క్రెడిట్ కార్డు కోసం అప్లై చేసుకోవాలని ప్లాన్ చేస్తున్నారా? లేదంట పర్సనల్ లోన్, వెహికల్ లోన్, హోమ్ లోన్ వంటివి తీసుకోవాలని భావిస్తున్నారా? అయితే మీరు ఒక విషయం కచ్చితంగా తెలుసుకోవాలి. వీటిన్నింటికీ సిబిల్ స్కోర్ కావాల్సిందే. బ్యాంకులు మీరు క్రెడిట్ కార్డుకు అప్లై చేసుకున్నా, రుణం కోసం దరఖాస్తు చేసుకున్న తొలిగా చూసేది మీ క్రెడిట్ స్కోర్నే. అందుకే సిబిల్ స్కోర్ గురించి కొన్ని విషయాలు కచ్చితంగా తెలుసుకోవాలి. అవేంటో చూద్దాం.
Samayam Telugu15 Jan 2020, 8:06 pm
క్రెడిట్ కార్డు కోసం అప్లై చేసుకోవాలని ప్లాన్ చేస్తున్నారా? లేదంట పర్సనల్ లోన్, వెహికల్ లోన్, హోమ్ లోన్ వంటివి తీసుకోవాలని భావిస్తున్నారా? అయితే మీరు ఒక విషయం కచ్చితంగా తెలుసుకోవాలి. వీటిన్నింటికీ సిబిల్ స్కోర్ కావాల్సిందే. బ్యాంకులు మీరు క్రెడిట్ కార్డుకు అప్లై చేసుకున్నా, రుణం కోసం దరఖాస్తు చేసుకున్న తొలిగా చూసేది మీ క్రెడిట్ స్కోర్నే. అందుకే సిబిల్ స్కోర్ గురించి కొన్ని విషయాలు కచ్చితంగా తెలుసుకోవాలి. అవేంటో చూద్దాం.
సిబిల్ స్కోర్ అంటే ఏంటి?
సిబిల్ అనేది ప్రముఖ క్రెడిట్ బ్యూరో సంస్థ. ఇది క్రెడిట్ స్కోర్ను జనరేట్ చేస్తుంది. క్రెడిట్ స్కోర్ 300 నుంచి 900 మధ్యలో ఉంటుంది. బ్యాంకులు, క్రెడి కార్డు సంస్థలు, ఇతర ఆర్థిక సంస్థల నుంచి సిబిల్ ఆర్థిక సమాచారాన్ని సేకరించి క్రెడిట్ స్కోర్ను రూపొందిస్తుంది. చాలా మంది క్రెడిట్ స్కోర్ను సిబిల్ స్కోర్గా పిలుస్తుంటారు.
ఒక వ్యక్తి క్రెడిట్ వర్తీనెస్ను అంచనా వేయడానికి సిబిల్ స్కోర్ ఉపయోగపడుతుంది. బ్యాంకులు, ఇతర ఆర్థిక సంస్థలు కచ్చితంగా రుణ గ్రహీత క్రెడిట్ హిస్టరీని చెక్ చేస్తాయి. క్రెడిట్ స్కోర్ తెలుసుకున్న తర్వాతనే రుణ దరఖాస్తుపై ఏదో ఒక నిర్ణయాన్ని తీసుకుంటాయి. ఆర్థిక స్థిరత్వం, లోన్ పునర్ చెల్లింపు వంటి అంశాలను క్రెడిట్ స్కోర్తో తెలుసుకోవచ్చు.
క్రెడిట్ స్కోర్ ఎక్కువగా ఉంటే పలు ప్రయోజనాలు పొందొచ్చు. సిబిల్ స్కోర్ బాగున్న వారికి రుణం సులభంగానే లభిస్తుంది. అలాగే వడ్డీ రేట్ల విషయంలో కూడా కొంత రాయితీ పొందొచ్చు. ఇటీవల కాలంలో బ్యాంకులు రుణ రేట్ల నిర్ణయంలో క్రెడిట్ స్కోర్కు ప్రాధాన్యమిస్తున్నాయి.
సిబిల్ స్కోర్ తక్కువగా ఉంటే పలు సమస్యలు ఎదుర్కోవలసి వస్తుంది. లోన్ అప్లికేషన్ తిరస్కరణకు గురికావొచ్చు. అలాగే క్రెడిట్ కార్డు కోసం అప్లై చేసుకున్నా కూడా ఇదే పరిస్థితి ఎదురుకావొచ్చు.
సిబిల్ స్కోర్ కనీసం 750 ఉంటే మంచిది. దీనిపైన సిబిల్ స్కోర్ ఉంటే మంచి స్కోరని అర్థం చేసుకోవచ్చు. దీని కన్నా దిగువున స్కోర్ ఉంటే రుణం పొందటం కష్టతరం కావొచ్చు. పర్సనల్ లోన్ తీసుకోవాలంటే క్రెడిట్ స్కోర్ కనీసం 750 పైన ఉండాలి.
క్రెడిట్ స్కోర్ను కాపాడుకుంటూ రావాలన్నా, మంచి సిబిల్ స్కోర్ను కలిగి ఉండాలన్నా కొన్ని రూల్స్ను ఫాలో అవ్వాలి. పాజిటివ్ పేమెంట్ హిస్టరీ కలిగి ఉండాలి. అంటే అన్ని ఈఎంఐలను కరెక్ట్ టైమ్కు చెల్లించాలి. అలాగే క్రెడిట్ స్కోర్ బిల్లును కూడా నిర్ణీత గడువులోగా కట్టేయాలి.
సిబిల్ రిపోర్ట్లో ఆర్థిక అంశాలన్నీ ఉంటాయి. ఈరోజు వరకు మీరు తీసుకున్న రుణాల వివరాలు అన్ని వివరంగా రికార్డవుతాయి. హోమ్ లోన్, పర్సనల్ లోన్, క్రెడిట్ కార్డు, ఓవర్డ్రాఫ్ట్ ఫెసిలిటీ వంటి సమాచారం ఉంటుంది. సిబిల్ రిపోర్ట్లో కాంటాక్ట్, పర్సనల్, అకౌంట్ అనే మూడు రకాల ఇన్ఫర్మేషన్ పొందొచ్చు.
సిబిల్ స్కోర్ను ఉచితంగానే పొందొచ్చు. ఏడాదికి ఒకసారి మాత్రమే సిబిల్ రిపోర్ట్ ఫ్రీగా పొందటం వీలవుతుంది. ఒకటి కన్నా ఎక్కువ సార్లు రిపోర్ట్ పొందాలంటే రూ.550 చెల్లించాలి. సిబిల్ వెబ్సైట్ సబ్స్క్రిప్షన్ ప్లాన్స్ కూడా అందిస్తోంది.
ముందుగా సిబిల్ వెబ్సైట్కు వెళ్లాలి. అకౌంట్ క్రియేట్ చేసుకోవాలి. దీని కోసం మీ పేరు, వ్యక్తిగత వివరాలు, ఆధార్ నెంబర్, పాన్ నెంబర్, పుట్టిన తేదీ వంటి సమాచారం అందించాల్సి ఉంటుంది. వివరాల వెరిఫికేషన్ పూర్తియిన తర్వాత మీరు సిబిల్ స్కోర్ను చూసుకోవచ్చు.
తప్పులు ఉండొచ్చు
సిబిల్ స్కోర్లో కొన్ని సందర్భాల్లో తప్పులు కూడా దొర్లే అవకాశముంది. అందువల్ల మీరు మీ క్రెడిట్ స్కోర్ను ఏడాదికి ఒకసారైనా కచ్చితంగా చెక్ చేసుకోవడం మంచిది. తప్పులు ఉంటే మీ క్రెడిట్ స్కోర్పై ప్రతికూల ప్రభావం పడే అవకాశముంది. చెక్ చేసుకున్న తర్వాత తప్పులు ఉంటే ఆ విషయాన్ని వెంటనే సిబిల్కు తెలియజేయండి.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.