July Bank Holidays: జూలై నెలలో బ్యాంక్ సెలవులు ఇవే.. మీకు గుడ్ న్యూస్!
బ్యాంక్ ఖాతాదారులకు శుభవార్త. ఈ నెలలో బ్యాంకులకు ఎలాంటి సెలవులు లేవు. ఆదివారాలు సహా రెండు, నాలుగో శనివారాలు మినహా మిగతా రోజుల్లో బ్యాంకులు పనిచేస్తాయి. తెలంగాణ, ఆంధ్రప్రదేశ్ రెండు రాష్ట్రాల్లోనూ ఇదే పరిస్థితి.
Samayam Telugu 1 Jul 2019, 10:37 am
ప్రధానాంశాలు:
- ఈ నెలలో బ్యాంకులకు సెలవులు లేవు
- ఆదివారాలు, రెండో శనివారాలు మాత్రం బ్యాంకులు పనిచేయవన్న విషయం అందిరికీ తెలిసిందే
- తెలంగాణలో బోనాలు మినహా జూలైలో చెప్పుకోదగ్గ పండుగలు లేకపోవడం గమనార్హం
నగదు వ్యవహారాలు ఈ రోజుల్లో ప్రతి ఒక్కరికీ అవసరం. బిజినెస్ వ్యవహారాలు నడిపే వారికి బ్యాంకుల్లో చెక్కులు డిపాజిట్ చేయడం, డీడీలు జమ చేయడం వంటివి ఉన్నందున దాదాపు ప్రతి పని దినమూ ముఖ్యమే. కొన్ని సందర్భాల్లో బ్యాంకు సెలవుల దృష్ట్యా ముందు జాగ్రత్తలు తీసుకోవాల్సి ఉంటుంది. అయితే మీకు ఇక్కడే శుభవార్త ఉంది. జూలై నెలలో బ్యాంకులకు సెలవులు లేవు. ఆంధ్రప్రదేశ్, తెలంగాణ రాష్ట్రాల్లో జూలై నెలలోని రెండు, నాలుగో శనివారాలైన 13, 27 తేదీల్లో బ్యాంకులు పనిచేయవు. ఇకపోతే జూలై నెలలో వచ్చే నాలుగు ఆదివారాలు 7, 14, 21, 28 తేదీల్లో ఎలాగూ బ్యాంకులకు సెలవు.
వీటికి అదనంగా బ్యాంకు ఉద్యోగులకు ఇదివరకు ఏదో ఒక్కటో, రెండో సెలవులు వచ్చేవి. కానీ ఈసారి మాత్రం ఎలాంటి సెలవులు లేవు. అయితే తెలంగాణలో బోనాలు సందర్భంగా బ్యాంకులు పనిచేయవు. అయితే బోనాలు పండుగ ఆదివారం వచ్చింది. ఆ రోజు బ్యాంకులు ఎలాగూ పనిచేయవు.
ఇకపోతే ఒకవేళ బ్యాంకులకు ఎప్పుడైనా సెలవులు ఉన్నా కూడా నెట్ బ్యాంకింగ్ చేసేవారికి మాత్రం ఎటువంటి ఆటంకాలు ఉండవు. ఆన్లైన్, డిజిటల్ లావాదేవీలు యథావిథిగా కొనసాగుతాయి. ఏదైమైనా ఎప్పుడైనా బ్యాంక్ సెలవు ఉంటే.. అప్పుడు ఆయా రోజుల్లో ఏదైనా నగదు లావాదేవీ వ్యవహారాలు ప్లాన్ చేసి ఉంటే దానికి తగ్గట్లుగా ఇప్పటి నుంచే సిద్ధమవ్వడం మంచిది.