Indian Techie: స్విట్జర్లాండ్ పంపి 2 వారాల్లోనే పీకేసిన గూగుల్.. ఇండియన్ టెకీ కష్టం పగోడికి కూడా రావొద్దు.. ఇంత దారుణమా?

Indian Techie: ఇటీవలి కాలంలో గూగుల్ విధించిన లేఆఫ్స్ చర్చనీయాంశంగా మారాయి. చాలా మందిని ఉన్నట్లుండి సడెన్‌గా తీసేయడం, సమాచారం ఇవ్వకుండా తీసేయడం వంటివి ప్రాధాన్యం సంతరించుకున్నాయి. దీంతో వారు తమ గోడును సోషల్ మీడియాలో పోస్ట్ చేశారు. ఇప్పుడు మరో భారతీయ టెకీ తనకు జరిగిన అన్యాయాన్ని లింక్డ్ ఇన్‌లో పోస్ట్ చేశాడు. ఇంతకీ ఏం జరిగిందంటే.. యూకేలో సాఫ్ట్‌వేర్ ఇంజినీర్‌గా పనిచేస్తున్న భారత టెకీని గూగుల్ ప్రమోషన్‌పై స్విట్జర్లాండ్‌కు ట్రాన్స్‌ఫర్ చేసింది. అలా జరిగిన రెండు వారాల్లోనే ఉద్యోగంలో నుంచి పీకేసింది. అతడే తన్మయ్ సహాయ్. గూగుల్ జనవరిలో చేసిన లేఆఫ్స్‌లో ఇతడు కూడా బాధితుడుగా మారాడు.

ఈ మేరకు మార్చి 16న తన్మయ్ లింక్డ్‌ ఇన్‌‌లో చేసిన పోస్ట్ వైరల్‌గా మారింది. దీని ప్రకారం.. అతడు యూకేలో గూగుల్ తరఫున నాలుగేళ్లుగా సాఫ్ట్‌వేర్‌ ఇంజినీర్‌గా పనిచేశాడు. తర్వాత టీం ఛేంజ్‌లో భాగంగా ప్రమోషన్‌పై అతడిని గూగుల్ యూకే నుంచి స్విట్జర్లాండ్‌కు తన పని ప్రదేశాన్ని మార్చేసింది. అయితే అతడు వెళ్లాడు. చక్కగా పనిచేసుకుంటున్నాడు కూడా. ఇక ఇదే క్రమంలో ఉన్నట్లుండి గూగుల్ విధించిన లేఆఫ్స్‌లో అతడి పేరు కూడా ఉండటం షాక్‌కు గురిచేసింది. దీంతో కుప్పకూలిపోయాడు. ఇలా జరుగుతుందని అస్సలు ఊహించలేదని, ఇన్నేళ్లు పనిచేసినా ఇలా చేసిందని తన గోడును వివరించుకున్నాడు. ఇక ప్రస్తుతం తన అనుభవం వివరిస్తూ.. అవకాశాల కోసం చూస్తున్నట్లు లింక్డ్ ఇన్‌ కాంటాక్ట్స్‌లో ఉన్నవారిని అడుగుతున్నాడు. తాను ఎక్కడినుంచి పనిచేయడానికైనా సిద్ధమేనని చెబుతున్నాడు.

గూగుల్ లేఆఫ్స్‌లో భాగంగా ఇటీవల చాలా మంది తమను ఇలాగే అమర్యాదగా ప్రవర్తించి, అవమానకరరీతిలో ఇంటికి పంపించిందని చెప్పిన సంగతి తెలిసిందే. ఒకరేమో ఆఫీస్‌కు సంబంధించి పనిలో భాగంగా వీడియో కాల్‌లో ఉండగా.. లేఆఫ్ విధించగా.. మరొకరు ఇలాగే మీటింగ్‌కు సిద్ధమవుతుండగానే యాక్సెస్ కోల్పోయాడు. ఇంకో వ్యక్తి తన తల్లి చనిపోతే సెలవులో ఉండి తిరిగి వచ్చిన 3 రోజులకే అతడిని తీసేసింది. ఇంకొకరు కుటుంబంతో సరదాగా వెకేషన్‌లో ఉన్న సమయంలో మెసేజ్‌లో లేఆఫ్ సందేశం అందుకుంది.

PAN Aadhaar Card లింక్ చేశారా? లేదా? గుర్తు లేకున్నా పర్లేదు.. సింపుల్‌గా ఇలా చెక్ చేసుకొని లింక్ చేసుకోండి! TCS: టీసీఎస్‌కు గుడ్‌బై.. అయినా గోపీనాథన్‌ను వదులుకునేందుకు ఇష్టం లేని Tata Group.. ఆ పదవి సిద్ధం చేసిందిగా.. Ranveer Singh: Kohli ని దాటేసిన బాలీవుడ్ స్టార్.. ఎవరి బ్రాండ్ విలువ ఎన్ని కోట్లో తెలుసా? లిస్ట్‌లో ఐకాన్ స్టార్..

• Read Latest Business News and Telugu News