రూ. 50కే రోజుకు 1 జీబీ 4జీ డేటా ఆఫర్

జియో ప్రైమ్ గడువు ముగుస్తున్న నేపథ్యంలో ఐడియా సెల్యూలర్ కొత్త ఆఫర్‌ను ప్రకటించింది. రూ. 300 యాడ్ ఆన్ ప్యాక్‌తో రోజుకు 1 జీబీ చొప్పున నెల రోజుల పాటు 4జీ డేటాను అందించనున్నట్లు తెలిపింది. రూ. 349 లేదా అంతకంటే ఎక్కువ రెంటల్ ఉన్న పోస్ట్‌పెయిడ్ కస్టమర్లు రూ. 50 అదనంగా చెల్లించి మూడు నెలలపాటు ఈ ఆఫర్‌‌ను పొందొచ్చని ఐడియా స్పష్టం చేసింది. మూడు నెలల తర్వాత నెలకు రూ. 300 చెల్లిస్తే ఈ సదుపాయాన్ని కొనసాగించుకునే వీలుంది. ఏప్రిల్ 30లోగా కొత్త ప్లాన్లను సబ్‌స్క్రైబ్ చేసుకోవచ్చిన ఐడియా సూచించింది. ఈ ఆఫర్ 4జీ హ్యాండ్‌సెట్లకు మాత్రమే వర్తిస్తుందని ఐడియా స్పష్టం చేసింది.

ఎంపిక చేసిన కస్టమర్లకు రూ. 346 ప్లానులో 28 రోజుల వ్యాలిడిటీతో 28 జీబీ 3జీ డేటా ఆఫర్ చేయాలని ఐడియా భావిస్తోంది. దీంతోపాటు అన్‌లిమిటెడ్ కాల్స్‌ను కూడా సంస్థ అందించనుంది. ఈ ఆఫర్‌లో భాగంగా రోజుకు గరిష్టంగా 1 జీబీ డేటాను మాత్రమే వాడుకునే వీలుంది.