ఐపీవోకు రానున్న క్యాప్ స్ట‌న్

సెక్యూరిటీ సేవలను అందిస్తున్న హైదరాబాదీ సంస్థ క్యాప్‌స్టన్ ఐపీఓకు రాబోతోంది. ఈ ఐపీఓ ద్వారా సమీకరించాలని అనుకున్న సొమ్ముతో విస్తరణ, రుణాలను తీర్చేందుకు ఉపయోగిస్తామని కంపెనీ యాజమాన్యం చెబ్తోంది. 6500 మందికి పైగా ఉద్యోగులతో సుమారు 400 మందికిపైగా క్లైంట్లకు సేవలను అందిస్తున్న క్యాప్‌స్టన్‌ దక్షిణాది మార్కెట్‌పై మరింత పట్టుసాధించేందుకు సిద్ధమవుతోంది. జాతీయ నైపుణ్యాభివృద్ధి సంస్థతో అవగాహనా ఒప్పందం కుదుర్చుకున్న క్యాప్‌స్టన్ లక్ష మందికి ట్రైనింగ్ ఇవ్వాలని చూస్తోంది. ఎన్ఎస్ఈ ఎస్ఎంఈ ప్లాట్‌ఫాం ద్వారా షేర్లను ఆఫర్ చేస్తున్న ఈ సంస్థ ఐపిఓ ఈ నెల 20వ తేదీన ప్రారంభం కాబోతోంది. ఒక్కో షేరుకు రూ.92 ఇష్యూ ధరగా నిర్ణయించారు. మార్చి 20 న ప్రారంభం కానున్న ఐపీవో జారీ 22 వ‌ర‌కూ అందుబాటులో ఉంటుంది. ఎన్ఎస్ఈ ఎస్ఎంఈలో ఈ కంపెనీ షేర్లు లిస్ట్ కానున్నాయి.


ఐపీవో ముఖ్యాంశాలు
ఐపిఓకు వచ్చిన మొద‌టి హైద‌రాబాదీ సెక్యూరిటీ సేవ‌ల సంస్థ‌ క్యాప్‌స్టన్ ఫెసిలిటీస్ మేనేజ్‌మెంట్
ఎస్ఎంఈ వేదిక ద్వారా నిధుల సమీకరణకు యోచన
ఎస్ఎంఈ ఐపీవో ద్వారా రూ.21.19 కోట్ల సమీకరణ లక్ష్యం
సెక్యూరిటీ, ఫెసిలిటీస్ సేవలను అందిస్తున్న క్యాప్‌స్టన్
700 మంది క్లైంట్లకు 6500 మంది ఉద్యోగులతో సేవలు
మార్చి 20వ తేదీ నుంచి ఐపిఓ ప్రారంభం, ఇష్యూ ధర రూ.92
22వ తేదీన ముగియనున్న ఇష్యూ
ఐపీవో ద్వారా మొత్తం 23,04,000 ఈక్విటీ షేర్ల విక్రయం
ఇందులో మొత్తం 11,52,000 షేర్లు అమ్మ‌కానికి సిద్ధం