టాటా కమ్యూనికేషన్స్ ప్రెసిడెంట్‌గా జేమ్స్ పాకర్

టాటా కమ్యూనికేషన్స్ గ్లోబల్ సేల్స్ ప్రెసిడెంట్‌గా జేమ్స్ పాకర్ నియమితులయ్యారు. జేమ్స్‌కు ఈ రంగంలో 25 ఏళ్ల సుధీర్ఘ అనుభవం ఉందని, ఆయన నాయకత్వం కంపెనీ ఎదుగుదలకు ఎంతో తోడ్పడుతుందని టాటా కమ్యూనికేసన్స్ మేనేజింగ్ డైరెక్టర్, సీఈవో వినోద్ కుమార్ వెల్లడించారు. ప్రస్తుత డిజిటల్ యుగానికి అనుగుణంగా ప్రపంచ వ్యాప్తంగా ఉన్న తమ వినియోగదారులకు అందించే సేవలను మరింత మెరుగుపరచడమే తమ లక్ష్యమని ఆయన వివరించారు.
ప్రపంచ వ్యాప్తంగా కంపెనీ అన్ని విభాగాల్లో జరిగే విక్రయాలకు పాకర్ నాయకత్వం వహిస్తారు. పాకర్‌కు ప్రముఖ సాఫ్ట్‌వేర్, టెలికమ్యూనికేషన్స్ పరిశ్రమల్లో పనిచేసిన అనుభవం ఉంది. సెంచురీలింక్, మైక్రోసాఫ్ట్, ఐబీఎం వంటి పెద్ద కంపెనీల్లో వివిధ స్థానాల్లో ఆయన సేవలందించారు. టాటా క్యమూనికేషన్ టీంలో భాగం కావడం చాలా సంతోషంగా ఉందని, ప్రస్తుత డిజిటల్ ప్రపంచానికి టాటా కమ్యూనికేషన్ గుండె లాంటిదని పాకర్ వ్యాఖ్యానించారు.