భారత్ సత్తాపై ప్రపంచ బ్యాంక్ ప్రశంసలు

వచ్చే ఐదేళ్లలో భారత్ మరో సిలికాన్ వ్యాలీగా అవతరించనుందని ప్రపంచ బ్యాంకు అభిప్రాయపడింది. సిలికాన్ వ్యాలీ తరహాలో వినూత్న ఆవిష్కరణలకు భారత్ వేదిక అవుతుందని, కాకపోతే దీనికి మరింత శ్రమించాలని వరల్డ్ బ్యాంక్ ఇండియా హెడ్ జునైద్ కమల్ అహ్మద్ తెలిపారు. మధ్య ఆదాయ దేశంగా అవతరించే క్రమంలో ఆవిష్కరణకు మరింత ఊతమిచ్చేలా భారత్ చర్యలు తీసుకోవాలని జునైద్ సూచించారు.

‘మరో ఐదేళ్లలో భారత్ తనకంటూ సిలికాన్ వ్యాలీని అభివృద్ధి చేసుకోగలదు. ప్రపంచం ఎంతో మారుతోంది. భారతీయ సంస్థలు స్థిరంగా అభివృద్ధి చెందాలి. మన దగ్గర ఆవిష్కరణలు, సంస్థల సామర్థ్యం పెరగాల’ని జునైద్ అభిప్రాయపడ్డారు.

‘అభివృద్ధి చెందుతోన్న దేశాలు ఆవిష్కరణలకు ప్రాధాన్యం ఇవ్వాలి. నేషనల్ ఇన్నోవేషన్ సిస్టమ్ అనే భావనను విసర్తించాల’ని వరల్డ్ బ్యాంక్ ఇక్విటబుల్ గ్రోత్ చీఫ్ ఎకనమిస్ట్ విలియమ్ ఎఫ్ మలోనీ సూచించారు.