Alto K10: రూ.11 వేలకే మారుతీ కొత్త కారు బుక్ చేసుకోవచ్చు.. నేటి నుంచే బుకింగ్స్ ప్రారంభం!

Alto K10: మారుతీ సుజుకి నూతన తరానికి చెందిన ఆల్టో కే10 కారు బుకింగ్స్‌ను ప్రారంభించింది. మారుతీ సుజుకి చెందిన అరెనా షోరూం లేదా అధికారిక వెబ్‌సైట్‌ ద్వారానైనా ఈ హ్యాచ్‌బ్యాక్‌ను బుక్ చేసుకోవచ్చని మారుతీ సుజుకి తెలిపింది. కేవలం రూ.11 వేలు కట్టి మాత్రమే ఈ కారును బుక్ చేసుకోవచ్చని పేర్కొంది. అంతేకాక, మారుతీ సుజుకి అధికారికంగా ఈ కారు ముందు వైపు భాగాన్ని రివీల్ చేసింది. ప్రస్తుత ఆల్టో కారుతో పోలిస్తే ఇది పూర్తిగా భిన్నంగా ఉంది. ఈ కారును అధికారికంగా కంపెనీ ఈ నెల 18న లాంచ్ చేయబోతుంది. 7 వేరియంట్లలో ఈ కారుని ఆఫర్ చేయనుందని తెలుస్తోంది.

కొత్త ఆల్టో కే10 డిజైన్ గురించి మాట్లాడుకుంటే.. ముందు వైపు హెక్సాగోనల్ మెష్‌తో బ్లాక్ గ్రిల్ వస్తుంది. గుడ్రంగా ఉండే హెడ్‌ల్యాంప్స్ కూడా ఈ కారుకి ఉండనున్నాయి. అయితే ఈ కారుకి అలాయ్ వీల్స్ బదులు స్టీల్ వీల్స్ ఇచ్చినట్టు తెలుస్తోంది. ప్రస్తుత ఆల్టోతో పోలిస్తే అతిపెద్దగా 2022 ఆల్టో కే10 ఉండబోతుందని టాక్. 3,530 ఎంఎం పొడవు, 1,490 ఎంఎం వెడల్పు,1,520 ఎంఎం ఎత్తు, 2,380 ఎంఎం లాంగ్ వీల్‌బేస్‌తో ఈ కారు రూపొందినట్టు తెలుస్తోంది. 17 లీటర్ల ఫ్యూయల్ ట్యాంకు కెపాసిటీ, 177 లీటర్ల బూట్ స్పేస్‌ దీనిలో ఉండనున్నాయి. టచ్‌స్క్రీన్ ఇన్ఫోటైన్‌మెంట్ సిస్టమ్, ఎలక్ట్రిక్‌గా అడ్జెస్ట్ చేసుకునే రియర్ వ్యూ మిర్రర్, కీలెస్ ఎంట్రీ వంటి కొత్త ఫీచర్లు కూడా దీనిలో ఉండనున్నట్టు తెలుస్తోంది. ప్రస్తుతం ఆల్టో ధర రూ.3.39 లక్షలుగా ఉంది. కొత్తగా వచ్చే కారు ధర కాస్త ఎక్కువగానే ఉంటుందని తెలుస్తోంది మరి.

ప్రస్తుత ఆల్టోకి ఒకటే ఇంజిన్ ఉంది. ఈ మోడల్ లీటరుకి 22.05 కి.మీ మైలేజ్ ఇస్తుంది. అయితే కొత్త మోడల్ మైలేజ్ కూడా అత్యధికంగా ఉంటుందని తెలుస్తోంది. కొత్త ఆల్టో అత్యంత సమర్థవంతమైన 998సీసీ కే10సీ పెట్రోల్ ఇంజిన్‌తో డ్యూయల్ జెట్ టెక్నాలజీతో రాబోతుంది. అంతేకాక పాత ఇంజిన్ ఆప్షన్ కూడా అందుబాటులో ఉంటుంది.

Also Read : Home Loan Charges: హోమ్ లోన్ తీసుకునేటప్పుడు మీరు తప్పక చెల్లించాల్సిన 11 రకాల ఛార్జీలివే!

Also Read : విమాన ప్రయాణికులకు అలర్ట్.. టిక్కెట్ ధరలు పెరిగే ఛాన్స్!