింది. దీంతో నేటి మార్కెట్లో కేజీ వెండి ధర రూ. 41,200లకు పడిపోయింది.

అమెరికా డాలర్‌ బలపడటం, అమెరికా బాండ్‌ ఈల్డ్స్‌ పెరగడం వల్ల బంగారం ధరలు తగ్గాయి. దేశ రాజధానిలో 99.9 శాతం, 99.5 శాతం స్వచ్ఛత కలిగిన బంగారం ధరలు 105 రూపాయల చొప్పున తగ్గి, రూ.32,370గా, రూ.32,220గా నమోదయ్యాయి. అంతర్జాతీయంగానూ ఈ లోహాల ధరలు స్వల్పంగా తగ్గాయి.