Hyderabad Property Sales: హైదరాబాద్‌లో ఇళ్లను తెగ కొంటున్న జనం.. ఇతర మెట్రో సిటీలను మించిన డిమాండ్.. ఎందుకో తెలుసా?
Property Sales: ఇళ్ల అమ్మకాల్లో హైదరాబాద్ దూకుడు పెంచుతోంది. నివాస గృహాలను విక్రయించడం సహా నూతన ప్రాజెక్టులను ప్రారంభించడంలో హైదరాబాద్.. దేశంలోని ఇతర మెట్రో నగరాలతో పోలిస్తే అత్యంత మెరుగైన స్థానంలో ఉందంట. ఈ సంవత్సరం ముంబయి, బెంగళూరును కూడా అధిగమించింది.
Hyderabad Housing Sales: హైదరాబాద్ మహానగరంలో రియల్ ఎస్టేట్ పుంజుకుంటోంది. దీనికి ఎన్నో కారణాలు ఉన్నాయి. ఫస్ట్ రేట్ ఇన్‌ఫ్రాస్ట్రక్చర్, ఐటీ పరిశ్రమ ఊపందుకుంటుండటం, యువ నిపుణుల జనాభా అంతకంతకూ పెరుగుతుండటం ఇలా ఎన్నో ఉన్నాయి. దీంతో రియల్ ఎస్టేట్ (Real Estate) రంగంలో రారాజుగా మరోసారి సత్తా చాటింది హైదరాబాద్. 2022 క్యాలెండర్ సంవత్సరంలో.. రెసిడెన్షియల్ ప్రాపర్టీ అంటే నివాస గృహాల విక్రయాల్లోనూ, కొత్త ప్రాజెక్టుల ప్రారంభంలోనూ హైదరాబాద్ టాప్-3లో నిలిచింది. ఇతర మెట్రో నగరాల కంటే హైదరాబాద్ మెరుగైన స్థానంలో ఉండటం విశేషం. ముంబయి, బెంగళూరును.. మన భాగ్యనగరం అధిగమించడం విశేషం. ఈ మేరకు లీడింగ్ రియల్ ఎస్టేట్ కన్సల్టెన్సీ ప్రాప్‌ఈక్విటీ (PropEquity) ఒక రిపోర్ట్‌లో వెల్లడించింది.
Samayam Telugu
ప్రాప్‌ఈక్విటీ ప్రకారం.. హైదరాబాద్‌లో 66 వేల 683 నూతన యూనిట్లు ప్రారంభమయ్యాయి. ఇది బెంగళూరు, ముంబయి సంఖ్యలతో పోలిస్తే చాలా ఎక్కువ. చెన్నై కూడా హైదరాబాద్ కంటే వెనుకే ఉంది. ఇందులో 81,849 యూనిట్ల ప్రారంభోత్సవంతో థాణె మొదటి స్థానంలో ఉండగా.. 69,525 యూనిట్ల లాంఛ్‌తో పుణె రెండో స్థానంలో ఉంది. హైదరాబాద్ మూడో స్థానంలో నిలిచింది.
ఇక రెసిడెన్షియల్ ప్రాపర్టీల అంటే నివాస గృహాల అమ్మకాల్లో దేశవ్యాప్తంగా చూస్తే.. మాత్రం ముంబయి తొలి స్థానంలో నిలవగా హైదరాబాద్ రెండో స్థానం సంపాదించింది. ఇది మెట్రో నగరాల్లో చూసుకుంటే.
2022 సంవత్సరంలో Tier-1 నగరాల్లోని నివాస గృహాల అమ్మకాలు.. టైర్-2 నగరాల కంటే 250 శాతం ఎక్కువగా నమోదైనట్లు వెల్లడించారు ప్రాప్‌ఈక్విటీ వ్యవస్థాపకుడు, మేనేజింగ్ డైరెక్టర్ సమీర్ జసుజా. టైర్-1 నగరాల్లో ఇది మొత్తంగా 4.53 లక్షల యూనిట్ల అమ్మకాలు జరగ్గా.. టైర్-2 నగరాల్లో ఈ సంఖ్య 1.83 లక్షలు ఉన్నట్లు చెప్పారు. టైర్-2 నగరాలతో చూసుకుంటే.. టైర్ 1 నగరాల్లో మెరుగైన జీవన ప్రమాణాలు, మెరుగైన మౌలిక సదుపాయాలు అమ్మకాలు ఎక్కువగా జరగడానికి కారణమని వివరించారు.
ఇక తెలంగాణ రాజధాని నగరంలో రియల్ ఎస్టేట్ వృద్ధి చెందడానికి.. రాష్ట్ర ప్రభుత్వం కల్పిస్తున్న మౌలిక వసతులు కూడా ప్రధాన కారణంగా చెప్పిందీ రియల్ ఎస్టేట్ కంపెనీ. కొనుగోలుదారులు ఇంకా ఆసక్తి చూపిస్తున్న నేపథ్యంలో హైదరాబాద్‌లో రానున్న రోజుల్లో ఈ రెసిడెన్షియల్ ప్రాపర్టీలకు మరింత డిమాండ్ ఉంటుందని, ఈ నేపథ్యంలోనే విక్రయాలు మరింత రికార్డు స్థాయిలో జరిగే అవకాశాలు ఉన్నాయని చెబుతున్నారు సమీర్. ఇక కరోనా నేపథ్యంలో రెండు మూడేళ్లు రియల్ ఎస్టేట్‌పై పెద్ద ప్రభావం పడింది. కానీ.. కరోనా పరిస్థితులు తగ్గుముఖం పట్టిన తర్వాత మళ్లీ రియల్ ఎస్టేట్ మునుపటి స్థాయికి చేరుకున్నట్లు అనిపిస్తోందని చెబుతున్నారు నిపుణులు. Hyderabad Hitech City లో బోర్డు తిప్పేసిన Software Company.. ఉద్యోగాల పేరిట భారీ మోసం.. ఎలా నమ్మించారో తెలుసా?
తూనం పూర్ణ చందర్ సమయం తెలుగులో డిజిటల్ కంటెంట్ ప్రొడ్యూసర్‌గా పనిచేస్తున్నారు. ఇక్కడ రోజూ బిజినెస్ రంగానికి సంబంధించిన వార్తలు రాస్తుంటారు. పర్సనల్ ఫైనాన్స్, ఇన్వెస్ట్‌మెంట్స్, మ్యూచువల్ ఫండ్స్, స్టాక్ మార్కెట్లు, బంగారం వెండి ధరలపై ఎప్పటికప్పుడు అప్‌డేట్లు అందిస్తుంటారు. పూర్ణచందర్‌కు జర్నలిజంలో ఐదేళ్లకుపైగా అనుభవం ఉంది. గతంలో ప్రముఖ మీడియా సంస్థల్లో బిజినెస్, నేషనల్, స్పోర్ట్స్ డెస్కుల్లో పనిచేశారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
