Fixed Deposit Rates: డిపాజిట్‌దారులకు తీపికబురు అందించిన ప్రముఖ బ్యాంక్.. కీలక నిర్ణయం!

Latest FD Rates: బ్యాంక్‌లో డబ్బులు దాచుకోవాలని భావించే వారికి ఇది ఊరట కలిగించే అంశం అని చెప్పుకోవచ్చు. ఎందుకంటే బ్యాంకులు వరుస పెట్టి ఫిక్స్‌డ్ డిపాజిట్లపై వడ్డీ రేట్లను పెంచుకుంటూ వెళ్తున్నాయి. తాజాగా మరో ప్రముఖ ప్రైవేట్ రంగ బ్యాంక్ కోటక్ మహీంద్రా బ్యాంక్ కూడా ఇదే దారిలో నడిచింది. ఎఫ్‌డీ రేట్లు పెంచుతున్నట్లు వెల్లడించింది. దీని వల్ల బ్యాంక్‌లో డబ్బులు దాచుకోవాలని భావించే కస్టమర్లకు ఊరట కలుగనుంది. గతంలో కన్నా ఇకపై అధిక రాబడి వస్తుంది. కోటక్ మహీంద్రా బ్యాంక్ వెబ్‌సైట్ ప్రకారం.. ఆగస్ట్ 10 నుంచి కొత్త రేట్లు అమలులోకి వచ్చాయి. రూ. 2 కోట్లకు లోపు డిపాజిట్లపై వడ్డీ రేట్లు పెరిగాయి. బ్యాంక్ 7 రోజుల నుంచి 10 ఏళ్ల వరకు టెన్యూర్‌తో ఫిక్స్‌డ్ డిపాజిట్ సర్వీసులు అందిస్తోంది. ఈ ఎఫ్‌డీలపై 2.5 శాతం నుంచి 5.9 శాతం వరకు వడ్డీని ఆఫర్ చేస్తోంది. అలాగే సీనియర్ సిటిజన్స్‌కు అయితే ఎక్కువ వడ్డీ వస్తుంది. వీరికి 3 శాతం నుంచి 6.4 శాతం వరకు వడ్డీ అందుబాటులో ఉంది. మీరు ఎంచుకునే టెన్యూర్ ప్రాతిపదికన వడ్డీ రేటు కూడా మారుతూ ఉంటుంది.

Also Read: undefined

7 రోజుల నుంచి 14 రోజుల ఎఫ్‌డీలపై 2.5 శాతం వడ్డీ రేటు ఉంది. 15 రోజుల నుంచి 30 రోజుల ఫిక్స్‌డ్ డిపాజిట్లపై అయితే 2.65 శాతం వడ్డీ వస్తోంది. ఇదివరకు వడ్డీ రేటు 2.5 శాతంగా ఉండేది. 31 రోజుల నుంచి 90 రోజుల ఫిక్స్‌డ్ డిపాజిట్లపై అయితే వడ్డీ రేటు 3.25 శాతంగా ఉంది. ఇది వరకు వడ్డీ రేటు 3 శాతంగా ఉంది. అంటే 25 బేసిస్ పాయింట్ల మేర వడ్డీ రేటు పెరిగిందని చెప్పుకోవచ్చు.

అలాగే 91 రోజుల నుంచి 179 రోజుల ఎఫ్‌డీలపై అయితే వడ్డీ రేటు 3.75 శాతంగా ఉంది. ఇది వరకు వడ్డీ రేటు 3.5 శాతంగా ఉంది. అంటే ఇక్కడ కూడా వడ్డీ రేటు 25 బేసిస్ పాయింట్ల మేర పెరిగింది. ఇంకా 180 రోజుల నుంచి 363 రోజుల ఫిక్స్‌డ్ డిపాజట్లపై అయితే బ్యాంక్ 5 శాతం వడ్డీని అందిస్తోంది. ఇది వరకు వడ్డీ రేటు 4.75 శాతంగా ఉండేది. ఇంకా 364 రోజుల కాల పరిమితిలోని ఎఫ్‌డీలపై అయితే వడ్డీ రేటు 5.25 శాతంగా కొనసాగుతోంది. 365 రోజుల నుంచి 390 రోజుల ఎఫ్‌డీలపై అయితే వడ్డీ రేటు 5.75 శాతంగా ఉంది.

Also Read: undefined

20కి పైగా రంగాల గురించి సమగ్రమైన సమాచారం తెలుసుకునేందుకు, ఎక్స్‌క్లూజివ్ ఎకనమిక్ టైమ్స్ కథనాల కోసం ఎకనమిక్ టైమ్స్ ప్రైమ్‌ను సబ్‌స్క్రయిబ్ చేసుకోగలరు.