Life Insurance Corporation's Jeevan Anand, 22 Other Insurance Plans Set To Be Closed From Jan 31; Check Details Inside
LIC కస్టమర్లకు షాక్.. జనవరి 31 నుంచి ఆ 23 పాలసీలు రద్దు!
దేశీ దిగ్గజ బీమా రంగ కంపెనీ లైఫ్ ఇన్సూరెన్స్ కార్పొరేషన్ (ఎల్ఐసీ) ఆఫ్ ఇండియా తన కస్టమర్లకు ఝలక్ ఇవ్వనుందా? ఏకంగా 20కి పైగా పాలసీలను రద్దు చేసేందుకు రంగం సిద్ధం చేస్తోందా? వెలువడుతున్న నివేదికలను గమనిస్తే.. అవుననే సమాధానం వినిపిస్తోంది. దీంతో ఎల్ఐసీ పాలసీ తీసుకున్న వారిపై ప్రతికూల ప్రభావం పడే ఛాన్స్ ఉంది.
Samayam Telugu23 Jan 2020, 5:29 pm
దేశీ దిగ్గజ బీమా రంగ కంపెనీ లైఫ్ ఇన్సూరెన్స్ కార్పొరేషన్ (ఎల్ఐసీ) ఆఫ్ ఇండియా తన కస్టమర్లకు ఝలక్ ఇవ్వనుందా? ఏకంగా 20కి పైగా పాలసీలను రద్దు చేసేందుకు రంగం సిద్ధం చేస్తోందా? వెలువడుతున్న నివేదికలను గమనిస్తే.. అవుననే సమాధానం వినిపిస్తోంది. దీంతో ఎల్ఐసీ పాలసీ తీసుకున్న వారిపై ప్రతికూల ప్రభావం పడే ఛాన్స్ ఉంది.
జనవరి 31 లాస్ట్
ఎల్ఐసీ జనవరి 31 నుంచి ఎల్ఐసీకి చెందిన పలు పాలసీలు చెల్లుబాటు కావని నివేదికలు పేర్కొంటున్నాయి. రద్దు కాబోతున్న పాలసీల్లో ఎల్ఐసీ న్యూ జీవన్ ఆనంద్, జీవన్ ఉమాంగ్, జీవన్ లక్ష్య వంటి ప్రముఖ పాలసీలు కూడా ఉండొచ్చనే అంచనాలున్నాయి.
ఎల్ఐసీ మళ్లీ ఫిబ్రవరి 1 నుంచి కొత్త పాలసీలను లాంచ్ చేసే ఛాన్స్ ఉందని విశ్వసనీయ వర్గాలు పేర్కొంటున్నాయి. ఇన్సూరెన్స్ రెగ్యులేటర్ ఐఆర్డీఏఐ కొత్త నిబంధనల నేపథ్యంలోనే ఎల్ఐసీ తన పాలసీలను సవరిస్తోందని తెలుస్తోంది. ఐఆర్డీఏఐ నిబంధనలను అనుగుణంగా పాత పాలసీలను రద్దు చేసి, వాటి స్థానంలో కొత్త పాలసీలు తీసుకురావొచ్చు.
ఎల్ఐసీ పాత ప్లాన్లను సవరించి, కొత్త పాలసీలను తీసుకురావొచ్చనే అంచనాల నడుమ మరికొన్ని వార్తలు కూడా చక్కర్లు కొడుతున్నాయి. కొత్త పాలసీలపై రాబడి కూడా తక్కువగా ఉండొచ్చని తెలుస్తోంది. అంతేకాకుండా పాలసీ ప్రీమియం కూడా పెరిగే అవకాశముంది.
కస్టమర్ల అవసరాలకు అనుగుణంగా పాలసీలు ఉండాలని ఐఆర్డీఏఐ కోరుకుంటోంది. అందుకే కొత్త రూల్స్ను తీసుకువచ్చింది. కస్టమర్లను మోసపూరితంగా ఆకర్షించేలా ఉండే పాలసీలను అడ్డుకోవాలని చూస్తోంది. అందుకే కొత్త రూల్స్ తెచ్చింది. ఈ నేపథ్యంలో ఎల్ఐసీకి చెందిన పలు పాలసీలు రద్దు కావొచ్చు.
ఎల్ఐసీ ఈ పైన పేర్కొన్న ప్లాన్లను మాత్రమే కాకుండా యూనిట్ లింక్డ్ ప్లాన్ న్యూ ఎండోమెంట్ ప్లస్ను, అలాగే ఎల్ఐసీ ప్రీమియం వీవర్ బెనిఫిట్ రైడర్ను కూడా తొలగించే ఛాన్స్ ఉంది. అయితే పాలసీల రద్దుకు సంబంధించి ఎల్ఐసీ స్పందించలేదు.
ఐఆర్డీఏఐ కొత్త రూల్స్ ఫిబ్రవరి 1 నుంచి అమలులోకి రానున్నాయి. ఈ నేపథ్యంలోనే ఎల్ఐసీ కూడా రూల్స్ను అనుగుణంగా లేని పాలసీలను తీసేసి, వాటిని మళ్లీ రూల్స్కు అనుగుణం మార్చి అదే పేరుతో లేదా ఇతర కొత్త పేర్లతో ఆ పాలసీలను తీసుకువచ్చే అవకాశముందని నివేదికలు పేర్కొంటున్నాయి.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.