Swift CNG Car:మారుతీ కొత్త స్విఫ్ట్ సీఎన్‌జీ కారు.. మైలేజ్ అదుర్స్!

Swift CNG Car: భారత్‌లో సీఎన్‌జీ మోడల్స్ అమ్మకాల్లో మారుతీ సుజుకి దూసుకెళ్తోంది. తాజాగా ఈ కంపెనీ భారత మార్కెట్లోకి సరికొత్త స్విఫ్ట్ ఎస్-సీఎన్‌జీ వెహికిల్‌ను లాంచ్ చేసింది. ఈ వెహికిల్ ఎక్స్‌షోరూం ధర ప్రస్తుతం రూ.7.77 లక్షలుగా ఉంది. సరికొత్త ఎస్-సీఎన్‌జీ వెహికిల్ రెండు వేరియంట్లలో వీఎక్స్ఐ, జెడ్ఎక్స్ఐలలో లాంచైంది. పెట్రోల్ వేరియంట్లతో పోలిస్తే రూ.96 వేలు అత్యధికంగా ఈ వెహికిల్ వేరియంట్ల ధరలున్నాయి. 1.2 లీటరు కే-సిరీస్ డ్యూయల్ జెట్ ఇంజిన్‌, డ్యూయల్ వీవీటీ ఇంజిన్‌తో మారుతీ సుజుకి స్విఫ్ట్ సీఎన్‌జీ వెహికిల్ అందుబాటులోకి వచ్చింది. ఈ కారు కేజీకి 30.90 కి.మీల ఇంధన సామర్థ్యాన్ని డెలివరీ చేస్తుంది. ఈ సరికొత్త స్విఫ్ట్ సీఎన్‌జీ అత్యంత శక్తివంతమైన సీఎన్‌జీ హ్యాచ్‌బ్యాక్‌ అని కంపెనీ చెబుతోంది. భారత్‌లో అత్యంత ఇంధన సమర్థవంతమైన సీఎన్‌జీ ప్రీమియం హ్యాచ్‌బ్యాక్‌గా పేర్కొంది.

సరికొత్త స్విఫ్ట్(Maruti Swift S CNG) కోసం కంపెనీ ఆల్-ఇంక్లూజివ్ మంత్లీ సబ్‌స్క్రిప్షన్ ప్లాన్‌ను అందుబాటులోకి తెచ్చింది. ఈ ప్లాన్ రూ.16,499 నుంచి ప్రారంభమవుతుంది. కంపెనీ ఇప్పటికే ఆల్టో, వాగన్ఆర్, సెలెరియో, డిజైర్, ఎర్టిగా, సూపర్ క్యారీ, టూర్-ఎస్ వంటి సీఎన్‌జీ వెహికిల్స్‌ను విక్రయిస్తోంది. సీఎన్‌జీ కంపెనీ ఆఫర్ చేస్తోన్న 9వ మోడల్ ఇదని మారుతీ సుజుకి సీనియర్ ఎగ్జిక్యూటివ్ ఆఫీసర్(మార్కెటింగ్ అండ్ సేల్స్) శశాంక్ శ్రీవాస్తవ తెలిపారు.

ప్రస్తుతం మారుతీ సుజుకి అమ్మకాల్లో 15 శాతం సీఎన్‌జీ వేరియంట్లే ఉంటున్నాయి. రాబోయే రోజుల్లో వీటి అమ్మకాలు మరింత పెరుగుతాయని తెలుస్తోంది. గత ఆర్థిక సంవత్సరం కంపెనీ 1,57,954 యూనిట్ల సీఎన్‌జీ పవర్డ్ కార్లను అమ్మింది. వార్షికంగా ఈ కార్ల గ్రోత్ బాగుంటుంది. అదేవిధంగా స్విఫ్ట్‌ కారు ఇండియన్ ఆటోమోటివ్ ఇండస్ట్రీలో ప్రముఖ ఐకానిక్ మోడల్స్‌లో ఒకటిగా ఉంది. ఈ కారు లాంచైనప్పటి నుంచి 26 లక్షలకు పైగా అమ్మకాలను నమోదు చేసినట్టు స్విఫ్ట్ సీఎన్‌జీ మోడల్ లాంచ్ సందర్భంగా శశాంక్ శ్రీవాస్తవ తెలిపారు.

Also Read :Crying CEO: ఉద్యోగులను తీసేసి, ఏడ్చేసిన సీఈవో.. లింక్డిన్‌లో కన్నీటితో సెల్ఫీ పోస్టు

Also Read : ఒక్క షేరు ధర ఇప్పుడు రూ.50 వేలు.. డబ్బులు పెట్టినోళ్లకి 18110 శాతం రిటర్న్స్!