ఐసీఐసీఐ బ్యాంకుకు కొత్త ఛైర్మ‌న్!

ప్రేవేటు రంగ బ్యాంకింగ్ దిగ్గ‌జం ఐసీఐసీఐ బ్యాంక్ కొత్త ఛైర్మ‌న్‌ను నియ‌మించింది. ఆ సంస్థ‌ నాన్‌-ఎగ్జిక్యూటివ్‌ ఛైర్మన్‌ ఎం.కే శర్మ పదవీకాలం రేపటితో ముగియనుంది. దీంతో ఆయన స్థానంలో మాజీ ఐఏఎస్‌ అధికారి గిరీశ్‌ చంద్ర చతుర్వేదిని పార్ట్‌టైమ్‌ ఛైర్మన్‌గా నియమిస్తున్నట్లు ఐసీఐసీఐ బ్యాంక్‌ శుక్రవారం వెల్లడించింది. జులై 1న ఆయన బాధ్యతలు స్వీకరించనున్నారు. మూడేళ్ల కాలానికి చ‌తుర్వేది బాధ్య‌త‌లు నిర్వ‌ర్తిస్తారు. అయితే దీనికి ఇంకా వాటాదారులు అనుమ‌తించాల్సి ఉంది.

‘నాన్‌ ఎగ్జిక్యూటివ్‌ పార్ట్‌టైమ్‌ ఛైర్మన్‌గా గిరీశ్‌ చంద్ర చతుర్వేది నియామకానికి బోర్డు అంగీకరించింది’ అని ఐసీఐసీఐ ఓ ప్రకటనలో తెలిపింది. ఆయ‌న నియామ‌కాన్ని సెబీ అంగీక‌రిస్తుంద‌న్న విశ్వాసాన్ని బ్యాంకు వ్య‌క్తం చేసింది. 1977 బ్యాంచ్‌ ఐఏఎస్‌ అధికారి అయిన చతుర్వేది 2013 జనవరిలో చమురు మంత్రిత్వశాఖ కార్యదర్శిగా పదవీ విమరణ చేశారు.
ఐసీఐసీఐ ప్ర‌స్తుత సీఈవో చందాకొచ్చ‌ర్ ప్ర‌స్తుతం దీర్ఘ‌కాల సెలవులో ఉన్నారు. ఆమె పైన వీడియోకాన్ సంస్థ‌కు నిబంధ‌న‌ల‌కు విరుద్ధంగా రుణాలు ఇచ్చిన విష‌యంలో విచార‌ణ జ‌రుగుతోంది.