Good News For Homebuyers: State Bank Of India Loan Interest Rate Plunges To 10 Year Low!
హోమ్ లోన్ తీసుకునే వారికి SBI గుడ్ న్యూస్.. పదేళ్ల కనిష్టానికి తగ్గిన వడ్డీ రేట్లు!
దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా (ఎస్బీఐ) తన కస్టమర్లకు శుభవార్త అందించింది. బ్యాంకులో హోమ్ లోన్ తీసుకోవాలని భావించే వారికి ఇదే సరైన సమయం. బ్యాంక్ హోమ్ లోన్పై వడ్డీ రేట్లను 25 బేసిస్ పాయింట్ల మేర తగ్గించింది. డిసెంబర్ 30న ఈ తగ్గింపు నిర్ణయం తీసుకుంది.
Samayam Telugu3 Jan 2020, 9:01 am
దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా (ఎస్బీఐ) తన కస్టమర్లకు శుభవార్త అందించింది. బ్యాంకులో హోమ్ లోన్ తీసుకోవాలని భావించే వారికి ఇదే సరైన సమయం. బ్యాంక్ హోమ్ లోన్పై వడ్డీ రేట్లను 25 బేసిస్ పాయింట్ల మేర తగ్గించింది. డిసెంబర్ 30న ఈ తగ్గింపు నిర్ణయం తీసుకుంది.
జనవరి 1 నుంచే
స్టేట్ బ్యాంక్ తగ్గింపు నిర్ణయంతో హోమ్ లోన్స్పై వడ్డీ రేటు 8.15 శాతం నుంచి 7.9 శాతానికి దిగొచ్చింది. ఈ కొత్త రేట్లు జనవరి 1 నుంచి అమలులోకి వచ్చాయి. ఎస్బీఐ సహా పలు ఇతర బ్యాంకులు వాటి హోమ్ లోన్స్, ఇతర రిటైల్ రుణాలను ఎక్స్టర్నల్ బెంచ్మార్క్ రేట్లతో అనుసంధానం చేసిన విషయం తెలిసిందే.
ఎస్బీఐ వడ్డీ రేట్ల తగ్గింపుతో ఎక్స్టర్నల్ బెంచ్మార్క్ రేటుతో అనుసంధానమైన హోమ్ లోన్ వడ్డీ రేట్లు దిగిరానున్నాయి. అలాగే ఎంఎస్ఎంఈ రుణాలపై వడ్డీ రేట్లు తగ్గుతాయి. జనవరి 1 నుంచి కొత్తగా హోమ్ లోన్ తీసుకోవాలనుకునే వారికి వడ్డీ రేటు 7.9 శాతం నుంచి ప్రారంభమౌతోంది.
బ్యాంక్ లెండింగ్ వ్యాపారాన్ని పుంజుకునేలా చేయడానికి ఎస్బీఐ ఈ నిర్ణయం తీసుకుంది. అలాగే రియల్ ఎస్టేట్ రంగానికి జోష్ ఇవ్వాలనే లక్ష్యంతో వడ్డీ రేట్లను తగ్గించింది. కార్పొరేట్ లోన్స్లో పెరుగుదల లేకపోవడంతో హోమ్ లోన్స్పై వడ్డీ రేట్ల తగ్గింపుతో లెండింగ్ విభాగంలో అయినా మంచి వృద్ధి నమోదు చేయాలని బ్యాంక్ భావిస్తోంది.
స్టేట్ బ్యాంక్ వడ్డీ రేట్లను తగ్గించడంతో బ్యాంక్ హోమ్ లోన్స్ వడ్డీ రేటు పదేళ్ల కనిష్ట స్థాయికి తగ్గింది. ఇతర వాణిజ్య బ్యాంకులు కూడా ఎస్బీఐ దారిలో నడిచే అవకాశముంది. హోమ్ లోన్స్, వాహన రుణాల్లో స్టేట్ బ్యాంక్ అధిక మార్కెట్ వాటా కలిగి ఉంది. ఇండియన్ బ్యాంకింగ్ రంగంలో హోమ్ లోన్స్, ఆటో లోన్స్ విభాగాల్లో ఎస్బీఐకి 25 శాతం చొప్పున మార్కెట్తో దూసుకెళ్తోంది.
2020 జనవరి 1 నుంచి ఎస్బీఐ హోమ్ లోన్ వడ్డీ రేట్లు గమనిస్తే.. రూ.30 లక్షలలోపు వరకు రుణానికి వడ్డీ రేట్లు 7.9 శాతం నుంచి ప్రారంభమౌతున్నాయి. రూ.30 లక్షలు నుంచి రూ.75 లక్షల వరకు హోమ్ లోన్స్పై వడ్డీ రేటు 8.2 శాతం నుంచి ప్రారంభమౌతుంది. అదే రూ.75 లక్షలకు పైన హోమ్ లోన్స్కు వడ్డీ రేటు 8.3 శాతంగా ఉంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.