Oil Rates: భారీగా తగ్గిన వంట నూనె ధరలు!

Edible Oil Price: మలేసియా ఎక్స్చేంజ్‌లో ధరలు తగ్గడం వల్ల ఆయిల్ సీడ్స్ ధరలు మన దేశంలోనూ దిగివచ్చాయి. మాలేసియా ఎక్స్చేంజ్‌లో సోమవారం ఆయిల్ సీడ్స్ ధరలు దాదాపు 8 శాతం తగ్గాయని ట్రేడర్లు పేర్కొంటున్నారు. చికాగో ఎక్స్చేంజ్ సోమవారం క్లోజ్‌లో ఉంది. ఇలా గ్లోబల్ మార్కెట్‌లో ధరలు భారీగా పడిపోవడం వల్ల మరీముఖ్యంగా హోల్ సేల్‌ మార్కెట్‌లో దిగుమతి చేసుకున్న ఆయిల్స్ (సోయాబీన్ దెగుమ్, సీపీవో, పామోలిన్) ధరలు బాగా తగ్గాయి. గత నెల రోజుల్లో చూస్తే వీటి ధరలు 35 నుంచి 40 శాతం మేర క్షీణించాయి. డొమెస్టిక్ ఆయిల్ రేట్లు కూడా క్రమంగా తగ్గుతూ వస్తున్నాయి. అయితే దిగుమతి చేసుకున్న ఆయిల్స్‌తో పోలిస్తే దేశీ మార్కెట్‌లో ఆయిల్ రేటు స్వల్పంగానే తగ్గిందని చెప్పుకోవచ్చు. విశ్వసనీయ వర్గాల ప్రకారం చూస్తే.. కాటన్ సీడ్‌ వ్యాపారం దాదాపు ముగింపునకు వచ్చేసింది. గుజరాత్‌లోని పలు కంపెనీలు, కన్సూమర్లు కాటన్ సీడ్స్ కొరత ప్రభావాన్ని వేరుశనగతో తగ్గించుకుంటున్నారు. దీని వల్ల వేరుశనగ నూనె, ఆయిల్ సీడ్స్ ధరలు పైస్థాయిలోనే కదలాడుతున్నాయి. మార్కెట్ ధర కన్నా తక్కువ ధరకే దిగుమతిదారులు విక్రయించాల్సి వస్తోందని, దీంతో వారు ఇబ్బందుల్లో ఉన్నారని తెలుస్తోంది. సోమవారం నాటి తగ్గుదల వీరిపై మరింత ప్రభావం చూపుతోంది.

Also Read: undefined

కేంద్ర ప్రభుత్వం దిగుమతిదారులకు ఏడాదిలో 2 మిలియన్ టన్నుల సన్‌ఫ్లవర్ ఆయిల్, 2 మిలియన్ టన్నుల సోయాబీన్ ఆయిల్‌ను సుంకాలు లేకుండా దిగుమతి చేసుకోవచ్చని అనుమతి ఇచ్చింది. దీంతో చాలా మంది ఈ ఆయిల్స్‌ను దిగుమతి చేసుకున్నారు. అయితే ఇప్పుడు వీటి ధరలు తగ్గుతున్నాయి. అలాగే మరోవైపు ఆవాల లభ్యత కూడా తగ్గిపోయింది.

ఆయిల్, ఆయిల్ సీడ్స్ హోల్ సేల్ ధరలు ఎలా ఉన్నాయో తెలుసుకుందాం..
మస్టర్డ్ ఆయిల్ సీడ్స్ - రూ. 7385 - రూ. 7435 (42 శాతం కండీషన్ రేటు) క్వింటాల్‌కు
వేరుశనగ - రూ. 6765 - రూ. 6890 క్వింటాల్‌కు
వేరుశనగ ఆయిల్ మిల్ డెలివరీ (గుజరాత్) - రూ. 15,719 క్వింటాల్‌కు
వేరుశనగ సాల్వెంట్ రిఫైన్డ్ ఆయిల్ రూ. 2635 - రూ. 2825 టిన్‌కు
మస్డర్డ్ ఆయిల్ డాడ్రి - రూ. 15 వేలు క్వింటాల్‌కు
సెసమ్ ఆయిల్ మిల్ డెలివరీ - రూ. 17 వేల - 18500 క్వింటాల్‌కు
సోయాబీన్ ఆయిల్ మిల్ డెలివరీ ఢిల్లీ - రూ. 13,850 క్వింటాల్‌కు
సోయాబీన్ ఆయిల్ డెగమ్, కాండ్లా - రూ. 12 వేలు క్వింటాల్‌కు
సీపీవో ఎక్స్ కాండ్లా - రూ. 11 వేలు క్వింటాల్‌కు
పామోలిన్ ఆర్‌బీడీ ఢిల్లీ - రూ. 13 వేలు క్వింటాల్‌కు
పామోలిన్ ఎక్స్‌కాండ్లా - రూ. 11,900 (జీఎస్‌టీ లేకుండా) క్వింటాల్‌కు
సోయాబీన్ గ్రైన్ - రూ. 6350 - రూ. 6450 క్వింటాల్‌కు
సోయాబీన్ లూజ్ - రూ. 6100 - రూ. 6150 క్వింటాల్‌కు

Also Read: undefined