How To Withdraw From Epf Account For Home Loan Repayment
బ్యాంక్ లోన్ కట్టేందుకు PF డబ్బులు ఎలా విత్డ్రా చేసుకోవాలి? పూర్తి వివరాలు!
పీఎఫ్ అకౌంట్ గురించి ప్రత్యేకంగా చెప్పాల్సిన అవసరం లేదు. ఉద్యోగులకు ఈపీఎఫ్ ఖాతా గురించి తెలిసే ఉంటుంది. ఉద్యోగుల వారి వేతనంలో కొంత మొత్తాన్ని ప్రతి నెలా పీఎఫ్ ఖాతాలో దాచుకోవచ్చు. దీంతో రిటైర్మెంట్ సమయంలో భారీ మొత్తాన్ని పొందొచ్చు. ఉద్యోగి జీతంలో (బేసిక్, డీఏ) 12 శాతం పీఎఫ్ అకౌంట్కు వెళ్లిపోతుంది. కంపెనీ కూడా ఇదే మొత్తాన్ని ఉద్యోగి పీఎఫ్ అకౌంట్కు జమ చేస్తుంది. ఇందులో 8.33 శాతం ఎంప్లాయీస్ పెన్షన్ స్కీమ్ (ఈపీఎస్)కు వెళ్తుంది. ఇక మిగతా మొత్తం పీఎఫ్ ఖాతాలో జమవుతాయి.
Samayam Telugu21 Feb 2020, 10:27 am
పీఎఫ్ అకౌంట్ గురించి ప్రత్యేకంగా చెప్పాల్సిన అవసరం లేదు. ఉద్యోగులకు ఈపీఎఫ్ ఖాతా గురించి తెలిసే ఉంటుంది. ఉద్యోగుల వారి వేతనంలో కొంత మొత్తాన్ని ప్రతి నెలా పీఎఫ్ ఖాతాలో దాచుకోవచ్చు. దీంతో రిటైర్మెంట్ సమయంలో భారీ మొత్తాన్ని పొందొచ్చు. ఉద్యోగి జీతంలో (బేసిక్, డీఏ) 12 శాతం పీఎఫ్ అకౌంట్కు వెళ్లిపోతుంది. కంపెనీ కూడా ఇదే మొత్తాన్ని ఉద్యోగి పీఎఫ్ అకౌంట్కు జమ చేస్తుంది. ఇందులో 8.33 శాతం ఎంప్లాయీస్ పెన్షన్ స్కీమ్ (ఈపీఎస్)కు వెళ్తుంది. ఇక మిగతా మొత్తం పీఎఫ్ ఖాతాలో జమవుతాయి.
పీఎఫ్ ముందే విత్డ్రా చేసుకోవచ్చు..
పీఎఫ్ డబ్బును రిటైర్మెంట్ కన్నా ముందుగానే విత్డ్రా చేసుకోవచ్చు. అయితే దీనికి కొన్ని షరతులు వర్తిస్తాయి. అది కూడా మీరు సర్వీస్ ఐదేళ్లు దాటిన తర్వాతనే పీఎఫ్ విత్డ్రా చేసుకుంటే మంచిది. లేదంటే ట్యాక్స్ చెల్లించాల్సి వస్తుంది. అనారోగ్యం, పిల్లల చదువు, ఇంటి కోసం, పెళ్లి వంటి పలు అవసరాలకు పీఎఫ్ డబ్బును విత్డ్రా చేసుకునే ఆప్షన్ ఉంది. తీసుకున్న హోమ్ లోన్ను కట్టేందుకు కూడా పీఎఫ్ అకౌంట్ నుంచి డబ్బులు తీసుకోవచ్చు. లోన్ రీపేమెంట్ కోసం పీఎఫ్ అకౌంట్ నుంచి డబ్బులు ఎలా విత్డ్రా చేసుకోవాలో ఒకసారి చూద్దాం..
ఉద్యోగి పీఎఫ్ అకౌంట్లోని డబ్బుల్లో లోన్ రీపేమెంట్ కోసం ఏకంగా 90 శాతం వరకు వెనక్కి తీసుకోవచ్చు. ఎంప్లాయీస్ ప్రావిడెంట్ ఫండ్ యాక్ట్ 1952లోని సెక్షన్ 68బీబీ ప్రకారం.. ప్రత్యేక సందర్భాల్లో లోన్ రీపేమెంట్ కోసం పీఎఫ్ డబ్బులు విత్డ్రా చేసుకునే వెసులుబాటు ఉంది. ఇంటి కొనుగోలు కోసం లోన్ తీసుకోవడం, ఇంటి నిర్మాణం వంటి అవసరాల కోసం కూడా పీఎఫ్ డబ్బును విత్డ్రా చేసుకోవచ్చు. దీంతో పీఎఫ్ సబ్స్క్రైబర్లు అవసరం వచ్చినప్పుడు ఈ ఆప్షన్ను ఉపయోగించుకోవచ్చు.
పీఎఫ్ డబ్బులు విత్డ్రా చేసుకోవాలని భావిస్తే.. ఒక షరతు మాత్రం ఉంది. ఉద్యోగి సర్వీస్ కచ్చితంగా 10 ఏళ్లు దాటాలి. అంటే పీఎఫ్ అకౌంట్కు కంట్రిబ్యూషన్ గత పదేళ్ల నుంచి జరుగుతూ ఉండాలనే విషయాన్ని ఇక్కడ మనం అర్థం చేసుకోవాలి. అలాగే ఉద్యోగి పీఎఫ్ కంట్రిబ్యూషన్ మొత్తం కూడా రూ.1,000కు పైన ఉండాలి. అందువల్ల ఇలాంటి ఉద్యోగులకు మాత్రమే లోన్ రీపేమెంట్ కోసం పీఎఫ్ అకౌంట్ నుంచి 90 శాతం వరకు డబ్బును విత్డ్రా చేసుకోవడానికి అవకాశం ఉంటుంది.
పీఎఫ్ అకౌంట్ నుంచి డబ్బులను ఆన్లైన్లో లేదా ఆఫ్లైన్లో అంటే రెండు మార్గాల్లో విత్డ్రా చేసుకోవచ్చు. ఎవరైతే ఆఫ్లైన్ మార్గంలో డబ్బులు విత్డ్రా చేసుకోవాలని భావిస్తున్నారో.. వారు అప్లికేషన్ సమర్పించాల్సి ఉంటుంది. పీఎఫ్ సబ్స్క్రైబర్లు ఈపీఎఫ్వో వెబ్సైట్కు వెల్లి క్లెయిమ్ ఫామ్ను డౌన్లోడ్ చేసుకోవచ్చు. ఇక్కడ మీరు ఒక విషయాన్ని గుర్తు పెట్టుకోవాలి. ఆధార్, నాన్ ఆధార్ అనే రెండు రకాల క్లెయిమ్ ఫామ్స్ ఉన్నాయి. ఆధార్ కార్డు నెంబర్ పీఎఫ్ అకౌంట్తో లింక్ అయితే ఆధార్ ఫామ్ను, లేదంటే నాన్ ఆధార్ ఫామ్ను ఉపయోగించాల్సి ఉంటుంది.
పీఎఫ్ డబ్బును ఆన్లైన్లో కూడా విత్డ్రా చేసుకోవచ్చు. ఆన్లైన్లో పీఎఫ్ విత్డ్రా చాలా సులభం. కూర్చున్న చోటు నుంచి క్లెయిమ్ కోసం అప్లై చేసుకోవచ్చు. ఈపీఎఫ్వో వెబ్సైట్కు వెళ్లి పీఎఫ్ విత్డ్రా చేయాలి. అయితే ఇక్కడ యూనివర్సల్ అకౌంట్ నెంబర్ (యూఏఎన్) కచ్చితంగా యాక్టివ్లో ఉండాలి. అలాగే రిజిస్టర్డ్ మొబైల్ నెంబర్ కూడా పనిచేయాలి. యూఏఎన్ నెంబర్ ఆధార్ కార్డుతో, పాన్ కార్డుతో, బ్యాంక్ అకౌంట్ వివరాలతో లింక్ అయ్యి ఉండాల్సిందే. అప్పుడు ఆన్లైన్లో పీఎఫ్ డబ్బులు తీసుకోవచ్చు.
ఇప్పుడు ఈపీఎఫ్వో వెబ్సైట్కు వెళ్లాలి. అక్కడ యూఏఎన్ నెంబర్, పాస్వర్డ్, క్యాప్చా సాయంతో లాగిన్ అవ్వాలి. తర్వాత మేనేజ్ ఆనే ఆప్షన్లోకి వెళ్లాలి. తర్వాత కేవైసీ అనే ఆప్షన్ సెలెక్ట్ చేసుకోవాలి. ఇక్కడ ఆధార్, పాన్ నెంబర్, బ్యాంక్ వివరాలను వెరిఫై చేసుకోవాలి. వివరాలు అన్నీ వెరిఫై చేసుకున్న తర్వాత ఆన్లైన్ సర్వీసెస్ అనే ఆప్షన్లోకి వెళ్లాలి. ఇక్కడ ఫామ్ 31, 19, 10సీ అనే ఫామ్ను ఎంపిక చేసుకోవాలి. ఇప్పుడ ఉద్యోగి పేరు, నాన్న పేరు, పుట్టిన తేదీ, మొబైల్ నెంబర్, ఆధార్ నెంబర్, పాన్ నెంబర్, ఐఎఫ్ఎస్సీ కోడ్, బ్యాంక్ బ్రాంచ్ పేరు, అడ్రస్ వంటి వివరాలు కనిపిస్తాయి.
ఇప్పుడు మీరు బ్యాంక్ అకౌంట్ చివరి నాలుగు అక్షరాలు ఎంటర్ చేయాలి. తర్వాత మీకు సర్టిఫికెట్ ఆఫ్ అండర్టేకింగ్ అనే మెసేజ్ కనిపిస్తుంది. యస్పై క్లిక్ చేయాలి. తర్వాత ప్రొసీడ్పై క్లిక్ చేసి క్లెయిమ్ ఆప్షన్ ఎంచుకోవాలి. అటుపైన పీఎఫ్ అడ్వాన్స్ ఫామ్ ఎంపిక చేసుకొని ఎందుకు విత్డ్రా చేసుకుంటున్నారో కారణం తెలియజేయాలి. తర్వాత సర్టిఫికెట్ను సెలెక్ట్ చేసి అప్లికేషన్ను సబ్మిట్ చేయాలి. ఇప్పుడు మీ క్లెయిమ్ రిక్వెస్ట్ ఈపీఎఫ్వో అధికారులకు వెళ్తుంది. పీఎఫ్ క్లెయిమ్ స్టేటస్ కూడా ఆన్లైన్లోనే తెలుసుకోవచ్చు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.