మార్కెట్లోకి 'జియోఫై' వైర్‌లెస్ డేటాకార్డు!

రిలయన్స్‌ జియో మరో సంచలనానికి తెరతీసింది. ఈ సారి కొత్త 'జియోఫై జేఎంఆర్815 వైర్‌లెస్ డేటా కార్డు'తో వినియోగదారుల ముందుకొచ్చింది. దీని ధర రూ.999 మాత్రమే. వినియోగదారులు ఫ్లిప్‌కార్ట్‌ ద్వారా మాత్రమే కొనుగోలు చేయాల్సి ఉంటుంది. ఈ డివైస్‌పై ఏడాది వారెంటీ కూడా ప్రకటించింది. 'డిజైన్డ్‌ ఇన్‌ ఇండియా' నినాదంతో ఈ డివైస్‌ను జియో ప్రవేశపెట్టింది.

దీని డౌన్‌లోడ్‌ స్పీడు.. 150ఎంబీపీఎస్‌ వరకు, అప్‌లోడ్‌ స్పీడు 50ఎంబీపీఎస్‌ వరకు ఉంది. ఒక్కసారి కనెక్ట్‌ అయితే స్మార్ట్‌ఫోన్లలోని జియో 4జీ వాయిస్‌ యాప్‌తో హెచ్‌డీ వాయిస్‌, వీడియో కాల్స్‌ను పొందవచ్చు.

దీనిద్వారా ఒకే సమయంలో 32 మంది వినియోగదారులు హై-స్పీడు డేటా సేవలు పొందవచ్చు.ఈ కొత్త జియోఫైలో స్టోరేజ్‌ను 64జీబీ వరకు విస్తరించేందుకు మైక్రో ఎస్డీ కార్డు స్లాట్‌ కూడా ఉంది. 3000 ఎంఏహెచ్‌ బ్యాటరీతో ఇది లభించనుంది.