Hiring: ఆర్థిక మాంద్యం భయాలు.. మంచి డిమాండ్ ఉన్న 5 ఉద్యోగాలు ఇవే.. మీరేం చేస్తున్నారు?

Hiring: ఆర్థిక మాంద్యం ముంచుకొస్తున్న ప్రస్తుత సమయంలో.. అందరు ఉద్యోగుల్లోనూ ఒకటే భయం. తమ ఉద్యోగం ఉంటుందా? ఊడుతుందా? అని బిక్కుబిక్కుమంటూ గడుపుతున్నారు. కారణం.. ఇటీవలి కాలంలో కంపెనీలు రాబోయే మాంద్యం పరిస్థితుల్ని ముందే పసిగట్టి.. ఉద్యోగుల్ని తగ్గించుకుంటున్నాయి. తద్వారా లాభదాయకంగా మారొచ్చని భావిస్తున్నాయి. ఈ సంవత్సరం ఇప్పటికే అమెజాన్, ట్విట్టర్, మెటా, మైక్రోసాఫ్ట్ వంటి దిగ్గజ కంపెనీలు కూడా ఉద్యోగులను పీకేశాయి. దీంతో ఇతరుల్లోనూ ఇవే భయాలు ఉన్నాయి. కాబట్టి.. ఎలాంటి రిస్క్ లేని, భయం లేని, ప్రస్తుత కాలంలోనూ మంచి డిమాండ్ ఉన్న ఉద్యోగాలు ఏంటో ఇప్పుడు మనం చూద్దాం.

డిజిటల్ మార్కెటింగ్ స్ట్రేటజిస్ట్, బిజినెస్ అనలిస్ట్, కంటెంట్ మేనేజర్స్, వెల్త్ మేనేజ్‌మెంట్ ఎక్స్‌పర్ట్, మార్కెట్ రీసెర్చ్ అనలిస్ట్ ఈ ఐదు రకాల ఉద్యోగాలు.. ఈ సంవత్సరంలో మంచి డిమాండ్ ఉన్న నాన్ టెక్/ఐటీ ఉద్యోగాలు. ఈ మేరకు ఫౌండ్‌ఇట్ సీఈఓ శేఖర్ గరిసా తన అభిప్రాయాలను చెప్పారు.


Best Credit Card: మీకు సరైన క్రెడిట్ కార్డును ఎలా ఎంపిక చేసుకోవాలో ఇక్కడ చూడండి..! SBI Cards Rent Payments: బ్యాడ్‌న్యూస్.. ఎస్‌బీఐ బాదుడే బాదుడు.. ఏకంగా 100 శాతం పెరిగిన ఛార్జీలు!
Digital Marketing Strategist: పెరుగుతున్న డిజిటలైజేషన్, ఇంటర్నెట్ విస్తరణ నేపథ్యంలో.. డిజిటల్ మార్కెటింగ్ స్ట్రాటజీలు రచించే వారికి అంటే డిజిటల్ మార్కెటింగ్ స్ట్రాటజిస్ట్‌లకు డిమాండ్ విపరీతంగా ఉందని శేఖర్ చెప్పారు. ఇది డిజిటల్ మీడియాలో కీలకంగా ఉందని చెప్పుకొచ్చారు.

Business Analyst: గత రెండేళ్లుగా డిమాండ్ విపరీతంగా పెరిగిన ఉద్యోగాల్లో బిజినెస్ అనలిస్ట్ కూడా ఒకటి. ఇది 2026 సంవత్సరం కల్లా 14.3 శాతం వరకు పెరగొచ్చని తెలుస్తోంది. ఇలా ఫౌండ్‌ఇట్ అనలిసిస్‌లో తేలింది.

Content Managers: మంచి డిమాండ్ ఉన్న ఉద్యోగాల్లో కంటెంట్ మేనేజర్లు కూడా ఒకటి. గతేడాదితో పోలిస్తే దీనికి 8 శాతం డిమాండ్ పెరిగింది. ఇదే విధంగా ప్రస్తుత సంవత్సరం కూడా విస్తరిస్తుందని చెప్పారు శేఖర్.

Wealth Management Expert: వెల్త్ మేనేజ్‌‌మెంట్ ఎక్స్‌పర్ట్స్‌ ఉద్యోగాలు కూడా 2022లో ఏకంగా 11 శాతం వృద్ధి నమోదు చేశాయని ఫౌండ్‌ఇట్ అనలిసిస్‌లో తేలింది.

Market Research Analyst: ఇక చివరగా మార్కెట్ రీసెర్చ్ అనలిస్ట్.. ప్రస్తుతం ఏ బిజినెస్‌లో అయినా.. ఇది కీలకం. అందుకే దీనికి కూడా తెగ డిమాండ్ ఉంది. ఇక ఇదే సమయంలో దేశంలో మార్కెట్ రీసెర్చ్ సంస్థలు కూడా కుప్పలుకుప్పలుగా వెలుస్తున్నాయి.

Adani Enterprises: అదానీ కంపెనీ అదరగొట్టింది.. వందల కోట్ల లాభం.. వేల కోట్ల ఆదాయం.. కళ్లు చెదిరేలా ఫలితాలు!

• Read Latest Business News and Telugu News