హెచ్‌డీఎఫ్‌సీ బ్యాంక్ కీలక నిర్ణయం.. కస్టమర్లకు గుడ్ న్యూస్.. ఈరోజు నుంచి..

ప్రైవేట్ రంగ దిగ్గజ బ్యాంకుల్లో ఒకటైన హెచ్‌డీఎఫ్‌సీ బ్యాంక్ తాజాగా కీలక నిర్ణయం తీసుకుంది. డబ్బులు దాచుకునే వారికి ఉపశమనం కలిగించింది. ఫిక్స్‌డ్ డిపాజిట్లపై Fixed Deposit వడ్డీ రేట్లు పెంచుతూ నిర్ణయం తీసుకుంది. రూ. 2 కోట్లకులోపు ఫిక్స్‌డ్ డిపాజిట్లకు (ఎఫ్‌డీ) ఇది వర్తిస్తుంది. ఎంపిక చేసిన టెన్యూర్లపై మాత్రమే వడ్డీ రేట్లు పెరిగాయని గుర్తు పెట్టుకోవాలి. బ్యాంక్ వెబ్‌సైట్ ప్రకారం చూస్తే.. ఎఫ్‌డీ FD రేట్ల పెంపు నిర్ణయం ఏప్రిల్ 20 నుంచి అమలులోకి వచ్చింది. హెచ్‌డీఎఫ్‌సీ బ్యాంక్ Bank 7 రోజుల నుంచి 29 రోజుల కాల పరిమితిలోని ఎఫ్‌డీలపై 2.5 శాతం వడ్డీని అందిస్తోంది. 30 రోజుల నుంచి 90 రోజుల ఎఫ్‌డీలపై అయితే 3 శాతం వడ్డీ రేటును సొంతం చేసుకోవచ్చు. అలాగే బ్యాంక్ 91 రోజుల నుంచి 6 నెలల కాల పరిమితిలోని ఎఫ్‌డీలపై 3.5 వడ్డీని అందిస్తోంది. 6 నెలల ఒక రోజు నుంచి 9 నెలల వరకు, 9 నెలల ఒక రోజు నుంచి ఏడాదిలోపు ఎఫ్‌డీలపై అయితే 4.4 శాతం వడ్డీ రేటును పొందొచ్చు. అలాగే ఏడాది కాల పరిమితిలోని ఎఫ్‌డీలపై 5.1 శాతం వడ్డీ వస్తుంది. ఏడాది 1 రోజు నుంచి రెండేళ్ల కాల పరిమితిలోని ఫిక్స్‌డ్ డిపాజిట్లపై కూడా ఇదే వడ్డీ రేటు వర్తిస్తుంది. రెండేళ్ల ఒక రోజు నుంచి మూడేళ్లు, మూడేళ్ల ఒక రోజు నుంచి ఐదేళ్లు, ఐదేళ్ల ఒక రోజు నుంచి పదేళ్ల కాల పరిమితిలోని ఎఫ్‌డీలపై వరుసగా 5.2 శాతం, 5.45 శాతం, 5.6 శాతం చొప్పున వడ్డీ రేట్లను సొంతం చేసుకోవచ్చు.

కాగా బ్యాంకులు ఇటీవల కాలంలో వడ్డీ రేట్లను పెంచుతూ వస్తున్నాయి. పలు బ్యాంకులు ఇప్పటికే పలు రకాల ఎఫ్‌డీలపై రేట్లు పెంచాయి. అయితే అదేసమయంలో ఇప్పుడు బ్యాంకులు రుణ రేట్లను కూడా పెంచుతూ వస్తున్నాయి. ఎస్‌బీఐ, యాక్సిస్ బ్యాంక్, కోటక్ మహీంద్రా బ్యాంక్, బీఓబీ ఇలా ఈ బ్యాంకులు అన్నీ రుణ రేట్లు పెంచాయి. ఎంసీఎల్ఆర్ రేటును పెంచుతూ నిర్ణయం తీసుకున్నాయి. దీని వల్ల రుణ గ్రహీతలపై ప్రభావం పడనుంది.

Also Read: undefined

Also Read: undefined

20కి పైగా రంగాల గురించి సమగ్రమైన సమాచారం తెలుసుకునేందుకు, ఎక్స్‌క్లూజివ్ ఎకనమిక్ టైమ్స్ కథనాల కోసం ఎకనమిక్ టైమ్స్ ప్రైమ్‌ను సబ్‌స్క్రయిబ్ చేసుకోగలరు.