Hyundai Offering Discounts Of Up To Rs 2 Lakh This Month On Tucson, Creta
బంపరాఫర్.. కారు కొంటే ఏకంగా రూ.2 లక్షల డిస్కౌంట్!
కొత్తగా కారు కొందామని ప్లాన్ చేస్తున్నారా? అయితే మీకు అదిరిపోయే ఆఫర్ అందుబాటులో ఉంది. ప్రముఖ కార్ల తయారీ కంపెనీ హ్యుందాయ్ మోటార్ ఇండియా సూపర్ ఆఫర్లు ప్రకటించింది. పలు మోడళ్లపై ఆకర్షణీయ డీల్స్ అందిస్తోంది.
Samayam Telugu6 Dec 2019, 2:15 pm
కొత్తగా కారు కొందామని ప్లాన్ చేస్తున్నారా? అయితే మీకు అదిరిపోయే ఆఫర్ అందుబాటులో ఉంది. ప్రముఖ కార్ల తయారీ కంపెనీ హ్యుందాయ్ మోటార్ ఇండియా సూపర్ ఆఫర్లు ప్రకటించింది. పలు మోడళ్లపై ఆకర్షణీయ డీల్స్ అందిస్తోంది.
ఏ ఏ కార్లపై ఆఫర్లు
హ్యుందాయ్ మోటార్ ఇండియా పలు కార్లపై డిస్కౌంట్ ఆఫర్లు అందిస్తోంది. శాంట్రో, గ్రాండ్ ఐ10, ఎలైట్ ఐ20 వంటి హ్యాచ్బ్యాక్ కార్లపై ఆకర్షణీయ డీల్స్ ఉన్నాయి. అలాగే క్రెటా, టస్కన్ వంటి ఎస్యూవీలపై కూడా బంపరాఫర్లు పొందొచ్చు. అయితే హ్యుందాయ్ వెన్యూ, కోన ఈవీ వంటి మోడళ్లపై మాత్రం ఎలాంటి ఆఫర్లు లేవు.
కొత్తగా కారు కొనాలనుకునే వారు హ్యుందాయ్ కార్లపై ఏకంగా రూ.2 లక్షల వరకు బెనిఫిట్స్ పొందొచ్చు. డిస్కౌంట్ ప్రయోజనాలతోపాటు మరో అదిరే ఆఫర్ కూడా ఉంది. కంపెనీ తన కార్లను తక్కువ ఈఎంఐకే ఆఫర్ చేస్తోంది. రూ.లక్షకు ఈఎంఐ రూ.1,234 నుంచి ప్రారంభమౌతోంది. దీనికి పలు షరతులు వర్తిస్తాయి.
హ్యుందాయ్ శాంట్రో కారుపై రూ.55,000 వరకు బెనిఫిట్స్ పొందొచ్చు. అదే గ్రాండ్ ఐ10 విషయానికి వస్తే రూ.75,000 వరకు తగ్గింపు ప్రయోజనాలు లభిస్తున్నాయి. గ్రాండ్ ఐ10 నియోస్ మోడల్పై రూ.20 వేల వరకు బెనిఫిట్ పొందొచ్చు.
ఇకపోతే హ్యుందాయ్ ఎలైట్ ఐ20 కారుపై రూ.65,000 వరకు తగ్గింపు ప్రయోజనాలు అందుబాటులో ఉన్నాయి. వెర్నా పెట్రోల్ మోడల్పై రూ.60,000 వరకు ఆదా చేసుకోవచ్చు. ఎస్యూవీ కార్ల విషయానికి వస్తే.. క్రెటా మోడల్పై రూ.95,000 వరకు బెనిఫిట్ పొందొచ్చు. ఇక టస్కన్ మోడల్పై ఏకంగా రూ.2 లక్షల వరకు ప్రయోజనం లభిస్తోంది. ఎక్సెంట్ కారుపై రూ.95,000 వరకు ఆదా చేసుకోవచ్చు.
కంపెనీ ఈ ఏడాది ఇన్వెంటరీని ఖాళీ చేసుకోవాలని భావిస్తోంది. అలాగే అదిరిపోయే ఆఫర్లు అందిస్తోంది. అంతేకాకుండా కార్ల అమ్మకాలను కూడా పెంచుకోవాలని భావిస్తోంది. అందుకే ఈ ఆకర్షణీయ డీల్స్ ఆఫర్ చేస్తోంది. హ్యుందాయ్ కంపెనీ ప్యాసింజర్ వాహన అమ్మకాలు నవంబర్ నెలలో కేవలం 2 శాతం పెరిగాయి. 44,600 యూనిట్లుగా నమోదయ్యాయి. ఇకపోతే కంపెనీ అమ్మకాలు గత కొంత కాలంగా క్రమంగా తగ్గుతూ వస్తున్నాయి.
తగ్గింపు ప్రయోజనాలు ఇలా
డిస్కౌంట్ రేసులో టాటా మోటార్స్
మరోవైపు టాటా మోటార్స్ పలు మోడళ్లపై కళ్లుచెదిరే తగ్గింపు అందిస్తోంది. కాంపాక్ట్ హ్యాచ్బ్యాక్ టియాగో కారుపై మొత్తంగా రూ.75,000 తగ్గింపు లభిస్తోంది. మరోవైపు టిగోర్ కారుపై రూ.లక్ష వరకు ప్రయోజనాలు పొందొచ్చు.
రూ.1.6 లక్షలు తగ్గింపు
సబ్ కాంపాక్ట్ ఎస్యూవీ నెక్సన్ మోడల్పై ఏకంగా రూ.1.07 లక్షల తగ్గింపు అందుబాటులో ఉంది. ఇక హెక్జా మోడల్పై 1.65 లక్షల వరకు బెనిఫిట్ పొందొచ్చు. కాంపాక్ట్ ఎస్యూవీ హారియర్ కారుపై రూ.65,000 వరకు ప్రయోజనాన్ని సొంతం చేసుకోవచ్చు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.