మధ్యతరగతి ప్రజలు ఎక్కువగా ట్రైన్ జర్నీ చేయడానికి ఇష్టపడతారు. బస్ చార్జీలతో పోలిస్తే ట్రైన్ టికెట్ ధర తక్కువగా ఉండటం, సౌకర్యవంతమైన ప్రయాణం వంటి పలు అంశాలు ఇందుకు ప్రధాన కారణం. అయితే కొన్ని సందర్భాల్లో అనుకోకుండా జర్నీ చేయాల్సి రావొచ్చు. అప్పుడు ట్రైన్ టికెట్లు అందుబాటులో ఉండకపోవచ్చు. ఇలాంటి సమయంలో తత్కాల్ టికెట్లను బుక్ చేసుకోవలసి ఉంటుంది.
Samayam Telugu8 Jan 2020, 12:15 pm
మధ్యతరగతి ప్రజలు ఎక్కువగా ట్రైన్ జర్నీ చేయడానికి ఇష్టపడతారు. బస్ చార్జీలతో పోలిస్తే ట్రైన్ టికెట్ ధర తక్కువగా ఉండటం, సౌకర్యవంతమైన ప్రయాణం వంటి పలు అంశాలు ఇందుకు ప్రధాన కారణం. అయితే కొన్ని సందర్భాల్లో అనుకోకుండా జర్నీ చేయాల్సి రావొచ్చు. అప్పుడు ట్రైన్ టికెట్లు అందుబాటులో ఉండకపోవచ్చు. ఇలాంటి సమయంలో తత్కాల్ టికెట్లను బుక్ చేసుకోవలసి ఉంటుంది.
ఆన్లైన్ లేదా స్టేషన్లలో బుకింగ్ సౌకర్యం
రైల్వే ప్రయాణికుల అత్యవసర జర్నీ కోసం ఇండియన్ రైల్వేస్ తత్కాల్ టికెట్ బుకింగ్ స్కీ్మ్ను అందిస్తోంది. ఐఆర్సీటీసీ వెబ్సైట్ లేదా మొబైల్ యాప్ ద్వారా ప్రయాణికులు తత్కాల్ టికెట్ను బుక్ చేసుకోవచ్చు. లేదంటే ఇండియన్ రైల్వేస్ రిజర్వేషన్ కౌంటర్కు వెళ్లి టికెట్లను బుక్ చేసుకునే సౌకర్యం ఉంది.
సాధారణ ట్రైన్ టికెట్ ధరతో పోలిస్తే తత్కాల్ ట్రైన్ టికెట్ ధర ఎక్కువగా ఉంటుంది. ట్రైన్ టికెట్లు సాధారణంగా స్టేషన్ నుంచి స్టేషన్కు ఇస్తారు. ఇక్కడ ధర కూడా స్టేషన్ నుంచి స్టేషన్ ప్రాతిపదికన ఉంటుంది. అదే తత్కాల్ ట్రైన్ టికెట్ విషయానికి వస్తే.. ఇక్కడ టికెట్ ప్రయాణపు దూరంపై ఆధారపడుతుంది. అందుకే డిస్టెన్స్ నిబంధనలను తత్కాల్ టికెట్లకు వర్తిస్తాయి.
తత్కాల్ ట్రైన్ టికెట్ చార్జీ బేసిక్ ఫేర్పై ఆధారపడి ఉంటుంది. సెకండ్ క్లాస్ టికెట్కు తత్కాల్ ధర బేసిక్ ఫేర్లో 10 శాతం ఎక్కువగా ఉంటుంది. ఇతర క్లాస్లకు 30 శాతం ఎక్కువ భారం పడుతుంది. దీనికి కూడా మినిమమ్, మాగ్జిమమ్ చార్జీలు వర్తిస్తాయి.
తత్కాల్ టికెట్ బుకింగ్ ఉదయం 10 గంటలకు ప్రారంభమౌతుంది. ఇది ఏసీ క్లాస్ తరగతుల ప్రయాణ టికెట్లకు మాత్రమే వర్తిస్తుంది. ఇక నాన్ ఏసీ క్లాస్ తరగతి ప్రయాణానికి తత్కాల్ టికెట్ బుకింగ్ టైమ్ ఉదయం 11 నుంచి ప్రారంభమౌతుంది. మీరు ప్రయాణం చేయాలని భావించే తేదీకి ఒక రోజు ముందు తత్కాల్ టికెట్లను బుక్ చేసుకోవాలి. అంటే ట్రైన్ రేపు బయలుదేరుతుంటే.. ఈ రోజు ఉదయం 11 గంటలకు టికెట్ బుక్ చేసుకోవాలి.
తత్కాల్ ట్రైన్ టికెట్ బుకింగ్ స్కీమ్ కింద ఒక పీఎన్ఆర్ నెంబర్ కింద గరిష్టంగా నాలుగు టికెట్లను మాత్రమే బుక్ చేసుకోగలం. సాధారణంగా అయితే ఆరు టికెట్లను బుక్ చేసుకునే ఛాన్స్ ఉంటుంది.
సాధారణ ట్రైన్ టికెట్ల మాదిరిగా తత్కాల్ ట్రైన్ టికెట్లను క్యాన్సల్ చేసుకోవడం కుదరదు. అయితే ట్రైన్ మూడు గంటలకు పైన ఆలస్యమైతే అప్పుడు టికెట్ రద్దు చేసుకోవచ్చు. లేదంటే ట్రైన్ దారి మారినప్పుడు అంటే వేరే దారిలో ట్రైన్ నడిస్తే.. అలాంటి సందర్భాల్లో కూడా ట్రైన్ టికెట్ డబ్బులను రిఫండ్ పొందొచ్చు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.