Bank లోన్ ఆఫర్ అదిరింది.. 6 నెలలు ఈఎంఐ కట్టక్కర్లేదు!

కొత్తగా కారు కొనుగోలు చేయాలని భావిస్తున్నారా? అయితే మీకోసం చాలా ఆప్షన్లు అందుబాటులో ఉన్నాయి. దిగ్గజ కార్ల తయారీ కంపెనీ మారుతీ సుజుకీ ఇండియా తన కస్టమర్లకు మెరుగైన సేవలు అందించడానికి వివిధ బ్యాంకులతో భాగస్వామ్యం కుదుర్చుకుంది. దీంతో కస్టమర్లు ఆకర్షణీయ లోన్ ఆఫర్లు పొందొచ్చు. అయితే ఇప్పుడు Maruti Suzuki సంస్థకు టాటా మోటార్స్ షాకిచ్చింది.

టాటా మోటార్స్ తాజాగా కరూర్ వైశ్యా బ్యాంక్ (KVB)తో జతకట్టింది. కారు కొనుగోలు చేయాలని భావించే వారికి ఆకర్షణీయమైన ఆఫర్లు అందిస్తోంది. టాటా ప్యాసింజర్ వెహికల్ కొనుగోలు చేయాలని భావించే వారికి సులభంగానే రుణం పొందొచ్చు. బ్యాంక్ కస్టమర్లు, ఇతర కస్టమర్లు లోన్ తీసుకోవచ్చు.

Also Read: undefined

టాటా మోటార్స్‌కు దేశవ్యాప్తంగా ఉన్న షోరూమ్‌లలో లేదా కరూర్ వైశ్యా బ్యాంక్ బ్రాంచులకు వెళ్లి లోన్ కోసం అప్లై చేసుకోవచ్చు. కారు ధరకు సమానమైన మొత్తాన్ని రుణం రూపంలో పొందొచ్చు. అంతేకాకుండా రుణ గ్రహీతలు తొలి ఆరు నెలలపాటు ఎలాంటి ఈఎంఐ చెల్లించాల్సిన అవసరం లేదు. జీరో డౌన్ పేమెంట్ ఆప్షన్ కూడా ఉంది.

ఇంకా ఆకర్షణీయమైన వడ్డీ రేటుకే కార్ లోన్ పొందొచ్చు. అయితే కేవలం కొన్ని కార్ మోడల్స్‌కు మాత్రమే ఈ ఫెసిలిటీ వర్తిస్తుంది. టాటా టియాగో, టాటా నెక్సన్, టాటా అల్ట్రోజ్ వంటి మోడల్లకు మాత్రమే లోన్ ఆఫర్ వర్తిస్తుంది. ఉద్యోగులు, స్వయం ఉపాధి పొందుతున్న వారు లోన్ కోసం అప్లై చేసుకోవచ్చు.