డబ్బుతో అవసరం పడిందా? ఈ 5 ఆప్షన్లతో వెంటనే లోన్.. రూ.30,000 నుంచి రూ.5 లక్షల వరకు రుణం!
డబ్బుకు లోకం దాసోహం. డబ్బు ఎవరినైనా ఆడిస్తుంది. డబ్బుతో ఎప్పుడు ఎలాంటి అవసరం పడుతుందో చెప్పడం కష్టమే. కొన్ని సందర్భాల్లో అనుకోకుండా మనీతో అవసరం రావొచ్చు. మరి ఇలాంటప్పుడు ఏం చేయాలి? బ్యాంక్ అకౌంట్లో డబ్బులు ఉంటే పర్వాలేదు. లేకపోతే? బంధువులను లేదంటే స్నేహితులను అడిగి రుణం తీసుకోవాలి. ఒకవేళ వాళ్లు కూడా చేతులు ఎత్తేస్తే? మరి ఏం చేయాలి? మన పరిస్థితేంటి?
Samayam Telugu21 Feb 2020, 12:40 pm
డబ్బుకు లోకం దాసోహం. డబ్బు ఎవరినైనా ఆడిస్తుంది. డబ్బుతో ఎప్పుడు ఎలాంటి అవసరం పడుతుందో చెప్పడం కష్టమే. కొన్ని సందర్భాల్లో అనుకోకుండా మనీతో అవసరం రావొచ్చు. మరి ఇలాంటప్పుడు ఏం చేయాలి? బ్యాంక్ అకౌంట్లో డబ్బులు ఉంటే పర్వాలేదు. లేకపోతే? బంధువులను లేదంటే స్నేహితులను అడిగి రుణం తీసుకోవాలి. ఒకవేళ వాళ్లు కూడా చేతులు ఎత్తేస్తే? మరి ఏం చేయాలి? మన పరిస్థితేంటి?
ఐదు ఆప్షన్లు
భయపడాల్సిన, బాధపడాల్సిన అవసరం లేదు. ఇలాంటి ప్రతికూల సందర్భాల్లో మీరు త్వరితగతిన డబ్బులు పొందేందుకు ఐదు ఆప్షన్లు అందుబాటులో ఉన్నాయి. వీటితో సమస్యను గట్టేక్కవచ్చు. అవేంటో చూద్దాం..
మీకు డబ్బు అవసరం అయితే బ్యాంక్కు వెళ్లి పర్సనల్ లోన్ కోసం అప్లై చేసుకోవచ్చు. రూ.30,000 నుంచి రూ.5 లక్షల వరకు లోన్ తీసుకోవచ్చు. చాలా బ్యాంకులు, ఆన్లైన్ లెండింగ్ ప్లాట్ఫామ్స్ పర్సనల్ లోన్స్ అందిస్తున్నాయి. సాధారణంగా పర్సనల్ లోన్స్పై వడ్డీ రేటు ఎక్కువగా ఉంటుందనే విషయాన్ని గుర్తు పెట్టుకోవాలి.
క్రెడిట్ కార్డుపై కూడా లోన్ తీసుకోవచ్చు. మీ వద్ద క్రెడిట్ కార్డు ఉంటే ఈ ఫెలిసిటీని ఉపయోగించుకోవచ్చు. ఇది ప్రిఅప్రూవ్డ్ లోన్స్. అంటే క్రెడిట్ కార్డు జారీ చేసే సంస్థ మీ క్రెడిట్ హిస్టరీ, క్రెడిట్ లిమిట్ ప్రాతిపదికన ఈ రుణాలను ఆఫర్ చేస్తోంది. ఈ తరహా రుణాలపై వడ్డీ రేటు 12 శాతం నుంచి 24 శాతం మధ్యలో ఉండొచ్చు. బ్యాంక్ ప్రాతిపదికన వడ్డీరేటు మారుతుంది.
దేశంలో ఇప్పుడు ఇన్స్టంట్ లోన్స్కు డిమాండ్ బాగా ఉంది. యువత నుంచి వీటికి ఎక్కువగా ఆదరణ లభిస్తోంది. పర్సనల్ లోన్స్కు, ఇన్స్టంట్ లోన్స్ మధ్య ఉన్న ప్రధాన వ్యత్యాసం రుణ మొత్తం. ఇన్స్టంట్ లోన్స్ ద్వారా తక్కువ మొత్తాన్ని మాత్రమే రుణం కింద పొందొచ్చు. ఒక్క రోజులోనే రుణం తీసుకోవచ్చు. లోన్ కోసం శాలరీ స్లిప్, పాన్ కార్డు, బ్యాంక్ అకౌంట్ వంటి అవసరమైన డాక్యుమెంట్లను అప్లోడ్ చేస్తే సరిపోతుంది.
పబ్లిక్ ప్రావిడెంట్ ఫండ్ (పీపీఎఫ్) అకౌంట్పై కూడా స్వల్ప కాల రుణాలు తీసుకోవచ్చు. అయితే దీనికి కొన్ని షరతులు ఉన్నాయి. ఉదాహరణకు మీరు పీపీఎఫ్పై లోన్ తీసుకోవాలని భావిస్తే.. మీరు అకౌంట్ ఓపెన్ చేసి మూడేళ్లు పూర్తి కావాలి. అలాగే అకౌంట్లోని డబ్బుపై 25 శాతం వరకే రుణం లభిస్తుంది. తీసుకున్న రుణాన్ని మూడేళ్లలోపు మళ్లీ తీర్చేయాల్సి ఉంటుంది. దీని కోసం మీరు పీపీఎఫ్ పాస్బుక్తోపాటు ఫామ్ డీ డాక్యుమెంట్ అందించాలి.
సేవింగ్స్, ఇన్సూరెన్స్పై కూడా లోన్స్ తీసుకువచ్చు. ఈ తరహా రుణాలను డిమాండ్ లోన్స్ అని కూడా పిలుస్తారు. బ్యాంకులు, ఎన్బీఎఫ్సీలు ఇలాంటి రుణాలను అందిస్తున్నాయి. నేషనల్ సేవింగ్స్ సర్టిఫికెట్స్ (ఎన్ఎస్సీ), ఇన్సూరెన్స్ పాలసీలపై రుణం పొందొచ్చు. మీ సేవింగ్స్ ఇన్స్ట్రుమెంట్ మెచ్యూరిటీ మొత్తంపై ఆధారపడి లోన్ అమౌంట్ మారుతుంది. మెచ్యూరిటీ మొత్తంపై 60-70 శాతం వరకు మొత్తాన్ని రుణం రూపంలో తీసుకోవచ్చు. కొన్ని బ్యాంకులు 90 శాతం రుణాన్ని అందిస్తున్నాయి.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.