Homebuyers Alert! Avoid This Massive Mistake While Applying For A Housing Loan
హోమ్ లోన్ తీసుకుంటున్నారా? ఈ తప్పు ఎప్పటికీ చేయొద్దు.. లేదంటే మీ ఫ్యామిలీకి డేంజర్!
ప్రతి ఒక్కరికీ దాదాపు సొంతింటి కల ఉండనే ఉంటుంది. నచ్చిన విధంగా ఇల్లు కట్టుకోవాలని చాలా మంది భావిస్తారు. అయితే సొంతిటి కల అందరికీ సాకారం కాకపోవచ్చు. అందరి వద్ద డబ్బు ఉండకపోవచ్చు. ఇంటి వ్యవహారం చాలా పెద్ద మొత్తంతో కూడుకున్న పని. అందుకే చాలా మంది ఇంటి కోసం రుణం తీసుకుంటారు.
Samayam Telugu14 Jan 2020, 12:59 pm
ప్రతి ఒక్కరికీ దాదాపు సొంతింటి కల ఉండనే ఉంటుంది. నచ్చిన విధంగా ఇల్లు కట్టుకోవాలని చాలా మంది భావిస్తారు. అయితే సొంతిటి కల అందరికీ సాకారం కాకపోవచ్చు. అందరి వద్ద డబ్బు ఉండకపోవచ్చు. ఇంటి వ్యవహారం చాలా పెద్ద మొత్తంతో కూడుకున్న పని. అందుకే చాలా మంది ఇంటి కోసం రుణం తీసుకుంటారు.
ఆప్షన్లు చాలానే
బ్యాంకులు, ఇతర ఆర్థిక సంస్థలు హోమ్ లోన్స్ అందిస్తున్నాయి. కస్టమర్లకు ఇప్పుడు మార్కెట్లో చాలా ఆప్షన్లు అందుబాటులో ఉన్నాయి. అయితే హోమ్ లోన్ తీసుకునే ముందు పలు అంశాలను గమనించాలి. వడ్డీ రేట్లకు ఎక్కువ ప్రాధాన్యం ఇవ్వాలి. అలాగే ప్రాసెసింగ్ ఫీజు, ప్రిపేమెంట్ చార్జీలు ఇలా పలు అంశాలపై కూడా కన్నేయాలి.
ఇతర లెండర్లతో పోలిస్తే దేశీ దిగ్గజ బ్యాంక్ అయిన స్టేట్ బ్యాంక్ ఆఫ్ ఇండియా (ఎస్బీఐ) తక్కువ వడ్డీకే హోమ్ లోన్స్ అందిస్తోంది. 2020 జనవరి 1 నుంచి ఎస్బీఐ హోమ్ లోన్ వడ్డీ రేట్లు గమనిస్తే.. రూ.30 లక్షలలోపు వరకు రుణానికి వడ్డీ రేట్లు 7.9 శాతం నుంచి ప్రారంభమౌతున్నాయి. రూ.30 లక్షలు నుంచి రూ.75 లక్షల వరకు హోమ్ లోన్స్పై వడ్డీ రేటు 8.2 శాతం నుంచి ప్రారంభమౌతుంది. అదే రూ.75 లక్షలకు పైన హోమ్ లోన్స్కు వడ్డీ రేటు 8.3 శాతంగా ఉంది.
హోమ్ లోన్స్ పెద్ద మొత్తంతో కూడుకున్న వ్యవహరం కనుక లోన్ తీసుకునే సమయంల ఇన్సూరెన్స్ కూడా తీసుకోవడం మంచిది. ఒకవేళ హోమ్ లోన్ తీసుకున్న వ్యక్తి మరణిస్తే.. అప్పుడు వారి పిల్లలు తీసుకున్న రుణ మొత్తాన్ని తిరిగి చెల్లించాల్సి ఉంటుంది. రుణం తీసుకున్న వ్యక్తి ఆ మొత్తాన్ని పూర్తిగా చెల్లించకపోతేనే ఇక్కడ ఇబ్బందులు ఎదురవుతాయి.
ఇంటి కోసం తీసుకున్న రుణం పెద్ద మొత్తంలో ఉంటుంది. అందువల్ల ఒకవేళ రుణం తీసుకున్న వ్యక్తి మరణిస్తే.. అప్పుడు వారి పిల్లలు ఈ మొత్తాన్ని చెల్లించలేని పరిస్థితుల్లో ఉండొచ్చు. అప్పుడు వారిపై తీవ్ర ప్రతికూల ప్రభావం పడుతుంది. కష్టాలు ఎదుర్కోవలసి వస్తుంది.
పిల్లలను కష్టాల్లోకి నెట్టకుండా ఉండాలంటే హోమ్ లోన్ తీసుకున్న వ్యక్తి ఆరంభంలోనే లోన్కు ఇన్సూరెన్స్ తీసుకోవడం ఉత్తమమైన మార్గం. ముంబైకి చెందిన ట్యాక్స్ అండ్ ఇన్వెస్ట్మెంట్ నిపుణలు బల్వంత్ జైన్ మాట్లాడుతూ.. ఆర్థిక అవసరాల కోసం ముందుగానే లైఫ్ ఇన్సూరెన్స్ పాలసీ తీసుకుంటే మంచిదన్నారు. హోమ్ లోన్ తీసుకునే సమయంలో కచ్చితంగా లైఫ్ ఇన్సూరెన్స్ పాలసీ కలిగి ఉంటే మంచిదని సూచించారు. అప్పుడు పిల్లలపై ప్రభావం ఉండదని తెలిపారు. లేదంటే కుటుంబం డేంజర్ జోన్లోకి వెళ్లొచ్చని పేర్కొన్నారు.
హోమ్ లోన్ తీసుకున్న కస్టమర్ ఒకవేళ అనుకోకుండా మరణిస్తే.. అప్పుడు ఇన్సూరెన్స్ పాలసీ ఉపయుక్తంగా ఉంటుందని ఆయన తెలిపారు. లోన్ తీసుకున్న వ్యక్తి చనిపోయినప్పుడు ఇన్సూరెన్స్ కంపెనీ చెల్లించకుండా మిగిలిపోయిన రుణ మొత్తాన్ని కట్టేస్తుందని పేర్కొన్నారు.
ఎప్పుడు ఎలాంటి ఘటనలు జరుగుతాయో తెలీదని చాలా మంది ముందుగానే ఒక లైఫ్ ఇన్సూరెన్స్ పాలసీ తీసుకొని ఉంటారు. గతంలో లైఫ్ ఇన్సూరెన్స్ పాలసీ తీసుకున్న కూడా హోమ్ లోన్ తీసుకుంటే మరో కొత్త పాలసీ తీసుకోవడం మంచిదని బల్వంత్ జైన్ తెలిపారు. పాలసీ తీసుకోవడం వల్ల మీరు కుటుంబ సభ్యుల మధ్యన లేకపోయినప్పటికీ వారికి ప్రయోజనం కలుగుతుందని పేర్కొన్నారు.
చాలా సందర్భాల్లో కస్టమర్లు హోమ్ లోన్ తీసుకుంటే.. బ్యాంకులే వారికి ఆ హోమ్ లోన్ కవర్ అయ్యేలా ఇన్సూరెన్స్ పాలసీని అందిస్తుంది. అంటే బ్యాంకులు ఇన్సూరెన్స్ కంపెనీలో భాగస్వామ్యం కుదుర్చుకొని ఉంటాయి. వాటి ద్వారా మీ హోమ్ లోన్ కవర్ అయ్యేలా ఇన్సూరెన్స్ పాలసీ అందజేస్తాయి. అయితే మీకు బ్యాంక్ ఇన్సూరెన్స్ పాలసీ నచ్చకపోతే.. బయట ఇతర కంపెనీల నుంచి కూడా పాలసీ తీసుకోవచ్చు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.