Loan Interest Rates: వడ్డీ రేట్లు పెంచిన దిగ్గజ బ్యాంక్.. EMI ఎక్కువ కట్టాల్సిందే.. ఎంత శాతం పెరిగిందంటే?

Loan Interest Rates: ప్రైవేట్ రంగానికి చెందిన దిగ్గజ బ్యాంక్ హెచ్‌డీఎఫ్‌సీ కీలక ప్రకటన చేసింది. మార్జినల్ కాస్ట్ ఆఫ్ ఫండ్స్ బేస్డ్ లెండింగ్ రేట్లను (MCLR) పెంచుతున్నట్లు వెల్లడించింది. వేర్వేరు కాలపరిమితులపై వేర్వేరుగా ఉండనుంది. మొత్తంగా 5 బేసిస్ పాయింట్ల మేర వడ్డీ రేటు పెరగనుంది. హెచ్‌డీఎఫ్‌సీ అధికారిక వెబ్‌సైట్ ప్రకారం.. పెంచిన వడ్డీ రేట్లు 2023, మార్చి 7 నుంచి అమల్లోకి వచ్చాయి. MCLR అంటే.. అన్ని బ్యాంకులు సాధారణంగా అన్ని రకాల లోన్లపై వసూలు చేసే కనీస వడ్డీ రేటు. దీనిని RBI అన్ని బ్యాంకులకు తప్పనిసరి చేసింది. ఈ నేపథ్యంలోనే ఉన్న MCLR కు అనుసంధానమై ఉన్న లోన్లపై ఈ వడ్డీ రేట్లు పెరుగుతాయి.

హెచ్‌డీఎఫ్‌‌సీ తాజా నిర్ణయంతో ఓవర్‌నైట్ MCLR ఇప్పుడు 8.65 శాతానికి చేరింది. ఇక ఒక నెల ఎంసీఎల్‌ఆర్ 8.65 శాతంగానే ఉండగా.. 3 నెలల ఎంసీఎల్‌ఆర్ 8.70 శాతంగా, ఆరు నెలల MCLR 8.80 శాతానికి పెరిగింది. ఇక ఏడాది MCLR ఇప్పుడు 8.95 శాతానికి చేరింది. ఇదే చాలా వరకు కస్టమర్ల అన్ని రకాల లోన్లకు అనుసంధానమై ఉంటుంది. ఇక రెండేళ్ల MCLR 9.05 శాతం, మూడేళ్ల MCLR 9.15 శాతానికి పెరిగింది.

Adani సంక్షోభం.. RBI మాజీ గవర్నర్ Raghuram Rajan రాజన్ సూటి ప్రశ్న ఇదే.. ఇక అలాగే చేయాలేమో?

ఇక MCLR పెరిగిన నేపథ్యంలో EMI పెరుగుతుందని కూడా గమనించాలి. సిబిల్ స్కోరు, టైప్ ఆఫ్ ఎంప్లాయ్‌మెంట్, ఇతర కారకాలు కూడా మీ EMI పెరిగేందుకు కారణమవుతోంది. కొత్తగా లోన్లు తీసుకునేవారు EMI ఎక్కువ కట్టాలి. అప్పటికే లోన్లు తీసుకున్నవారు మాత్రం ఎక్కువ నెలలు EMI చెల్లించాల్సి ఉంటుంది. రిజర్వ్ బ్యాంక్ ఆఫ్ ఇండియా ఇటీవలి కాలంలో వడ్డీ రేట్లను పెంచుకుంటూ పోతోంది. ఈ నేపథ్యంలోనే బ్యాంకులు కూడా అన్ని రకాల రుణాలపై వడ్డీ రేట్లను పెంచుతున్న విషయం తెలిసిందే. ఇప్పుడు హెచ్‌డీఎఫ్‌సీ కూడా అదే విధంగా వడ్డీ రేట్లు పెంచింది. త్వరలో మరోసారి రిజర్వ్ బ్యాంక్ .. రెపో రేటు పెంచే సూచనలు కనిపిస్తున్నాయి. ఇదే జరిగితే మరోసారి ఆయా బ్యాంకులు వడ్డీ రేట్లను సవరించనున్నాయి.

Relaince Retail: కూతురు Isha తో కలిసి Ambani దూకుడు.. బ్యూటీ వ్యాపారంలోకి ఎంట్రీ.. తొలి స్టోర్‌ ఎక్కడ ఎప్పుడంటే?

• Read Latest Business News and Telugu News