Hdfc Bank Customer Alert! Credit Card Services On Ivr, Netbanking, Phone Banking To Stop In This Period
HDFC Bank కస్టమర్లకు హెచ్చరిక.. ఆ రోజు క్రెడిట్ కార్డ్, నెట్ బ్యాంకింగ్ సేవలు పనిచేయవు!
దేశీ ప్రైవేట్ రంగ దిగ్గజ బ్యాంక్ హెచ్డీఎఫ్సీ బ్యాంక్లో మీకు అకౌంట్ ఉందా? బ్యాంక్ క్రెడిట్ కార్డు ఉపయోగిస్తున్నారా? అలాగే నెట్ బ్యాంకింగ్ కూడా వినియోగస్తూ ఉంటారా? అయితే మీకు ముఖ్యమైన గమనిక. బ్యాంక్ సేవలకు అంతరాయం కలుగనుంది. ఆ రోజు బ్యాంక్ పలు సేవలు కస్టమర్లకు అందుబాటులో ఉండవని బ్యాంక్ వెల్లడించింది.
Samayam Telugu16 Jan 2020, 1:19 pm
దేశీ ప్రైవేట్ రంగ దిగ్గజ బ్యాంక్ హెచ్డీఎఫ్సీ బ్యాంక్లో మీకు అకౌంట్ ఉందా? బ్యాంక్ క్రెడిట్ కార్డు ఉపయోగిస్తున్నారా? అలాగే నెట్ బ్యాంకింగ్ కూడా వినియోగస్తూ ఉంటారా? అయితే మీకు ముఖ్యమైన గమనిక. బ్యాంక్ సేవలకు అంతరాయం కలుగనుంది. ఆ రోజు బ్యాంక్ పలు సేవలు కస్టమర్లకు అందుబాటులో ఉండవని బ్యాంక్ వెల్లడించింది.
ఆ రోజు సేవలు బంద్
హెచ్డీఎఫ్సీ బ్యాంక్ పలు సేవలు జనవరి 18న నిలిచిపోనున్నాయి. ఐవీఆర్లో క్రెడిట్ కార్డు సర్వీసులు, ఫోన్ బ్యాంకింగ్, నెట్ బ్యాంకింగ్, మొబైల్ బ్యాంకింగ్ సేవలు కస్టమర్లకు అందుబాటులో ఉండవని బ్యాంక్ తెలియజేసింది.
హెచ్డీఎఫ్సీ బ్యాంక్ నెట్ బ్యాంకింగ్, మొబైల్ బ్యాంకింగ్, క్రెడిట్ కార్డు సేవలు దాదాపు 11 గంటలు అందుబాటులో ఉండకపోవచ్చు. జనవరి 18న రాత్రి 1 గంట నుంచి మధ్యాహ్నం 12 గంటల వరకు ఈ సేవలు లభించవు.
షెడ్యూల్డ్ మెయింటెనెన్స్ కారణంగా కస్టమర్లకు బ్యాంక్కు సంబంధించిన పలు సేవలు అందుబాటులో ఉండవని హెచ్డీఎఫ్సీ బ్యాంక్ స్పష్టం చేసింది. దీనికి సంబంధించి బ్యాంక్ తన అధికారిక వెబ్సైట్లో కూడా సమాచారాన్ని అందుబాటులో ఉంచింది.
హెచ్డీఎఫ్సీ బ్యాంక్ నెట్ బ్యాంకింగ్ అండ్ మొబైల్ యాప్ సర్వీసులకు డిసెంబర్ నెలలో రెండు సార్లు అంతరాయం ఏర్పడింది. బ్యాంక్ తన అధికారిక ట్విట్టర్ ఖాతా ద్వారా ఈ విషయాన్ని వెల్లడించింది. ఇప్పుడు మళ్లీ అలాంటి ఇబ్బందులు తలెత్తకుండా ముందుగానే మెయింటెనెన్స్ చూసుకుంటోంది.
ఇకపోతే హెచ్డీఎఫ్సీ బ్యాంక్ ఇటీవలనే హర్ గావ్ హమారా పేరుతో కొత్త కార్యక్రమాన్ని ఆవిష్కరించింది. ఇందులో భాగంగా కస్టమర్లు బ్యాంక్ మొబైల్ బ్యాంకింగ్ సేవలు అందించనుంది. అంటే మొబైల్ ఫోన్లో సేవలు పొందటం కాదు.. ఒక్క ఫోన్ కాల్తో ఇంటి వద్దనే బ్యాంకింగ్ సర్వీసులు పొందొచ్చు. కేవలం రైతులకు మాత్రమే ఈ సేవలు అందుబాటులో ఉంటాయి.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.