LIC: ఎల్ఐసీ కస్టమర్లకు అలర్ట్.. మార్చి 31 వరకే అవకాశం.. ఈ పాలసీ కనిపించదికా!

LIC Policy: దేశీయ అతిపెద్ద బీమా రంగం సంస్థ లైఫ్ ఇన్సూరెన్స్ కార్పొరేషన్ ఆఫ్ ఇండియా (LIC) తమ కస్టమర్ల కోసం ఎప్పటికప్పుడు కొత్త కొత్త పథకాలను తీసుకొస్తుంది. అలా తీసుకొచ్చిందే ఎల్ఐసీ ధన్ వర్ష ప్లాన్ (LIC Dhan Varsha). ఈ ప్లాన్ చాలా ప్రత్యేకమైనది. ఎందుకంటే ఈ పథకంలో మీరు చెల్లించిన ప్రీమియంల మొత్తం కంటే 10 రెట్లు ఎక్కువ రాబడిని అందిస్తుంది. అయితే, ఈ ఎల్ఐసీ (Life Insurance Corporation Of India) ధన్ వర్ష ప్లాన్ మార్చి 31, 2023తో ముగిసిపోతోంది. ఎవరైతే ఈ ప్లాన్ తీసుకోవాలని భావిస్తున్నారో వెంటనే తీసుకోవడం మంచిది. ఈక్రమంలో ఎల్ఐసీ ధన్ వర్ష ప్లాన్ గురించి తెలుసుకుందాం.

ఎల్ఐసీ ధన్ వర్ష ప్లాన్ ఏమిటి?
ఎల్ఐసీ ధన వర్ష పాలసీ అనేది నాన్ లింక్డ్, నాన్ పార్టిసిపేటింగ్, వ్యక్తిగత, సేవింగ్స్, సింగిల్ ప్రీమియం లైఫ్ ఇన్సూరెన్స్ ప్లాన్ (Life Insurance Policy). ఇందులో లైఫ్ కవర్‌తో పాటు సేవింగ్స్ ఉంటాయి. పాలసీ తీసుకున్న వ్యక్తి దురదృష్ట వశాత్తు మరణిస్తే ఆయన కుటుంబానికి పెద్ద మొత్తంలో డబ్బులు అందుతాయి. డెత్ బెనిఫిట్ సమ్ ఎస్యూర్డ్‌కు రెండు రెట్లు సమానంగా ఉంటుంది. ఎల్ఐసీ ట్వీట్ ప్రకారం 'లిమిటెడ్ ప్లాన్ ధన్ వర్ష్‌కు మరికొన్ని రోజులు మాత్రమే ఉన్నాయి. మార్చి 31, 2023 వరకే ఈ ప్లాన్ కొనుగోలు చేయవచ్చు. ఈ ప్లాన్ తీసుకునేందుకు https://licindia.in/Home/buypoliciesonline వెబ్‌సైట్ లేదా సమీప బ్రాంచ్, లేదా ఎల్ఐసీ ఏజెంట్‌ను సంప్రదించి' అని పేర్కొంది.

ఈ బీమా పాలసీ టర్మ్ 10 లేదా 15 సంవత్సరాలుగా ఎంచుకునేందుకు వీలుంది. 15 ఏళ్ల వ్యవధి తీసుకుంటే కనీస వయసు 3 ఏళ్లుగా ఉండాలి. అలాగే 10 ఏళ్ల వ్యవధి ఎంచుకున్నట్లయితే కనీస వయసు 8 ఏళ్లుగా ఉంటుంది. 1.2 రెట్లు రిస్క్ కవర్ పాలసీ తీసుకునేందుకు గరిష్ఠం వయసు 60 ఏళ్లుగా ఉండగా 10 రెట్ల రిస్క్ కవర్ ఉన్న పాలసీకి గరిష్ఠం వయసు 40 ఏళ్లుగా ఉంది. ప్రతి ఏటా పాలసీ ముగింపు రోజున గ్యారంటీడ్ అడిషన్స్ ఉంటాయి. మొత్తం పాలసీ టర్మ్ ఉన్నంత కాలం ఈ అడిషన్స్ యాడ్ చేస్తుంది ఎల్ఐసీ. అయితే, అది మీరు ఎంచుకున్న ఆప్షన్, బెసిక్ సమ్ అష్యూర్డ్, పాలసీ టర్మ్ వంటి అంశాలపై ఆధారపడి ఉంటుంది. మంచి బెనిఫిట్స్ అందిస్తున్న ఈ పాలసీని తీసుకునేందుకు ఇంకా రెండు రోజుల సమయమే ఉంది.

• Read Latest Business News and Telugu News