Interest Rates:శుభవార్త చెప్పిన బ్యాంకు, డబ్బులు దాచుకున్న వారికి ఎక్కువ ఆదాయం!

Interest Rates: కొటక్ మహింద్రా బ్యాంకు ఫిక్స్‌డ్ డిపాజిట్, రికరింగ్ డిపాజిట్ రేట్లను పెంచింది. ఏడాది నుంచి మూడేళ్ల టెన్యూర్ కలిగిన ఫిక్స్‌డ్ డిపాజిట్ వడ్డీ రేట్లను 15 బేసిస్ పాయింట్ల వరకు పెంచుతున్నట్టు కొటక్ మహింద్రా బ్యాంకు ప్రకటించింది. రూ.2 కోట్ల తక్కువున్న మొత్తాలకు ఇది వర్తిస్తుంది. నేటి నుంచే అంటే ఆగస్టు 17,2022 నుంచి ఈ పెంచిన రేట్లు అమల్లోకి వస్తాయి. 365 రోజుల నుంచి 389 రోజుల టెన్యూర్ కలిగిన ఎఫ్‌డీ వడ్డీ రేటు 15 బేసిస్ పాయింట్లు పెరిగి 5.75 శాతానికి చేరుకుంది. అంతకుముందు ఈ రేటు కేవలం 5.60 శాతంగా మాత్రంగానే ఉండేది. అలాగే 390 రోజుల నుంచి మూడేళ్ల టెన్యూర్ కలిగిన ఎఫ్‌డీ వడ్డీ రేట్లు 15 బేసిస్ పాయింట్లు 5.90 శాతానికి పెరిగాయి. అంతకుముందు ఈ రేట్లు 5.75 శాతంగా ఉండేవి. మూడేళ్ల నుంచి పదేళ్ల టెన్యూర్ కలిగిన వడ్డీ రేట్లను కొటక్ మహింద్రా బ్యాంకు మార్చలేదు. ఈ రేట్లు 5.90 శాతంగానే కొనసాగుతున్నాయి.

రికరింగ్ డిపాజిట్ వడ్డీ రేటు..
ఆరు నెలల టెన్యూర్ కలిగిన రికరింగ్ డిపాజిట్ వడ్డీ రేటును కొటక్ మహింద్రా బ్యాంకు 25 బేసిస్ పాయింట్లు పెంచింది. ఆరు నెలల నుంచి తొమ్మిది నెలల టెన్యూర్ కలిగిన రికరింగ్ డిపాజిట్లపై బ్యాంకు 5 శాతం వడ్డీని ఆఫర్ చేస్తుంది. 12 నెలల వడ్డీ రేటును 5.60 శాతం నుంచి 5.75 శాతానికి పెంచింది.

ఆర్‌బీఐ రెపో రేటు పెంపు..
రిజర్వు బ్యాంకు ఆఫ్ ఇండియా రెపో రేటును 50 బేసిస్ పాయింట్లు పెంచిన తర్వాత.. బ్యాంకులు కూడా డిపాజిట్ రేట్లను పెంచుతున్నాయి. ఎస్‌బీఐ, పీఎన్‌బీ, ఉజ్జీవన్ స్మాల్ ఫైనాన్స్ బ్యాంకులు ఇప్పటికే ఫిక్స్‌డ్ డిపాజిట్ వడ్డీ రేట్లను పెంచాయి.

Also Read :SBI: బ్యాంకు కస్టమర్లకు గుడ్‌న్యూస్.. ప్రత్యేక స్కీమ్ లాంచ్ చేసిన ఎస్‌బీఐ

Also Read :SBI ట్వీట్.. వారికి ఉచితంగా ఇంటి వద్దనే బ్యాంకింగ్ సేవలు!